Գուրգեն Օլխովսկի

Վիքիպեդիայից՝ ազատ հանրագիտարանից
Jump to navigation Jump to search
Գուրգեն Օլխովսկի
Ծնվել էփետրվարի 1, 1933(1933-02-01) (86 տարեկան)
Խարկով, ԽՍՀՄ
Ազգությունհայ
Մասնագիտությունգիտնական
Հաստատություն(ներ)Համառուսաստանյան ջերմատեխնիկական ինստիտուտ
Ալմա մատերՄոսկվայի էներգետիկայի ինստիտուտ և Մոսկվայի էներգետիկայի ինստիտուտ
Գիտական աստիճանտեխնիկական գիտությունների դոկտոր (1975), պրոֆեսոր (1997) և տեխնիկական գիտությունների դոկտոր
ՊարգևներԱշխատանքային Կարմիր դրոշի շքանշան ՌԴ վաստակավոր էներգետիկ Աշխատանքային Կարմիր դրոշի շքանշան «Հայրենիքին մատուցած ծառայությունների համար» շքանշանի երկրորդ աստիճանի մեդալ և Ռուսաստանի կառավարության գիտության և տեխնիկայի ոլորտներում մրցանակ

Գուրգեն Գուրգենի Օլխովսկի (ռուս.՝ Гурген Гургенович Ольховский, փետրվարի 1, 1933(1933-02-01), Խարկով, ԽՍՀՄ), ջերմային Էներգետիկայի բնագավառի հայազգի գիտնական: Տեխնիկական գիտությունների դոկտոր (1975), պրոֆեսոր (1997), Ռուսաստանի գիտությունների ակադեմիայի թղթակից անդամ (2000): ԽՍՀՄ պատվավոր (1983), ՌԴ վաստակավոր (1997) էներգետիկ, ՌԴ միացյալ Էներգահամակարգի վաստակավոր աշխատող (1996), Էներգետիկայի վետերան (1998):

Կենսագրություն[խմբագրել | խմբագրել կոդը]

Գուրգեն Օլխովսկին ծնվել է 1933 թվականին Խարկովում: 1956 թվականին ավարտել է Մոսկվայի էներգետիկական ինստիտուտը: 1956 թվականից աշխատում է Մոսկվայի Համառուսաստանյան ջերմատեխնիկական ինստիտուտում, 1985-2010 թվականներին՝ տնօրեն[1]: «էլեկտրական կայաններ» (ռուսերեն) ամսագրի գլխավոր խմբագիր (1999)[2]:

Գուրգեն Օլխովսկու ղեկավարությամբ կազմակերպվել և հետազոտվել են Ռուսաստանի խոշոր Էլեկտրակայանների էներգետիկ, գազատուրբինային և շոգետուրբինային կայանքների բոլոր գլխավոր նմուշները: Մշակել է երկէներգետիկ ջերմագազային կայանքների տիպերի և լավագույն հարաչափերի ընտրության տեսական հիմունքները, կազմակերպել կայանքների այդ տիպերի գլխամասային բլոկների նախագծման և էլեկտրակայաններում դրանց իրացման աշխատանքներ[2]:

Գուրգեն Օլխովսկու գլխավորությամբ մշակվում են ջերմային էներգետիկայի համար հեռանկարային տեխնոլոգիաներ[2]:

Մրցանակներ, պարգևներ[խմբագրել | խմբագրել կոդը]

  • ԽՍՀՄ Նախարարների խորհրդի մրցանակ, 1978 թ.
  • ԽՍՀՄ պատվավոր էներգետիկ, 1983 թ.
  • Աշխատանքային կարմիր դրոշի շքանշանակիր, 1991[3] թ.
  • ՌԴ միացյալ Էներգահամակարգի վաստակավոր աշխատող, 1996 թ.
  • ՌԴ վաստակավոր էներգետիկ, 1997 թ.
  • Էներգետիկայի վետերան, 1998 թ.
  • ՌԴ կառավարության մրցանակ, 1998 թ.

Երկեր[խմբագրել | խմբագրել կոդը]

  • Тепловые испытания стационарных газотурбинных установок, М., 1971;
  • Энергетические газотурбинные установки, М., 1985.

Ծանոթագրություններ[խմբագրել | խմբագրել կոդը]

  1. Ольховский Гурген Гургенович, Директор ВТИ с 1985 по 2010 гг.
  2. 2,0 2,1 2,2 Ով ով է. Հայեր. Կենսագրական հանրագիտարան, հատոր երկրորդ, Երևան, 2007:
  3. «Указ Президента СССР от 21.12.1991 N УП-3128»։ Библиотека LibUSSR.RU։ Արխիվացված է օրիգինալից 2013-03-17-ին։ Վերցված է 2013-03-03