Գնչուները Մակեդոնիայի Հանրապետությունում

Վիքիպեդիայից՝ ազատ հանրագիտարանից
Jump to navigation Jump to search


Մակեդոնիայի գնչուներ
Macedonian Gipsies.jpg
Ընդհանուր քանակ
54 000
Բնակեցում
Հյուսիսային Մակեդոնիա Հյուսիսային Մակեդոնիա 54 000
Թուրքիա Թուրքիա
Հունաստան Հունաստան
Լեզու(ներ)
գնչուերեն, մակեդոներեն
Հավատք(ներ)
իսլամ, քրիստոնեություն

Գնչուները Մակեդոնիայի Հանրապետությունում կամ մակեդոնական գնչուներ (մակեդոներեն՝ Македонски Роми), Մակեդոնիայի Հանրապետության տարածքում ապրող գնչուական ծագմամբ մի քանի էթնիկական խմբերի ընդհանուր անվանումը։ Ըստ 2002 թվականի մարդահամարի տվյալների՝ Մակեդոնիայում բնակվում է շուրջ 54 հազար գնչու, որը կազմում է ամբողջ երկրի բնակչության 2,7 %-ը[1]։ Մակեդոնիայի Հանրապետության մայրաքաղաք Սկոպյեի հյուսիսում գտնվող Շուտո Օրիզարիի շրջանը միակն է աշխարհում, որտեղ գնչուները կազմում են բնակչության մեծամասնություն և ունեն հատուկ իրավունքներ։

Դեռևս 2001 թվականին Մակեդոնիայի Հանրապետության խորհրդարանը սահմանադրության մեջ գնչուներին ճանաչել է, որպես ազգային փոքրամասնություն։ Ըստ պաշտոնական մարդահամարների՝ Մակեդոնիայի գնչուների ճնշող մեծամասնությունը բնակվում է քաղաքներում։

Համաձայն վարկածի՝ այս տարածքներում գնչուները առաջին անգամ բնակություն են հաստատել Ալեքսանդր Մակեդոնացու նվաճումներից հետո։ Այդ ժամանակ գնչուներն իրենց անվանում էին եգիպտացիներ, չնայած նրան, որ արդեն ձևավորված էին, որպես էթնիկ խումբ։ Գնչուների ներհոսքի մեծ ալիք է գրանցվել 14-15-րդ դարում՝ կապված թուրքերի կողմից Բալկանյան թերակղզու գրավման հետ։ Նրանք եղել են թուրք գեներալների ստրուկներ, ովքեր աշխատել են նավերում։

Մակեդոնիայի Հանրապետության գնչուների մեծ մասը դավանում է սուննի իսլամ։ Միևնույն ժամանակ փաստ է նաև այն, որ Մակեդոնիայի արևելքում ապրող գնչուների մի մասը քրիստոնեության հետևորդներ են։

Հայտնի ներկայացուցիչներ[խմբագրել | խմբագրել կոդը]

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]