Տերևները ձվաձև են, երկարավուն ձվաձև կամ էլիպսաձև, ունեն 5-15 սմ երկարություն և 3-9 սմ լայնություն, կնճռոտ մակերեսով։ Ծաղկաբույլերը բազմածաղիկ հուրաններ են, դեղնասպիտակ պսակով։ Պտուղը սեղմված ձվաձև է, էլիպսաձև, հասունանալիս ձեռք է բերում սև գույն, հյութալի է։ Պտուղը սկզբում վառ կարմիր է, իսկ երբ պտուղը հասունանում է դառնում է փայլուն սև։ Ընձյուղները և տերևները խիստ թավոտ են։ Ծաղկում է մայիս-հունիսին, պտուղները հասունանում են օգոստոս-սեպտեմբերին։ Չորադիմացկուն է և ցրտադիմացկուն։ Հեռանկարային է անտառային մշակույթների և կանաչապատման համար։ Ունի շատ ամուր բնափայտ։ Պտուղներն ուտվում են։ Բազմանում է սերմերով։ Այս թուփը պարունակում է 1.8 տոկոս գլյուկոզիդներ։ Պարունակում է նաև E վիտամին և դաբաղանյութեր։
