Գայլն ու յոթ ուլիկները

Վիքիպեդիայից՝ ազատ հանրագիտարանից
Jump to navigation Jump to search
Գայլն ու յոթ ուլիկները
Der Wolf und die sieben jungen Geißlein
Wolf and 7 kids.jpg
Տեսակ գրական ստեղծագործություն
Ժանր հեքիաթ
Հեղինակ Գրիմ եղբայրներ
Բնագիր լեզու գերմաներեն
The Wolf and the Seven Young Kids

«Գայլն ու յոթ ուլիկները» (գերմ.՝ Der Wolf und die sieben jungen Geißlein), Գրիմ եղբայրների հեքիաթը, հրատարակվել է 1812-1815 թվականների հեքիաթների շարքում: Ըստ Աարնե-Թոմփսոնի հեքիաթային սյուժեների դասակարգման ցուցանիշի՝ զբաղեցնում է 123 համարը[1]:

Սյուժե[խմբագրել | խմբագրել կոդը]

Մայր այծն իր ուլիկներին խրատում է զգուշանալ մոտակայքում թափառող գայլից ու գնում է անտառ՝ կեր բերելու: Գայլը, օգտվելով հարմար առիթից, թակում է այծի տան դուռն ու հայտարարում, որ նրանց մայրն է: Ուլիկները պատասխանում են, որ իրենց մոր ձայնը նուրբ է, իսկ նրանը հաստ է ու կոշտ: Գայլը մի կտոր կավիճ է ուտում, որպեսզի ձայնը բարակի: Մեկ այլ տարբերակում դարբինը գայլի համար երգեցիկ կոկորդ է կռում: Բայց ուլիկները նորից նրան ներս չեն թողնում. իրենց մոր թաթերը սպիտակ են, իսկ նրանը սև էին, ինչպես գայլինը: Գայլը գնում է ջրաղաց և ձեռքերը թաթախում ալյուրի մեջ: Ուլիկները գայլին ներս են թողնում, և վերջինս անմիջապես ուտում է նրանց բոլորին, բացի ամենափոքրից, որ թաքնվել էր վառարանի մեջ, իսկ ըստ անգլերեն տարբերակի՝ ժամացույցի մեջ:

Հերմեն Ֆոգելի նկարազարդումը

Վերադառնալով տուն՝ մայր այծը տեսնում է գայլի կատարած ավերածություններն և թաքնված ուլիկին, որը նրան պատմում է պատահածի մասին: Այծը գնում է գայլի ետևից և նրան գտնում ծառի տակ քնած, իսկ նրա փորի մեջ ինչ-որ բաներ էին շարժվում: Մայր այծը կտրում է գայլի փորը, որտեղից անվնաս դուրս են գալիս 6 ուլիկները, այնուհետև փորի մեջ քար է լցնում: Հաջորդ առավոտ այծը հանդիպում է գայլին և խորհուրդ տալիս խարույկի վրա ցատկելով մրցել, այծը ցատկում է, գայլը նույնպես ցատկում է, բայց քարերը նրան ցած են քաշում: Գայլն այրվում է: Մեկ այլ տարբերակում, գայլն արթնանում է և ուզում է ջուր խմել: Գնում է ջրհորի մոտ, կռանում, որ ջուր խմի, բայց ծանրությունից ընկնում է ջուրն ու խեղդվում:

Էկրանավորում[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]