Գայանե Նիկողոսյան

Գայանե Նիկողոսյան
Ծնվել է	հուլիսի 12, 1921(1921-07-12)
Ծննդավայր	Թիֆլիս, Վրացական Սոցիալիստական Խորհրդային Հանրապետություն
Մահացել է	2010
Քաղաքացիություն	ԽՍՀՄ և  Հայաստան
Կրթություն	Երևանի Մխիթար Հերացու անվան Պետական Բժշկական Համալսարան (1944)
Մասնագիտություն	հիգիենիստ
Գիտական աստիճան	բժշկական գիտությունների դոկտոր (1969)

Գայանե Գերասիմի Նիկողոսյան (հուլիսի 12, 1921(1921-07-12), Թիֆլիս, Վրացական Սոցիալիստական Խորհրդային Հանրապետություն - 2010), հայ հիգիենիստ։ Բժշկական գիտությունների դոկտոր (1969), պրոֆեսոր (1970): Երևանի բժշկական ինստիտուտի պրոբլեմային հիգիենայի հանձնաժողովի նախագահ։

Կենսագրություն

Գայանե Նիկողոսյանը ծնվել է 1921 թվականի հուլիսի 12-ին, Վրաստանի Թիֆլիս քաղաքում։ 1944 թվականին ավարտել է Երևանի բժշկական ինստիտուտը։ 1943 թվականից աշխատել է Երևանի բժշկական ինստիտուտում։ 1959-1985 թվականներին եղել է երեխաների և դեռահասների հիգիենայի ամբիոնի վարիչ, Առողջության և ատամնաբուժական ֆակուլտետների դեկան, 1970-1989 թվականներին՝ ՀԽՍՀ առողջապահության նախարարության երեխաների առողջության պահպանության գլխավոր մասնագետ, Երևանի բժշկական համալսարանի պրոբլեմային հիգիենայի հանձնաժողովի նախագահ։ 1992 թվականից բնակվել է Լոս Անջելեսում։

Աշխատանքները վերաբերում են երեխաների առողջական վիճակի, ֆիզիկական զարգացման, մանկական հիմնարկներում ուսումնադաստիարակչական աշխատանքների հարցերին։

Մահ

Մահացել է 2010 թվականին։ Թաղված է Երևանի Թոխմախի գերեզմանատանը։

Անդամակցություն

• Հիգիենիստների հասարակական խորհրդի անդամ։
• «Երեխաների և դեռահասների հիգիենայի» հարցերով հանձնաժողովի անդամ։

Երկեր

• Երեխաների ուսումնա-դաստիարակչական պրոցեսի կազմակերպումը, Նիկողոսյան Գայանե Գերասիմի, ՀԽՍՀ Առողջապահության մինիստրության սանլուստուն, Երևան, «Հայաստան», 1976։
• Նիկողոսյան Գ. Գ., Երեխաների և դեռահասների հիգիենա, Երևան, 1967։
• Երեխաների և դեռահասների հիգիենայի դասագիրք, Նիկողոսյան Գայանե Գերասիմ, Հայկական ԽՍՀ առողջապահության մինիստրության գիտական բժշկական խորհուրդ, Երևան, «Հայաստան», 1967։

Գրականություն

• Айриян А. П. Армянские учёные-медики. - Ер., 1998 - 276 с. ISBN 99930-1-001-7.