Գագիկ Խաչատուրյան
| Գագիկ Խաչատուրյան | |
|---|---|
 | |
| Ծնվել է | փետրվարի 3, 1997 |
| Ծննդավայր | Երևան, Հայաստան |
| Մահացել է | հոկտեմբերի 2, 2020[1] (23 տարեկան) |
| Քաղաքացիություն |  Հայաստան |
| Կրթություն | Երևանի Կոմիտասի անվան պետական կոնսերվատորիա |
| Մասնագիտություն | երգիչ և ազատամարտիկ |
Գագիկ Սուրենի Խաչատուրյան (փետրվարի 3, 1997, Երևան, Հայաստան - հոկտեմբերի 2, 2020[1]), հայ երգիչ, Արցախյան երկրորդ պատերազմի ազատամարտիկ։
Կենսագրություն
[խմբագրել | խմբագրել կոդը]Ծնվել է 1997 թվականի փետրվարի 3-ին Երևանում։ Մանկության տարիներին ընտանիքով տեղափոխվել է Թբիլիսի։
2003 թվականից հաճախել է Թբիլիսիի թիվ 104 դպրոց։
2004 թվականին դարձել է «Փոքրիկ հայեր» երգչախմբի անդամ։
2007 թվականին վերադարձել է Երևան։ Նույն թվականից ուսումը շարունակել է Երևանի Ն. Սաֆարյանի անվան թիվ 164 հիմնական դպրոցում։ Դպրոցին կից հաճախել է Հ. Դանիելյանի անվան արվեստի դպրոցի դաշնամուրի բաժին և ավարտել այն կարմիր դիպլոմով։
2007- 2009 թվականներին սովորել է Հայաստանի երգի պետական թատրոնին կից դպրոց ստուդիայի վոկալ բաժնում։
2011 թվականին մասնակցել է Գյումրիում կայացած երաժիշտ-կատարողների «Վերածնունդ» միջազգային երրորդ մրցույթ-փառատոնին՝ որպես դաշնակահար, և պարգևատրվել է վկայագրով։
2012 թվականին, մասնակցելով «Ռուսաստանի սիրված երգեր» մրցույթ-փառատոնին, հաղթել է և պարգևատրվել դիպլոմով։
2012 թվականից հաճախել է Երևանի Թ.Կրպեյանի անվան թիվ 62 ավագ դպրոց։
2014 թվականին հիմնել է երաժշտական խումբ, որն ամեն տարի ներկայացրել է Եվրատեսիլ միջազգային երգի մրցույթում Հայաստանը ներկայացնող երգերի cover տարբերակները։
2015 թվականին ընդունվել է Երևանի Կոմիտասի անվան պետական կոնսերվատորիայի ակադեմիական երգեցողության բաժին։
2016 թվականին մասնակցել է «Իքս Ֆակտոր» հեռուստաերաժշտական մրցույթին։
2018 թվականին եղել է Ֆրանկոֆոնիայի տասնյոթերորդ գագաթնաժողովի ռեժիսորի օգնական։
2018 թվականին դարձել է «Divisi choir» երգչախմբի անդամ։
2018 թվականից սկսել է երգել Երևանի Սբ. Զորավոր Աստվածածին եկեղեցում։
2018-2019 թվականներին Երևանի գլխավոր տոնածառի լույսերի վառման արարողության ժամանակ եղել է ռեժիսորի օգնական։
2019 թվականին Երևանի օպերայի և բալետի ազգային ակադեմիական թատրոնում աշխատել է որպես միմանսի դերակատար։
2019 թվականին ընտրվել է Երևանի կոնսերվատորիայի ուսանողական խորհրդի նախագահ։
2019 թվականին գերազանցությամբ ավարտել է ԵՊԿ-ն և ընդունվել ԵՊԿ վոկալ-տեսական ֆակուլտետի ակադեմիական երգեցողության բաժնի մագիստրատուրա։
Զինվորական ծառայություն
[խմբագրել | խմբագրել կոդը]2019 թվականին Գագիկ Խաչատուրյանը անցել է պարտադիր զինվորական ծառայության Մեխակավանում։ Ստացել է կրտսեր սերժանտի կոչում։ Արցախյան Երկրորդ պատերազմում ադրբեջանական ագրեսիան հետ մղելու ընթացքում անմահացել է[2]։ Պատերազմի ընթացքում հրամանատարել է ջոկ։ 2020 թվականի սեպտեմբերի 27-ին հակառակորդի սանձազերծած լայնածավալ ռազմական գործողությունների ընթացքում Արցախի Հանրապետության պետական սահմանը պաշտպանելիս ցուցաբերած արիության և խիզախության համար հետմահու պարգևատրվել է «Արիության համար» մեդալով։ 2020 թվականի սեպտեմբերի 27-ին հակառակորդի սանձազերծած լայնածավալ ռազմական գործողությունների ընթացքում Արցախի Հանրապետության պետական սահմանը պաշտպանելիս ցուցաբերած արիության և խիզախության համար հետմահու պարգևատրվել է «Մարտական ծառայություն» մեդալով։ Հայրենիքի պաշտպանության և անվտանգության ապահովման գործում Արցախի Հանրապետությանը մատուցած բացառիկ ծառայությունների, ցուցաբերած քաջության ու անձնական արիության համար հետմահու շնորհվել է Միջազգային Անվտանգության Ասպետաց Ակադեմիայի բարձրագույն կոչում՝«ԱՍՊԵՏ» շքանշան։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 ԳԱԳԻԿ ԽԱՉԱՏՈՒՐՅԱՆ։ Երգիչ
- ↑ «Գագիկ Սուրենի Խաչատուրյան (1997-2020) #ՄերՀերոսները». Առավոտ լուսո.