Բրոմոպսիս Գաբրիելյանի

Վիքիպեդիայից՝ ազատ հանրագիտարանից
Jump to navigation Jump to search
Բրոմոպսիս Գաբրիելյանի
Գիտական դասակարգում
Թագավորություն Բույսեր
Բաժին Ծածկասերմեր
Ընտանիք Հացազգիներ
Տեսակ Բրոմոպսիս Գաբրիելյանի
Լատիներեն անվանում
Bromopsis gabrielianae


Բրոմոպսիս Գաբրիելյանի (լատ.՝ Bromopsis gabrielianae), հացազգիների ընտանիքին պատկանող ծածկասերմ բույս: Գրանցված է Հայաստանի Հանրապետության Կարմիր գրքում։

Նկարագրություն[խմբագրել | խմբագրել կոդը]

Կարճ փայտացող մուգ դարչնագույն կոճղարմատով բազմամյա խոտաբույս է: 20-60 սմ բարձրությամբ ցողունները ուղիղ կանգնած են, մերկ և թխակապույտ, հիմքում ունեն փաթաթված մահացած տերևապատյանների ճեղքված մնացորդներ: 3-10 սմ երկարությամբ ծաղկաբույլը ողկուզանման է, սեղմված և սակավահասկիկ: Ստորին ծաղկային թփերն ունեն բարակ, 2-5 մմ երկարությամբ քիստ[1]:

Տարածվածություն[խմբագրել | խմբագրել կոդը]

Հայաստանում հանդիպում է միայն Զանգեզուրի ֆլորիստիկական շրջանում (լեռնագագաթ Կապուտջուղ)[1]:

Էկոլոգիա[խմբագրել | խմբագրել կոդը]

Աճում է ալպյան գոտում՝ ծովի մակարդակից 3300-3500 մ բարձրությունների վրա, ինչպես նաև քարացրոնների վրա և ժայռոտ տեղերում: Ծաղկում է հուլիսին, պտղաբերում է օգոստոսին[1]:

Պահպանություն[խմբագրել | խմբագրել կոդը]

Կրիտիկական վիճակում գտնվող տեսակ է: Հայաստանի էնդեմիկ խոտաբույս է: Հայտնի է մեկ պոպուլյացիա, որի տարածման և բնակության շրջանների մակերեսը 10 կմ²-ից պակաս է: Տեսակին, կապված կլիմայի փոփոխության պատճառով առաջացած աճելավայրերի պայմանների փոփոխության հետ, սպառնում է անհետացման վտանգ: Հայաստանի Կարմիր գրքի առաջին հրատարակության մեջ ընդգրկված չէր: Ընդգրկված չէ նաև CITES-ի և Բեռնի կոնվենցիաների հավելվածներում[1]:

Պահպանության միջոցառումներ չեն իրականացվում[1]։

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 Հայաստանի Կարմիր գիրք (հայերեն)։ Երևան: ՀՀ Բնապահպանության նախարարություն։ 2010։ ISBN 978-99941-2-420-6