Բրոդվեյ (թատրոն, 53-րդ փողոց)

**Բրոդվեյ**
Բրոդվեյ;
	Թատրոնի շենքը 2011 թվականին։ «Գործի՛ր, քույրիկ» մյուզիքլի վարձույթը։
Տեսակ	թատրոն
Երկիր	ԱՄՆ
Գտնվելու վայրը	Նյու Յորք շրջան
Հիմնադրման ամսաթիվ	դեկտեմբերի 25, 1924
Անվանված է	Earl Carroll?
Ճարտարապետ	Eugene De Rosa?
Կայք	Официальная страница театра
	The Broadway Theatre Վիքիպահեստում

Բրոդվեյ (թատրոն, 53-րդ փողոց) «Բրոդվեյ» կամ «Բրոդվեյան» (անգլ.՝ Broadway Theatre), բրոդվեյան թատրոն, գտնվում է Բրոդվեյ և 53-րդ փողոցների հատման կետում, Մանհեթենի թատերական թաղամասում, Նյու Յորքում, ԱՄՆ։ Հանդիսասրահը կարող է տեղավորել մինչև 1761 մարդ, ինչի շնորհիվ քաղաքի ամենամեծ թատրոններից է։

Պատմություն

Թատրոնի շենքը կառուցվել է իտալա֊ամերիկացի ճարտարապետ Եվգենի Դե Ռոսայի նախագծով Բենջամին Մոսսի համար։ Թատրոնը բացվել է 1924 թվականին, Սուրբ Ծննդյան տոներին, «Բ․ Ս․ Մոսսի գաղութային թատրոն» անվանումով։ Օգտագործվել է էստրադային շոուների ու ֆիլմերի ցուցադրության համար։ Առաջին 15 տարիների ընթացքում մի քանի անգամ փոխել է իր անունն ու նշանակությունը։ Օրինակ, 1937-1939 թվականներին այստեղ ցույց են տվել միայն իտալական կինեմատոգրաֆիայի ֆիլմեր^[2]։ 1930֊ական թվականներին եղել է դրամատիկական թատրոն։ Այստեղ խաղացել են այնպիսի աստղեր, ինչպիսիք են Միլտոն Բերլը, Վիվիեն Լին, Խոսե Ֆերրերը, Էրթա Քիթը, Զերո Մոսթելը, Մեյ Ուեսթը և ուրիշներ^[2]։ 1928 թվականի նոյեմբերի 13֊ին «Բրոդվեյ»֊ում կայացել է Walt Disney Productions֊ի առաջին ձայնային կարճամետրաժ անիմացիոն ֆիլմի՝ «Ջերմանավ Վիլլի»֊ի առաջնախաղը։ 12 տարի անց ընկերությունն այստեղ ներկայացրել է իր երրորդ լիամետրաժ անիմացիոն և առաջին ստերեո ձայնով «Ֆանտազիա » ֆիլմը։

1939 թվականին թատրոնը գնում է The Shubert Organization֊ը և դրանից հետո վերջնականապես ձեռք է բերում իր անվանումը։ Ընկերությունը վերակառուցում է շենքն ու այն հայտնի է դարձնում մյուզիքլներ բեմադրելու համար։ Հաջորդ վերանորոգումները եղել են 1956 և 1986 թվականներին։ 1950֊ական թվականներին «Բրոդվեյ»֊ում ցուցադրվել են «Սիներամա» ձևաչափով նկարահանված ֆիլմեր։

Հիմնական ներկայացումներ

1930 «Նյույորքցիներ»
1941 «Չափից շատ աղջիկներ կան»
1942 «Իմ քույրիկ Էյլին»
1943 «Տիկինը գիշերով»
1948 «Երեք հրացանակիրներ»
1952 «Համբուրի՛ր, ինձ, Քեթ»
1953 «Խաղաղ օվկիանոսի հարավը»
1962 «Իմ սքանչելի տիկին»
1966 «Զվարճալի աղջնակ»
1968 «Կաբարե»
1976 «Տղաներն ու տիկնիկները»
1979 «Էվիտա» (բրոդվեյան առաջնախաղ)
1985 «Ես ու թագավորը»
1989 «Մերժվածները» (բրոդվեյան պրեմիերա)
1991 «Օրիորդ Սայգոն»
2001 «Պայթյուն»
2004 «Բոմբեյի երազանքները»
2005 «Տղաները Ջերսիից»
2005 «Ծիրանագույն»
2008 «Շրեկ»
2010 «Խոստումներ, խոստումներ»
2011 «Գործի՛ր, քույրիկ» (բրոդվեյան առաջնախաղ)
2013 «Մոխրոտիկը»
2015 «Բժիշտ Ժիվագո» (բրոդվեյան առաջնախաղ)
2015 «Ջութակահարը տանիքում» (վերականգնված, ընթացիկ)

Անվանումներ

Իր գրեթե հարյուրամյա պատմության ընթացքում թատրոնը մի քանի անգամ փոխել է իր անվանումը^[3]։

1924 ֊ 1926 «Բ․ Ս․ Մոսսի գաղութային թատրոն» (անգլ.՝ B.S. Moss's Colony Theatre);
1926 ֊ 1930 «Universal֊ի գաղութային թատրոն» (անգլ.՝ Universal's Colony Theatre);
1930 ֊ 1932 «Բ․ Ս․ Մոսսի բրոդվեյան թատրոն» (անգլ.՝ B.S. Moss's Broadway Theatre);
1932 ֊ 1933 «Էրլ Քերոլի բրոդվեյան թատրոն» (անգլ.՝ Earl Carroll's Broadway Theatre);
1933 ֊ 1935 «Բրոդվեյ» կամ «Բրոդվեյան» (անգլ.՝ Broadway Theatre);
1935 ֊ 1937 «Բ․ Ս․ Մոսսի բրոդվեյան թատրոն» (անգլ.՝ B.S. Moss's Broadway Theatre);
1937 ֊ 1939 «Հռոմեական կինո» (իտալ.՝ Ciné Roma);
1939 ֊ մինչև հիմա «Բրոդվեյ» կամ «Բրոդվեյան» (անգլ.՝ Broadway Theatre).

Տեխնիկական տվյալներ

Հանդիսասրահը տեղավորում է 1761 մարդ,
Դահլիճի չափեր։ 18 մ (լայնություն)^[2].

Ծանոթագրություններ

↑ ^1,0 ^1,1 Internet Broadway Database — 2000.
↑ ^2,0 ^2,1 ^2,2 New York Show Tickets: The Broadway Theatre
↑ IBDb: Broadway Theatre

Արտաքին հղումներ

Թատրոնի պաշտոնական կայքը (անգլ.)
Թատրոնի էջը Internet Broadway Database կայքում (անգլ.)

Վիքիպահեստն ունի նյութեր, որոնք վերաբերում են «Բրոդվեյ (թատրոն, 53-րդ փողոց)» հոդվածին։

[_db879bd3e41e4cbe-1] 1,0 ^1,1 Internet Broadway Database — 2000.

[nytix-2] 2,0 ^2,1 ^2,2 New York Show Tickets: The Broadway Theatre

[3] IBDb: Broadway Theatre

[1]

[2]

[3]