Բորիս Մեհրաբյան

Վիքիպեդիայից՝ ազատ հանրագիտարանից
Jump to navigation Jump to search
Բորիս Մեհրաբյան
Բորիս Մեհրաբյան.jpg
Ի ծնեԲորիս Մեհրաբյան
Ծնվել է1870
ԾննդավայրՄանգլիս, Թեթրի Ծղարոյի մունիցիպալիտետ, Քվեմո Քարթլիի մարզ, Վրաստան
Մահացել է1936
Վախճանի վայրԹբիլիսի, Վրացական Խորհրդային Սոցիալիստական Հանրապետություն, ԽՍՀՄ
Ազգությունհայ
Ճյուղ(եր)ճարտարապետություն
Գործունեությունճարտարապետ

Բորիս Հակոբի Մեհրաբյան (Մեհրաբով), (1870, Մանգլիս, Թեթրի Ծղարոյի մունիցիպալիտետ, Քվեմո Քարթլիի մարզ, Վրաստան - 1936, Թբիլիսի, Վրացական Խորհրդային Սոցիալիստական Հանրապետություն, ԽՍՀՄ), հայ ճարտարապետ։

Կենսագրություն[խմբագրել | խմբագրել կոդը]

Բորիս Մեհրաբյանը ծնվել է 1870 թվականի մայիսի 29-ին հոգևորականի ընտանիքում[1]։

Ծննդավայրի վերաբերյալ կա երկու տարբերակ․ դա եղել է կամ Ղուշչի գյուղը՝ այժմ Վրաստանի Ծալկայի շրջանում[2] կամ Մանգլիս հանգստավայրը՝ Թիֆլիսից 60 կմ հեռու[1]։

Նախնական կրթությունը ստացել է Թիֆլիսում։ Այնուհետև կա վարկած, որ մեկնել է Պետերբուրգ բարձրագույն կրթություն ստանալու, սակայն ոչ Պետերբուրգի Գեղարվեստի ակադեմիայի, ոչ Քաղաքացիական ճարտարագետների ինստիտուտի արխիվներում նրա անունը չկա։ Էդմոն Տիգրանյանը եզրակացնում է, որ հավանական է՝ նա ուսումը ստացել է Ռիգայի պոլիտեխնիկական ինստիտուտում[1]։ 1890 թվականին ավարտել է Թիֆլիսի հաղորդակցման ուղիների տեխնիկական ուսումնարանը[3]։

1905 թվականին տեղափոխվել է Երևան ու Քաղաքային վարչության շինարարական բաժնում անցել է աշխատանքի՝ որպես քաղաքային տեխնիկ, որը ըստ էության Երևանի գլխավոր ճարտարապետի նախատիպն է։ 1906-1911 թվականներին գծել է Երևանի մինչ այդ գոյություն ունեցած ամենամանրամասն քարտեզը։

Մեհրաբյանը իր գործունեության ընթացքում բազմաթիվ շենքերի հեղինակ է դարձել։ Ոճով ավելի շատ ձգտել է ռուսական կլասսիցիզմին[1]։

Մահացել է 1936 թվականին, Թբիլիսի քաղաքում:

Նախագծեր[խմբագրել | խմբագրել կոդը]

Երևանի 1906-1911 թթ. գլխավոր հատակագիծը
  • 1906-1911 - Երևանի գլխավոր հատակագիծ
  • 19-20 դդ. - Բաբաևների բնակելի տուն (այժմ՝ Ագաթանգեղոսի փողոց 3)
  • 20 դ․ սկիզբ - Հովհաննես Գրիգորյան բնակելի տուն (Փավստոս Բուզանդի 2)[4]
  • 1908 - Ոստիկանության բաժանմունք (Խորենացու 22)
  • 1909-1911 - Լիմոնադի գործարանի շենք (Նալբանդյան փող. 20ա)
  • 1909-1914 - Գաբրիել Գաբրիելյանցի բնակելի տուն (Աբովյան 1/4)
  • 1915 - Բժիշկ Հովհաննիսյանի տուն և հիվանդանոց (Աբովյան 3)
  • 1920 - Թիֆլիսի առևտրական բանկ (Նալբանդյան փող. 2)
  • Տաճարային հրապարակ (չի պահպանվել, այժմ՝ Շահումյան հրապարակ)
  • Քաղաքային դումա (Խորենացու 16)
  • Տեր-Իսահակյանի բնակելի տուն (Պուշկինի 23)
  • Անդրեասյանի բնակելի տուն (Արամի 23)
  • Ենգիբարյանի բնակելի տուն (Փավստոս Բուզանդի 4)

Վերակառուցել է[խմբագրել | խմբագրել կոդը]

  • Քաղաքային ակումբը (Ջանփոլադյանի թատրոն, այժմ՝ «Սպայի տուն»)

Պատկերասրահ[խմբագրել | խմբագրել կոդը]

Տես նաև[խմբագրել | խմբագրել կոդը]

Աղբյուրներ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 Տիգրանյան Էդմոնդ (2000)։ Հայ ճարտարապետների գործունեությունը Անդրկովկասում։ Երևան: Ոսկան Երևանցի։ էջեր 242–243։ ISBN 99930-0-001-2 
  2. «Մեհրաբյան Բորիս | armeniaculture.am»։ www.armin.am։ Վերցված է 2020-06-09 
  3. ««ԱՕԿՍ-ի շենք»` կենդանի պատմություն»։ mediamax.am (անգլերեն)։ Վերցված է 2020-07-17 
  4. Հայկական հուշարձանների ճանաչման ծրագիր (armenianmonuments.org), Շրջայց Երևանով, Բեհբութովսկայա (Փավստոս Բուզանդի փողոց