Բոյուք Աղաև

	Բոյուք Աղաև; Böyük Ağayev
Կուսակցություն՝	ԽՄԿԿ
Մասնագիտություն՝	բժիշկ և պետական ծառայող
Ծննդյան օր	դեկտեմբերի 10, 1907
Ծննդավայր	Շուշի, Ելիզավետպոլի նահանգ, Կովկասի փոխարքայություն, Ռուսական կայսրություն
Վախճանի օր	հոկտեմբերի 18, 1965 (57 տարեկան)
Վախճանի վայր	Բաքու, Ադրբեջանական ԽՍՀ, ԽՍՀՄ
Թաղված	Պատվո հուղարկավորության պուրակ
Պարգևներ	և

Բոյուք Մամեդ օղլի Աղաև (ադրբ.՝ Böyük Məmməd oğlu Ağayev, դեկտեմբերի 10, 1907(1907-12-10), Շուշի, Ելիզավետպոլի նահանգ, Կովկասի փոխարքայություն, Ռուսական կայսրություն - հոկտեմբերի 18, 1965(1965-10-18), Բաքու, Ադրբեջանական ԽՍՀ, ԽՍՀՄ), խորհրդային ժամանակաշրջանի ադրբեջանցի պետական գործիչ, 1958–1963 թվականներին Ադրբեջանական ԽՍՀ առողջապահության նախարարը։

Կենսագրություն[խմբագրել | խմբագրել կոդը]

Բոյուք Աղաևը ծնվել է 1907 թվականին Շուշիում։ 14 տարեկանում ընդունվել է ուսուցչական վարժարան և հինգ տարի անց սկսել դասավանդել Շամախու շրջանի գյուղական դպրոցներից մեկում։ Հետագայում աշխատել է Շիրվանի շրջանի հանրակրթության բաժնի տեսուչ, Գաբալայի շրջանի հանրակրթության բաժնի պետ։ 1935 թվականին ավարտել է Ադրբեջանի մանկավարժական ինստիտուտը, իսկ 1942 թվականին՝ Ադրբեջանի բժշկական ինստիտուտի բուժկանխարգելման ֆակուլտետը^[1]^[2]։

Համալսարանն ավարտելուց հետո՝ Բոյուք Աղաևն աշխատել է Գյոքչայի առողջարանային-համաճարակաբանական կայանում որպես մալարիայի բժիշկ, եղել Քյուրդամիրի արևադարձային կայանի տնօրենը։ 1948-1953 թվականներին եղել է Ադրբեջանական ԽՍՀ Պետական վերահսկողության նախարարության գլխավոր վերահսկիչ, 1953 թվականի ապրիլից՝ Ադրբեջանական ԽՍՀ առողջապահության փոխնախարար, իսկ 1958 թվականի փետրվարից՝ Ադրբեջանական ԽՍՀ առողջապահության նախարար^[3]։

Բոյուք Աղաևը 1963 թվականի մայիսից մինչև կյանքի վերջ եղել է Ադրբեջանի բժիշկների կատարելագործման պետական ինստիտուտի տնօրենը և ընտրվել Ադրբեջանական ԽՍՀ Գերագույն խորհրդի 5-րդ գումարման պատգամավոր։ 1961 թվականին պարգևատրվել է Լենինի շքանշանով և մեդալներով։

Ծանոթագրություններ[խմբագրել | խմբագրել կոդը]

↑ Бөјүк Мәммәд оғлу Ағајев // Азәрбајҹан ССР Али Совети депутатларынын тәрҹүмеји-һаллары. Бешинҹи чағырыш: 15 март 1959-ҹу ил. Бакы. 1960. С. 362.
↑ Ağayev Böyük Məmməd oğlu // Fəxri Xiyaban. Bakı: Heydər Əliyev Fondu. 2007. səh. 20.
↑ Инсанов, 2003, с. 594.

Արտաքին հղումներ[խմբագրել | խմբագրել կոդը]

«Beyuk Aghayev» (անգլերեն). Find a Grave. Վերցված է 2021 թ․ դեկտեմբերի 28-ին.

[1] Бөјүк Мәммәд оғлу Ағајев // Азәрбајҹан ССР Али Совети депутатларынын тәрҹүмеји-һаллары. Бешинҹи чағырыш: 15 март 1959-ҹу ил. Бакы. 1960. С. 362.

[2] Ağayev Böyük Məmməd oğlu // Fəxri Xiyaban. Bakı: Heydər Əliyev Fondu. 2007. səh. 20.

[3] Инсанов, 2003, с. 594.

[1]

[2]

[3]