Բոյանա Գրեգորիչ

Վիքիպեդիայից՝ ազատ հանրագիտարանից
Jump to navigation Jump to search
Բոյանա Գրեգորիչ
Ծնվել էփետրվարի 17, 1972(1972-02-17)[1][2][3] (49 տարեկան)
ԾննդավայրԶագրեբ, Խորվաթիայի Սոցիալիստական Հանրապետություն, ՀՍՖՀ
ՔաղաքացիությունFlag of Croatia.svg Խորվաթիա
Մասնագիտությունդերասանուհի և կինոդերասանուհի
Ծնողներմայր՝ Բոժիդարկա Ֆրայտ
Ամուսին(ներ)Enes Vejzović?
bojanagregoric.com

Բոյանա Գրեգորիչ Վեյզովիչ (խորվաթերեն՝ Bojana Gregorić Vejzović, փետրվարի 17, 1972(1972-02-17)[1][2][3], Զագրեբ, Խորվաթիայի Սոցիալիստական Հանրապետություն, ՀՍՖՀ), կինոյի և հեռուստատեսության խորվաթ ժամանակակից դերասանուհի[4]։ Լայն ճանաչման է արժանացել հատկապես Naša mala klinika ֆիլմի գլխավոր հերոսուհու՝ բժշկուհի Լիլի Շտրիգայի կերպարը մարմնավորելու, «Լեա և Դարիա» (Lea i Darija) կինոնկարում տպավորիչ դերակատարմամբ հանդես գալու, The Incredibles («Սուպեր ընտանիքը», բառացի թարգմանած՝ «Անհավատալիները») օսկարակիր մուլտֆիլմի խորվաթերեն կրկնօրինակում Հելեն Փարրին հնչյունավորելու շնորհիվ[5][6]։

Անձնական կյանք[խմբագրել | խմբագրել կոդը]

Բոյանան ծնվել է 1972 թվականի փետրվարի 17-ին, Խորվաթիայի մայրաքաղաք Զագրեբում, խորվաթ կինոգործիչների ընտանիքում. հայրը՝ Բորիս Գրեգորիչը, պրոդյուսեր է, մայրը՝ Բոժիդարկա Ֆրայտը, նշանավոր դերասանուհի[7]։ 2006 թվականին Բոյանան ամուսնացել է խորվաթ դերասան Էնես Վեյզովիչի հետ։ Ունեն մեկ տղա և մեկ դուստր[8][9]։

Պագևներ[խմբագրել | խմբագրել կոդը]

Բոյանա Գրեգորիչը դերասանական արվեստում ձեռք բերած նվաճումների համար արժանացել է բազմաթիվ պարգևների, այդ թվում՝ հետևյալ մրցանակներին. Marul (Մարկո Մարուլիչի պատվին սահմանված մրցանակ, 1996), Rektorova Nagrada (Զագրեբի համալսարանի ռեկտորի մրցանակ, 1996), խորվաթական արտիստական մրցանակ (1997), Večernjakova Zlatna ruža (կինոյի և հեռուստատեսության լավագույն դերասանին խրախուսելու նպատակով Večernji list օրաթերթի խմբագրության սահմանած մրցանակը, 1998, 1999, 2000, 2004), Zlatni Histrion (1999), Orlando (1999)...

Բոյանան երաժիշտներ Զլատան Ստիպիշիչի (Ջիբոնիի), Մայ Վուչիչի և ֆուտբոլիստ Սլավեն Բիլիչի հետ ընտրվել է ՅՈՒՆԻՍԵՖբարի կամքի դեսպան Խորվաթիայում։

Ծանոթագրություններ[խմբագրել | խմբագրել կոդը]