Բծավորություններ

Բծավորություններ, հիվանդություններ, որոնց բնորոշ է տերևների ցողունների, պտուղների և բույսի այլ մասերի վրա մահացած հյուսվածքներից բծերի առաջացումը։

Կիրառություն

Մեռուկացման մասնավոր դեպք է։ Առաջացման պատճառ են բույսերի սննդատարրերի անբավարարությունը հողում, ախտածին, հաճախ հիֆոմիցետներին պատկանող անկատար (Ramularia Cercospora, Macrosporium ցեղերի տեսակների) և պիկնիդիալ (Septoria, Ascochyta, Phoma), հազվադեպ՝ կատարյալ, օրինակ՝ պայուսակավոր (Pseudopeziza ցեղի) սնկերով, բակտերիաներով (Pseudomonas Xanthomonas ցեղերի), վիրուսներով ախտահարումը, նաև օդի աղտոտվածությունը, այրվածքները են։ Բծերի արտաքին տեսքը որոշվում է մակաբույծի և տեր-բույսի փոխհարաբերության առանձնահատկություններով։ Բծերը կարող են լինել կարմիր (անտոցիանների կուտակման հետևանքով), մուգ գորշավուն, մոխրագույն, սև (մելանինների կուտակման դեպքում), սպիտակ (գունակների գունազրկման դեպքում)։ Բծավորություննը նվազեցնում են բույսի լուսասինթեզային մակերևույթը և նրա արդյունավետությունը։

Տես նաև

• Բույսերի հիվանդություններ
• Բույսերի վիրուսային հիվանդություններ

Այս հոդվածի կամ նրա բաժնի որոշակի հատված վերցված է «Գյուղատնտեսական հանրագիտարանից», որի նյութերը թողարկված են՝ Քրիեյթիվ Քոմմոնս Նշում-Համանման տարածում 3.0 (Creative Commons BY-SA 3.0) թույլատրագրի ներքո։