Բերտի Ֆոգտս

Բերտի Ֆոգտս; գերմ.՝ Hans-Hubert Vogts
Քաղաքացիությունը	Գերմանիա
Մականուն	Berti և Terrier
Ծննդյան ամսաթիվ	դեկտեմբերի 30, 1946[…] (77 տարեկան)
Ծննդավայր	Büttgen, Kaarst, Rhein-Kreis Neuss, Դյուսելդորֆ, Հյուսիսային Հռենոս-Վեստֆալիա, Գերմանական օկուպացիայի Բրիտանական գոտի
Հասակ	168 սանտիմետր
Քաշ	67 կիլոգրամ
Դիրք	պաշտպան
Պարգևներ Գերմանիայի տարվա ֆուտբոլիստ և Գերմանիայի տարվա ֆուտբոլիստ

Հանս-Հյուբերտ Ֆոգտս (գերմ.՝ Hans-Hubert Vogts, դեկտեմբերի 30, 1946(1946-12-30)^[1]^[2]^[3]^[…], Büttgen, Kaarst, Rhein-Kreis Neuss, Դյուսելդորֆ, Հյուսիսային Հռենոս-Վեստֆալիա, Գերմանական օկուպացիայի Բրիտանական գոտի), ավելի հայտնի որպես Բերտի Ֆոգտս, գերմանացի ֆուտբոլիստ և ֆուտբոլային մարզիչ, խաղացել է Գերմանիայի հավաքականում, 1974 թվականի աշխարհի և 1972 թվականի եվրոպայի չեմպիոն՝ որպես խաղացող և որպես մարզիչ 1996 թվականի Եվրոպայի չեմպիոն։

Ակումբային կարիերա[խմբագրել | խմբագրել կոդը]

Բերտի Ֆոգտսը ֆուտբոլում իր կարիերան սկսել է 1959 թվականին Բութգենի մանկական թիմի կազմում։ Նա խաղացել է այս ակումբում մինչև 1965 թվականին «Բորուսիա» (Մյոնխենգլադբախ) տեղափոխվելը։ Այս թիմում նա իր ողջ կարիերան անցկացրել է բարձր մակարդակով, եղել է աջ պաշտպան։ 70-ականներին նա թիմի առանցքային խաղացողներից էր։ Բերտի Ֆոգտսն իր խաղային որակների համար ստացել է «Տերիեր» մականունը։ Իր կարիերայի ընթացքում նա հինգ անգամ դարձել է Գերմանիայի չեմպիոն, մեկ անգամ դարձել է երկրի գավաթակիր, երկու անգամ՝ ՈՒԵՖԱ-ի գավաթակիր։ Ընդհանուր առմամբ, իր կարիերայի ընթացքում Բերտի Ֆոգտսը Գերմանիայի առաջնությունում անցկացրել է 419 հանդիպում և խփել 32 գոլ, ինչպես նաև դարձել է 64 խաղի և 8 գոլի հեղինակ եվրոպական մրցաշարերում։

Բերտի Ֆոգթսն ավարտել է իր խաղային կարիերան 1979 թվականին։

Կարիերան ազգային հավաքականում[խմբագրել | խմբագրել կոդը]

Բերտի Ֆոգտսը 9 հանդիպում է անցկացրել Արևմտյան Գերմանիայի պատանեկան հավաքականի կազմում, 3 խաղ Արևմտյան Գերմանիայի մինչև 23 տարեկանների հավաքականի և 96 հանդիպում Արևմտյան Գերմանիայի առաջին թիմի կազմում։ Ֆոգտսը գերմանական ֆուտբոլի պատմության մեջ ազգային հավաքականի կազմում անցկացրած խաղերի քանակով առաջատարներից մեկն է։ 20 հանդիպումներում նա խաղադաշտ է դուրս եկել ավագի թեւկապով։ Միակ գոլը խփվեց Մալթայի հավաքականի գլխի հարվածով։ 1974 թվականին Բերտի Ֆոգտսը դարձել է ֆուտբոլի աշխարհի չեմպիոն։

Մարզչական կարիերա[խմբագրել | խմբագրել կոդը]

Իր խաղային կարիերան ավարտելուց հետո Ֆոգտսը սկսել է աշխատել որպես մարզիչ երկրի երիտասարդական թիմում։ 1986 թվականին նա միաժամանակ աշխատել է որպես մարզչի օգնական առաջին ազգային հավաքականում, իսկ 1990 թվականին գլխավորել է Գերմանիայի հավաքականը։ 1996 թվականին նա գլխավորել է Գերմանիայի հաղթանակը Անգլիայում կայացած Եվրոպայի առաջնությունում։ Նա գլխավոր մարզչի պաշտոնը թողել է 1998 թվականի աշխարհի առաջնությունից հետո, երբ Գերմանիայի հավաքականը քառորդ եզրափակիչում սենսացիոն պարտություն կրեց Խորվաթիայի հավաքականից։ 1996 թվականին Ֆուտբոլի պատմության և վիճակագրության միջազգային ֆեդերացիան սահմանել է նոր ֆուտբոլային մրցանակ՝ ազգային հավաքականների մարզիչների շրջանում մոլորակի լավագույն մարզչի կոչումը, որի առաջին մրցանակակիրը եղել է Բերտի Ֆոգտսը։

2000 թվականի նոյեմբերին Ֆոգտսը գլխավորել է «Բայեր Լևերկուզեն» ակումբը։ 2001 թվականի մայիսին նա հեռացվել է աշխատանքից՝ չնայած թիմի հաջող ելույթին ՈՒԵՖԱ «Չեմպիոնների Լիգա|Չեմպիոնների լիգայում»։ Նույն թվականի օգոստոսին նա գլխավորել է Քուվեյթի հավաքականը, սակայն կես տարի անց թողել է այդ պաշտոնը՝ ընդունելով Շոտլանդիայի հավաքականը գլխավորելու առաջարկը։ Առաջին խաղը տեղի է ունեցել 2002 թվականի մարտին և նշանավորվել Ֆրանսիայից ջախջախիչ պարտությամբ՝ 0։ 5 հաշվով։ 2004 թվականին Շոտլանդիայի հավաքականը դուրս է եկել Եվրոպայի առաջնության ընտրական փլեյ-օֆֆ և սենսացիոն 1:0 հաշվով հաղթանակ տանել Հոլանդիայի նկատմամբ, սակայն պատասխան խաղում պարտվել է 0:6 հաշվով^[4]։ Նա մարզչի պաշտոնում մնացել է մինչև 2004 թվականի հոկտեմբերը՝ Մոլդովայի հավաքականի հետ ոչ-ոքի խաղալուց հետո նա ստիպված հրաժարական է տվել^[5]։ Ըստ ռուս մարզական լրագրող Իգոր Ռաբիների, Շոտլանդիայում Ֆոգտսի աշխատանքը «սարսափով» է գնահատվել։

2007 թվականի հունվարի 15-ին Բերտի Ֆոգտսը փոխարինել է Ագուստին Էգուավոնին Նիգերիայի հավաքականի գլխավոր մարզչի պաշտոնում։ 2008 թվականի ապրիլին նա փոխարինել է Գյոկո Հաջիևսկուն Ադրբեջանի հավաքականի գլխավոր մարզչի պաշտոնում։ 2014 թվականի աշխարհի առաջնության ժամանակ Ֆոգտսը դարձել է Յուրգեն Կլինսմանի հատուկ խորհրդականը ԱՄՆ հավաքականում։ Ֆոգտսի պարտականությունները ներառում էին օգնել մշակել մարզումների պլաններ, պատրաստել հետախուզական հաշվետվություններ և դիտել մրցակիցների հանդիպումները Բրազիլիայում անցկացվող մրցաշարում^[6]։ 2014 թվականի հոկտեմբերի 17-ին Բերտի Ֆոգտսը լքել իր պաշտոնը Ադրբեջանի ազգային հավաքականում^[7]։

Նվաճումներ[խմբագրել | խմբագրել կոդը]

Ակումբային[խմբագրել | խմբագրել կոդը]

Մյոնխենգլադբախի «Բորուսիա»

Գերմանիայի չեմպիոն (5)՝ 1969/70, 1970/71, 1974/75, 1975/76, 1976/77 թթ․
Արևմտյան Գերմանիայի գավաթակիր՝ 1972/73 թթ․
ՈՒԵՖԱ-ի գավաթակիր (2)։ 1974/75, 1978/79 թթ․
Գերմանիայի սուպերգավաթի հաղթող՝ 1977 թ․ (ոչ պաշտոնական)
Ժուան Գամպերի գավաթի հաղթող։ 1972 թ․
ՈՒԵՖԱ-ի գավաթի փոխչեմպիոն՝ 1972/73 թթ․
Եվրոպայի գավաթի փոխչեմպիոն՝ 1976/77 թթ․

Գերմանիայի ազգային հավաքական[խմբագրել | խմբագրել կոդը]

Աշխարհի չեմպիոն՝ 1974 թ․
Եվրոպայի չեմպիոն՝ 1972 թ․
Աշխարհի առաջնության բրոնզե մեդալակիր՝ 1970 թ․
Եվրոպայի առաջնության արծաթե մեդալակիր՝ 1976 թ․

Մարզչական[խմբագրել | խմբագրել կոդը]

Գերմանիայի հավաքական

Եվրոպայի չեմպիոն 1996 թ․
1992 թվականի Եվրոպայի առաջնության արծաթե մեդալակիր

Անձնական[խմբագրել | խմբագրել կոդը]

Գերմանիայի տարվա լավագույն ֆուտբոլիստ (2)։ 1971, 1979 թ․
Աշխարհի գավաթի խորհրդանշական հավաքականի անդամ (2)՝ 1974, 1978 թթ․

Ծանոթագրություններ[խմբագրել | խմբագրել կոդը]

↑ ^1,0 ^1,1 Internet Movie Database — 1990.
↑ ^2,0 ^2,1 Transfermarkt.com(բազմ․) — 2000.
↑ ^3,0 ^3,1 Discogs — 2000.
↑ «Оранжевая феерия». Спорт-Экспресс. 2003 թ․ նոյեմբերի 21. Վերցված է 023-01-15-ին.
↑ Рабинер И. Наша футбольная Russia. — М., 2008. — С. 97.
↑ «Берти Фогтс назначен консультантом Клинсманна в сборной США». Արխիվացված օրիգինալից 2015 թ․ սեպտեմբերի 24-ին. Վերցված է 2014 թ․ հունիսի 16-ին.
↑ «Берти Фогтс покинул сборную Азербайджана». Արխիվացված օրիգինալից 2014 թ․ հոկտեմբերի 21-ին. Վերցված է 2014 թ․ հոկտեմբերի 17-ին.

Արտաքին հղումներ[խմբագրել | խմբագրել կոդը]

Վիքիպահեստն ունի նյութեր, որոնք վերաբերում են «Բերտի Ֆոգտս» հոդվածին։

[_fe16630c588a53fc-1] 1,0 ^1,1 Internet Movie Database — 1990.

[_3e7b3606aa981f2d-2] 2,0 ^2,1 Transfermarkt.com(բազմ․) — 2000.

[_4237b17bf9c803fb-3] 3,0 ^3,1 Discogs — 2000.

[4] «Оранжевая феерия». Спорт-Экспресс. 2003 թ․ նոյեմբերի 21. Վերցված է 023-01-15-ին.

[5] Рабинер И. Наша футбольная Russia. — М., 2008. — С. 97.

[6] «Берти Фогтс назначен консультантом Клинсманна в сборной США». Արխիվացված օրիգինալից 2015 թ․ սեպտեմբերի 24-ին. Վերցված է 2014 թ․ հունիսի 16-ին.

[7] «Берти Фогтс покинул сборную Азербайджана». Արխիվացված օրիգինալից 2014 թ․ հոկտեմբերի 21-ին. Վերցված է 2014 թ․ հոկտեմբերի 17-ին.

[1]

[2]

[3]

[4]

[5]

[6]

[7]