Բեն-Նասեր
Բնակավայր | ||
---|---|---|
Բեն-Նասեր | ||
արաբ․՝ بن ناصر | ||
Երկիր | Ալժիր | |
Մակերես | 1668 կմ² | |
ԲԾՄ | 110 մետր | |
Բնակչություն | 10 330 մարդ (2008) | |
Ժամային գոտի | UTC+1 | |
| ||
Բեն-Նասեր (արաբ․՝ بن ناصر), քաղաք և կոմունա Ալժիրի հյուսիսարևելյան մասում ՝ Ուարգլայի վիլայեթում։ Մտնում է Տայբետ շրջանի կազմի մեջ։ Տարածքն ի սկզբանե բնակեցվել է 19-րդ դարի կեսերին[1]։
Աշխարհագրական դիրքը[խմբագրել | խմբագրել կոդը]
Քաղաքը գտնվում է Վիլայեթի հյուսիսում՝ հյուսիսային Սահարայի օազիսներից մեկի տարածքում, երկրի մայրաքաղաք Ալժիրից հարավ-արևելք մոտավորապես 494 կիլոմետր (ուղիղ գծով) հեռավորության վրա։ Բացարձակ բարձրությունը ծովի մակարդակից 101 մետր է[2]։
Բեն-Նասեր կոմունան սահմանակից է Տայբետ և Էլ Բորմա համայնքներին, ինչպես նաև Էլ Օուեդ վիլայեթի տարածքին։ Նրա տարածքը 1668 կմ² է։
Կլիմա[խմբագրել | խմբագրել կոդը]
Քաղաքի կլիման բնութագրվում է որպես անապատային (BWh Կյոպպենի կլիմաների դասակարգման մեջ)։ Տարվա ընթացքում տեղումները շատ քիչ են (միջին տարեկան քանակը՝ 66 մմ)։ Տարեկան միջին ջերմաստիճանը 21,5 °C է։ Ամենացուրտ ամսվա (հունվարի) միջին ջերմաստիճանը 10,1 ° С է, ամենաշոգ ամսվա (հուլիսի)՝ 33,3 ° С[3]։
Բնակչություն[խմբագրել | խմբագրել կոդը]
Համաձայն 2008 թվականի պաշտոնական մարդահամարի տվյալների՝ կոմունայի բնակչությունը կազմում էր 10330 մարդ։ Արական բնակչության տեսակարար կշիռը կազմել է 50.8%, կանանց` համապատասխանաբար, 49.2%[4]: Բնակչության գրագիտության մակարդակը կազմել է 65,3%։ Տղամարդկանց շրջանում գրագիտության մակարդակը կազմել է 76,9%, կանանց մոտ՝ 53,5%[5]։ Բեն-Նասերի բնակիչների 3,5%-ն ուներ բարձրագույն կրթություն, 10,1%-ը՝ միջնակարգ[6]։
Տրանսպորտ[խմբագրել | խմբագրել կոդը]
Բեն-Նասերն ուղղակիորեն ընկած է N16 ազգային մայրուղու վրա՝ Տուգուրտից արևմուտք և Էլ Օուեդ արևելքից[1]։
Ենթակառուցվածք[խմբագրել | խմբագրել կոդը]
Խմելու ջուրը հասանելի է բնակչության 98%-ին։ Սակայն բոլոր բնակիչների համար կոյուղու համակարգը դեռ ավարտված չէ[1]։
Կրթություն[խմբագրել | խմբագրել կոդը]
Քաղաքում կա ինը տարրական և մեկ միջնակարգ դպրոց[1]։
Տնտեսություն[խմբագրել | խմբագրել կոդը]
Տարածքի տնտեսությունը հիմնականում գյուղատնտեսական է, կենտրոնացած է արմավենու բուծման, ինչպես նաև այլ մշակաբույսերի վրա, ինչպիսիք են կարտոֆիլը, սոխը և սխտորը։ Բեն-Նասերի տնտեսության մյուս հիմնական ճյուղը տեքստիլ արդյունաբերությունն է, որը հիմնականում կենտրոնացած է բրդի և բամբակի վրա[1]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 «Official website of the province of Ouargla – Benaceur» (Arabic). Արխիվացված է օրիգինալից 2013 թ․ մարտի 24-ին. Վերցված է 2013 թ․ փետրվարի 25-ին.
{{cite web}}
: CS1 սպաս․ չճանաչված լեզու (link) - ↑ «Ben Nasseur». GeoNames. Վերցված է 2019 թ․ փետրվարի 22-ին.
- ↑ «Climate: Ben Nasseur» (անգլերեն). Climate-Data.org. Վերցված է 2019 թ․ փետրվարի 22-ին.
- ↑ «Population résidente des ménages ordinaires et collectifs (MOC) selon la commune de résidence et le sexe et le taux d'accroissement (1998-2008)» (PDF) (ֆրանսերեն). Office national des statistiques.
- ↑ «Taux d'analphabétisme et taux d'alphabétisation de la population âgée de 15 ans et plus, selon le sexe et la commune de résidence » (PDF) (ֆրանսերեն). Office National des Statistiques Algérie. Վերցված է 2013 թ․ հուլիսի 1-ին.
- ↑ «Structure relative de la population résidente des ménages ordinaires et collectifs âgée de 6 ans et plus selon le niveau d'instruction et la commune de résidence» (PDF) (ֆրանսերեն). Office National des Statistiques Algérie. Վերցված է 2013 թ․ հուլիսի 1-ին.