Բեյթ Շեմեշ

Բնակավայր
	եբրայերեն՝ בית שמש‎
	Զինանշան
Երկիր	Իսրայել
Հիմնադրված է	1950 թ.
Մակերես	34,259 կմ²
ԲԾՄ	220 մետր
Բնակչություն	▲118 700 մարդ (դեկտեմբերի 31, 2018)
Պաշտոնական կայք	betshemesh.muni.il
	Բեյթ Շեմեշ (Իսրայել)
	Բեյթ Շեմեշ (Իսրայել)
	Բեյթ Շեմեշ Վիքիպահեստում

Բեյթ Շեմեշ (եբրայերեն՝ בית שמש‎` Արևի տուն), քաղաք Իսրայելում։ Գտնվում է Երուսաղեմի շրջանում։

Պատմություն[խմբագրել | խմբագրել կոդը]

Այս անվամբ բնակավայրի հիշատակումներ առաջին անգամ հանդիպում են դեռ Հին Կտակարանում։

Հին Կտակարանում Բեյթ Շեմեշը հիշատակվում է որպես Եհուդայի և Դանի ցեղերի միջև սահմանային քաղաք, որը պատկանում է Եհուդայի ցեղին։ Հետագայում Բեյթ Շեմեշը հանձնվել է քոհեններին։ Բեյթ Շեմեշը նաև կողոպուտից Ուխտի Տապանակը Իսրայել վերադարձնող փղշտացների քարավանի կանգառի վայրերից մեկն էր։ Ինչպես ցույց են տվել 21-րդ դարի սկզբին անցկացված հնագիտական պեղումները, քաղաքը գտնվում էր փղշտացիների հետ սահմանին, սակայն քաղաքի բնակիչները քանաններ էին։ Քաղաքն օգտվում էր սահմանային դիրքի իր առավելություններից^[2]։

Քաղաքն ավերել են բաբելոնացիները։ Քանի որ այնտեղ լցված էին ջրի տեղական աղբյուրներ, քաղաքը չի վերականգնվել մինչև վերջերս։

Իսրայելական քաղաքի հիմնում[խմբագրել | խմբագրել կոդը]

Ժամանակակից Բեյթ Շեմեշը հիմնադրվել է 1950 թվականի դեկտեմբերի 6-ին։ Քաղաքի կարգավիճակ է ստացել 1991 թվականին։

Բնակչություն[խմբագրել | խմբագրել կոդը]

Ըստ Իսրայելի կենտրոնական վիճակագրական վարչության` 2018 թվականի տվյալներով բնակչությունը կազմել է 114.371 մարդ։ Բնակչության մեծամասնությունը հրեաներ են (98%)։ Բնակչությա 22%-ը կազմում են հայրենադարձներ նախկին ԽՍՀՄ-ից։ Համաձայն Իսրայելի կենտրոնական վիճակագրական ծառայության տվյալների 2009 թվականից Բեյթ Շեմեշը ստացել է սոցիալ-տնտեսական զարգացման 10 միավորից 3 գնահատականը, Բեյթ Շեմեշի դպրոցների շրջանավարտների 41.5%-ը ստացել է ավարտական վկայականներ, միջին աշխատավարձը կազմում է 5,538 շեկել, այն դեպքում, երբ ընդհանուր Իսրայելում այն 7,070 շեկել է։