Արփի Մաղաքյան
- Վիքիպեդիայում կան հոդվածներ Մաղաքյան ազգանունով այլ մարդկանց մասին։
| Արփի Մաղաքյան | |
|---|---|
 | |
| Ծնվել է | նոյեմբերի 2, 1980 (45 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Քաղաքացիություն |  Հայաստան |
| Կրթություն | ԵԹԿՊԻ և ՔԴԵԴ |
| Մասնագիտություն | հեքիաթագիր, ռեժիսոր և հրապարակախոս |
Արփի Մաղաքյան (նոյեմբերի 2, 1980, Երևան, Հայկական ԽՍՀ, ԽՍՀՄ), հայ հեքիաթագիր, ռեժիսոր և հրապարակախոս[1]։ Ունի տպագրված չորս գիրք։
Կրթություն
[խմբագրել | խմբագրել կոդը]Արփի Մաղաքյանն ավարտել է Երևանի թատրոնի և կինոյի պետական ինստիտուտի ռեժիսուրայի ֆակուլտետը, ավարտել է Մեդիա ինստիտուտի լրագրության բաժինը, և ԵԽ Քաղաքական դասընթացների երևանյան դպրոցը։
Աշխատանքային գործունեություն
[խմբագրել | խմբագրել կոդը]
Աշխատում է օպերայի և բալետի ազգային ակադեմիական թատրոնում և տիկնիկային թատրոնում։ Դասավանդում է Երևանի տարածաշրջանային թիվ 1 պետական քոլեջում («Գեղագիտություն» առարկան)[2]։
Մաղաքյանը զբաղվում է գրահրատարակչությամբ։ Հեղինակել է «Հորինենք հեքիաթ» ինտերակտիվ նախագիծը, որն ուղղված է երեխաների ստեղծագործական մտածողության և բառապաշարի զարգացմանը։
Հրատարակած գրքեր
[խմբագրել | խմբագրել կոդը]- «Երևանյան հեքիաթներ» (2019) - Իրապատում հեքիաթների ժողովածու է, որի գործողությունները ծավալվում են Երևանի տարբեր վայրերում՝ ներկայացնելով մայրաքաղաքի պատմությունն ու միջավայրը[3][4][5]։
- «Արևի համբուրած Շուշին» (2022) - Հեքիաթը ներկայացնում է 5-րդ դարի Արցախը, Ամարասի դպրեվանքի հիմնադրումը և Մեսրոպ Մաշտոցի գործունեությունը։ Գլխավոր հերոսը Շուշի անունով աղջնակն է[6]։
- «Արտավազդ արքայի հեքիաթը» (2023) - «Գաղտնագրեր անցյալից» հեքիաթաշարի առաջին գիրքն է։ Այն համադրում է պատմական և հեքիաթային տարրեր՝ ներկայացնելով Արտավազդ Բ արքայի կյանքը[6]։
- «Տիգրան Մեծ արքայի հեքիաթը» (2024) - Հեքիաթաշարի երկրորդ գիրքն է, որը պատմում է Տիգրան Մեծի մասին։
Ընտանիք
[խմբագրել | խմբագրել կոդը]Արմատներով Եդեսիայից է, Ուռհայից։ Ընտանիքը գաղթից հետո հաստատվել է Հալեպում, ապա 1947 թվականին հայրենադարձվել Խորհրդային Հայաստան, Երևան։ Ամուսնացած է սցենարիստ, գրող Հարութ Կբեյանի հետ, ունեն երկու զավակ։
Ծանոթագրություններ
[խմբագրել | խմբագրել կոդը]- ↑ «Արփի Մաղաքյան». Mediamax.am (անգլերեն). Վերցված է 2023 թ․ մայիսի 20-ին.
- ↑ «Արփի Մաղաքյանի անդրանիկ՝ «Երևանյան հեքիաթներ» գրքի առանցքում Երևանն է իր ողջ հմայքով». armenpress.am. Վերցված է 2023 թ․ մայիսի 25-ին.
- ↑ ««Իշուկն ու ուրվականը» հեքիաթը` սարյանական շնչով». Արխիվացված է օրիգինալից 2023 թ․ մայիսի 21-ին. Վերցված է 2023 թ․ մայիսի 21-ին.
- ↑ Փախուստ դեպի հեքիաթ․ «Երևան» ամսագիր
- ↑ «Երևանյան հեքիաթներ». Gir.am օնլայն գրախանութ. Վերցված է 2023 թ․ մայիսի 25-ին.
- ↑ 6,0 6,1 «Հայն անպայման հաղթելու է, հիմա մութ աշխարհի մեջ ենք, բայց սա վատ չէ` գործելու, ելքեր փնտրելու համար. Հեքիաթագիր».