Քաղաքական դասընթացների երևանյան դպրոց

Վիքիպեդիայից՝ ազատ հանրագիտարանից
Jump to navigation Jump to search

Եվրոպայի խորհրդի քաղաքական դասընթացների երևանյան դպրոց, ՔԴԵԴ (անգլ.՝ Yerevan School of Political Studies, YSPS), Երևանում գործող կրթական հաստատություն, որի նպատակն է ժողովրդավարության, մարդու իրավունքների և օրենքի գերակայության տարածումը[1]։

Պատմություն[խմբագրել | խմբագրել կոդը]

Դպրոցը հիմնադրվել է 2005 թվականին։ Հիմնադրումից ի վեր այն պատրաստել է ավելի քան 350 երիտասարդ առաջնորդների[1]։

Նպատակ[խմբագրել | խմբագրել կոդը]

Դպրոցի նպատակն է ժողովրդավարության, մարդու իրավունքների և օրենքի գերակայության տարածումը[1]։ ՔԴԵԴ-ի օժանդակում է երիտասարդ քաղաքական գործիչների իմացությունների ընդլայնմանը և քաղաքական ժողովրդավարական մշակույթի խորացմանը[2]։

Ուսումնառություն[խմբագրել | խմբագրել կոդը]

ՔԴԵԴ-ի ուսումնական ծրագրի շրջանակներում արտագնա սեմինարներ են տեղի ունենում Հայաստանի քաղաքներում և Ստրասբուրգում։ Երևանյան սեմինարներին հանդես են գալիս են հայ և օտարերկրյա փորձագետներ, դեսպաններ։ Ստրասբուրգյան սեմինարներին դասախոսություններով հանդես են գալիս պետությունների, միջազգային կազմակերպությունների ղեկավարներ, եվրոպական երկրների կառավարությունների ղեկավարներ և անդամներ, Նոբելյան մրցանակի դափնեկիրներ, եվրոպական առաջատար համալսարանների դասախոսներ և այլք[2]։

ՔԴԵԴ կարող են դիմել ՀՀ Ազգային Ժողովի, ավագանիների անդամները, նախագահի, կառավարության և խորհրդարանի աշխատակազմերում, նախարարություններում, հայտնի հասարակական կազմակերպություններում, դատաիրավական համակարգում, տարածքային և տեղական կառավարման մարմիններում, Զինված ուժերում, ոստիկանությունում, բիզնեսում և տնտեսվարող սուբյեկտներում, խորհրդարանում ներկայացված կուսակցություններում, նրանց երիտասարդական կառույցներում պատասխանատու դիրքեր զբաղեցնողները, քաղծառայողները, միջազգային կազմակերպությունների աշխատակիցները, լրագրողները, վերլուծաբանները, քաղաքագիտական ոլորտի մասնագետները[2]։

Արտաքին հղումներ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]