Արցախյան պատերազմներում զոհվածների հուշարձան (Վեդի)

Վիքիպեդիայից՝ ազատ հանրագիտարանից
Picto infobox architecture.png
Արցախյան պատերազմներում զոհվածների հուշարձան (Վեդի)
Artsakh Wars Memorial in Vedi.jpg
'
Կոորդինատներ39°54′55″ հս․ լ. 44°43′35″ ավ. ե.HGЯO

Արցախյան պատերազմներում զոհվածների հուշարձան, Արցախյան պատերազմներում զոհվածների հիշատակին նվիրված հուշարձան Արարատի մարզի Վեդի քաղաքում[1]։ Բացվել է 2021 թվականի հունվարի 27-ին՝ Հայաստանի Հանրապետության զինված ուժերի, Հայոց բանակի կազմավորման 29-րդ տարեդարձի նախօրեին։

Պատմություն[խմբագրել | խմբագրել կոդը]

Հուշարձանն իրենից ներկայացնում է խաչքար, որի աջ կողմում տեղադրված գիրք-հուշաքարի վրա փորագրված են Գարեգին Նժդեհի խոսքերը.

Aquote1.png Քաջի հարությունը մահն է։ Aquote2.png
Aquote1.png Ուժն է ծնում իրավունք։ Aquote2.png

Հուշարձանի ձախ կողմում տեղադրված են 5 պարկուճներ։ Խաչքարի հետևում բացվում է պուրակ, որտեղ տեղադրված են Արցախյան պատերազմներում զոհված վեդեցիների լուսանկարները։

Հուշարձանի բացման արարողությանը ներկա են գտնվել Արցախի Հանրապետության նախագահ Արայիկ Հարությունյանը, Արարատի մարզպետ Ռազմիկ Թևոնյանը, զոհված զինծառայողների ընտանիքի անդամներ, հարազատներ ու ծառայակից ընկերներ, ազատամարտիկներ, Վեդիի քաղաքային իշխանության ներկայացուցիչներ, համայնքների ղեկավարներ, մարզի բնակիչներ[1][2]։

Հայրենիքին իրենց կյանքը նվիրաբերած հերոսների հիշատակին նվիրված տարածքի բարեկարգումն ու հուշարձանի կառուցումն իրականացրել է «Վեդու քաղաքացիական նախաձեռնությունը»։

Պատկերասրահ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. 1,0 1,1 Վեդի քաղաքում բացվել է Արցախյան պատերազմներում զոհվածների հիշատակին նվիրված հուշարձան
  2. Վեդիում Արցախյան պատերազմներում զոհվածների հիշատակին նվիրված հուշարձան է բացվել

Արտաքին հղումներ[խմբագրել | խմբագրել կոդը]