Արտավազդ Սահակյան (բժիշկ)
Անվան այլ կիրառումների համար տե՛ս՝ Արտավազդ Սահակյան (այլ կիրառումներ)- Վիքիպեդիայում կան հոդվածներ Սահակյան ազգանունով այլ մարդկանց մասին։
 | |
|---|---|
| Ծնվել է | փետրվարի 22, 1953[1] (71 տարեկան) |
| Ծննդավայր | Կողբ, Նոյեմբերյանի շրջան, Հայկական ԽՍՀ, ԽՍՀՄ |
| Քաղաքացիություն |  ԽՍՀՄ և  Հայաստան |
| Կրթություն | Երևանի Մխիթար Հերացու անվան Պետական Բժշկական Համալսարան |
| Մասնագիտություն | վիրաբույժ |
| Պարգևներ |  |
Արտավազդ Բագրատի Սահակյան (փետրվարի 22, 1953[1], Կողբ, Նոյեմբերյանի շրջան, Հայկական ԽՍՀ, ԽՍՀՄ), հայ ականավոր վիրաբույժ, պլաստիկ վիրաբույժ։
Կրթություն[խմբագրել | խմբագրել կոդը]
Արտավազդ Սահակյանը ծնվել է 1953 թվականի փետրվարի 22-ին, Նոյեմբերյանի շրջանի Կողբ գյուղում։ 1969-1975 թթ. սովորել և ավարտել է Երևանի պետական բժշկական ինստիտուտի բուժական ֆակուլտետը։ 1982-1984 թթ. ուսանել է Ա. Միքայելյանի անվան վիրաբուժության ինստիտուտի պլաստիկ վիրաբուժության և միկրովիրաբուժության կլինիկական օրդինատուրայում։ 1989 թ. պաշտպանել է թեկնածուական ատենախոսություն «Ոտնաթաթը որպես դաստակի վերականգնման համար ազատ տրանսպլանտատների դոնորային զոնա» թեմայով, Մոսկվայի բժշկական ինստիտուտի գիտական խորհրդի և ԽՍՀՄ բարձրագույն որակավորման հանձնաժողովի խրախուսական պատվոգրով՝ ստանալով բժշկական գիտությունների թեկնածուի գիտական աստիճան։ Վերապատրաստվել է Ռուսաստանում, Ֆրանսիայում, Գերմանիայում, Շվեյցարիայում և ԱՄՆ-ում[2]։
Աշխատանքային գործունեություն[խմբագրել | խմբագրել կոդը]
- 1976-1982 թթ. - Դնեպրոպետրովսկի թիվ 16 հիվանդանոցի ընդհանուր վիրաբույժ։
- 1985-1996 թթ. - Կրտսեր գիտաշխատող, ավագ գիտաշխատող, միկրովիրաբուժության հանրապետական կենտրոնի ղեկավար։
- 1985 թ. առ այսօր - ՀՀ առողջապահության նախարարության գլխավոր պլաստիկ վիրաբույժ և միկրովիրաբույժ։
- 1990-1992 թթ. - Մասնակցել է Արարատի (Երասխ), Նոյեմբերյանի, Մեղրիի ինքնապաշտպանական մարտերում վիրավորների տարհանման և բուժման աշխատանքներին։
- 1992-1996 թթ. - Ա. Միքայելյանի անվան վիրաբուժության ինստիտուտի պլաստիկ և վերականգնողական միկրովիրաբուժության բաժանմունքի վարիչ։
- 1996-1998 թթ. - Երևանի քաղաքապետարանի առողջապահության և սոցապահովման վարչության պետ։
- 1996 թ. առ այսօր - Համալսարանական թիվ 1 կլինիկական հիվանդանոցի պլաստիկ, վերականգնողական վիրաբուժության և միկրովիրաբուժության կլինիկայի ղեկավար, ԵՊԲՀ պլաստիկ վիրաբուժության և միկրովիրաբուժության ամբիոնի վարիչ։
Գիտական գործունեությունը[խմբագրել | խմբագրել կոդը]
- 200-ից ավելի գիտական հոդվածների հեղինակ հայկական և արտասահմանյան ամսագրերում։
- 7 գյուտի հեղինակ։
Հասարակական և քաղաքական գործունեություն[խմբագրել | խմբագրել կոդը]
- Պլաստիկ վերականգնողական և էսթետիկ վիրաբույժների հայկական ասոցիացիայի (AAPRAS) անդամ։
- Պլաստիկ վերականգնողական և էսթետիկ վիրաբուժության եվրոպական միության (ESPRAS) անդամ։
- Պլաստիկ վերականգնողական և էսթետիկ վիրաբուժության միջազգային կոնֆեդերացիայի (IPRAS) անդամ։
- 1995 թ. ընտրվել է ՀՀ Ազգային ժողովի 1-ին գումարման պատգամավոր։
- 1998-2008 թթ. - Հայաստանի պլաստիկ վիրաբույժների ասոցիացիայի նախագահ։
Պարգևներ և կոչումներ[խմբագրել | խմբագրել կոդը]
- «Հայրենիքին մատուցած ծառայությունների համար» 1-ին աստիճանի մեդալ (2010)[3]։
- Հայաստանի Հանրապետության վաստակավոր բժիշկ (2014)[4]։
- Մխիթար Հերացու մեդալ
- ԼՂՀ «Արիության համար» մեդալ,
- ՀՀ վարչապետի հուշամեդալ,
- Ֆրիտյոֆ Նանսենի մեդալ։
- Բժշկական ծառայության պահեստի ավագ լեյտենանտ։
- Բժշկական գիտությունների թեկնածու, դոցենտ։
- Տավուշի մարզի պատվավոր քաղաքացի։
Ամուսնացած է, ունի երկու որդի։
Ծանոթագրություններ[խմբագրել | խմբագրել կոդը]
- ↑ 1,0 1,1 http://am.hayazg.info/index.php?curid=15487
- ↑ ysmu.am http://ysmu.am/hy/main/update_your_browser/. Վերցված է 2019 թ․ փետրվարի 14-ին.
{{cite web}}: Missing or empty|title=(օգնություն) - ↑ ՀՀ շքանշանով և մեդալներով պարգևատրելու մասին
- ↑ Ա. Բ. ՍԱՀԱԿՅԱՆԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՍՏԱԿԱՎՈՐ ԲԺՇԿԻ ՊԱՏՎԱՎՈՐ ԿՈՉՈՒՄ ՇՆՈՐՀԵԼՈՒ ՄԱՍԻՆ
- Փետրվարի 22 ծնունդներ
- 1953 ծնունդներ
- Ապրող անձինք
- Երևանի պետական բժշկական համալսարանի շրջանավարտներ
- «Հայրենիքին մատուցած ծառայությունների համար» 1-ին աստիճանի մեդալակիրներ
- Բժիշկներ այբբենական կարգով
- Անձինք այբբենական կարգով
- Բժշկական գիտությունների թեկնածուներ
- Կողբ (Տավուշի մարզ) գյուղում ծնվածներ
- ՀՀ ԱԺ 1-ին գումարման պատգամավորներ
- ՀՀ ԱՆ գլխավոր մասնագետներ
- ՀՀ վաստակավոր բժիշկներ
- Հայ պլաստիկ վիրաբույժներ
- Հայ վիրաբույժներ
- Մխիթար Հերացու մեդալակիրներ