Միքայելյան վիրաբուժության ինստիտուտ

Վիքիպեդիայից՝ ազատ հանրագիտարանից
Jump to navigation Jump to search
Միքայելյան վիրաբուժության ինստիտուտ
Տեսակmedical organization?[1]
Հիմնադրված է1974[1]
ՏիպԳիտահետազոտական ինստիտուտ
ԵրկիրFlag of Armenia.svg Հայաստան[1]
ՏեղագրությունԵրևան
ՀասցեԷզրաս Հասրաթյան փողոց 9, 0052, Երևան, Հայաստան
Կայքsurgery.am[1]
Կոորդինատներ: 40°12′52.120800099999″ հս․ լ. 44°32′10.45680009999″ ավ. ե. / 40.21447800002777484° հս․. լ. 44.5362380000277724° ավ. ե. / 40.21447800002777484; 44.5362380000277724[1]

Միքայելյան վիրաբուժության ինստիտուտ, կլինիկական, գիտահետազոտական և կրթական գործունեություն իրականացնող խոշորագույն կենտրոն Երևանում: Հիմնադրվել է 1974 թվականին:

Պատմություն[խմբագրել | խմբագրել կոդը]

Ինստիտուտը հիմնադրվել է 1974 թվականի հոկտեմբերին ԽՍՀՄ առողջապահության նախարարության հրամանով: 1974 թվականին ինստիտուտի տնօրեն է նշանակվեվ պրոֆեսոր Ալեքսանդր Միքայելյանը, ով մեծ ներդրում է ունեցել Հայաստանում սրտավիրաբուժության ստեղծման և զարգացման գործում: 1992 թվականի հոկտեմբերից ինստիտուտը ղեկավարել է պրոֆեսոր Համլետ Թամազյանը, ով 2001 թվականի ապրիլին ընտրվել է Միքայելյան վիրաբուժության ինստիտուտ ՓԲԸ նախագահ: 2011 թվականից ընկերության նախագահն է Արթուր Թամազյանը:

Վիրաբուժության ինստիտուտն ունի 10 կլինիկական բաժանմունքներ, հագեցած է ժամանակակից սարքավորումներով: Ինստիտուտում իրականացնում են կերակրափողի վերականգնողական վիրահատական միջամտություններ, օրգանների և հյուսվածքների փոխպատվաստում և այլն: Ինստիտուտում հրատարակվում է Հ. Ս. Թամազյանի անվան Հայաստանի վիրաբուժության լրաբեր եռամսյա գիտաբժշկական ամսագիրը, որտեղ տպագրվում են Հայաստանի և արտերկրի մասնագետների աշխատանքները:

Ինստիտուտում գործում են ՀՀ առողջապահության նախարարության ԱԱԻ-ի 4 ամբիոններ` նեղ վիրաբուժական մասնագիտությունների (ընդհանուր վիրաբուժություն, սրտանոթային վիրաբուժություն), ուրոլոգիայի, պրոկտոլոգիայի, անեսթեզիոլոգիայի և վերակենդանացման, որտեղ ուսանում են կլինիկական օրդինատորները, ասպիրանտները, ինչպես նաև իրականացվում է վիրաբուժական ոլորտի միջին բուժանձնակազմի և բժիշկների վերապատրաստում (ստաժավորում): Ինստիտուտի պրոֆեսորները դասավանդում են Երևանի պետական բժշկական համալսարանի ամբիոններում:

Ինստիտուտը համագործակցում է միջազգային մի շարք կազմակերպությունների և արտասահմանյան առաջատար կլինիկաների հետ:

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 GRID Release 2018-02-08 — 2018-02-08 — 2018. — doi:10.6084/M9.FIGSHARE.5873451

Արտաքին հղումներ[խմբագրել | խմբագրել կոդը]