Արտաշես Ավոյան

Վիքիպեդիայից՝ ազատ հանրագիտարանից
Jump to navigation Jump to search
Արտաշես Ավոյան
Ծնվել էդեկտեմբերի 25, 1972(1972-12-25) (46 տարեկան)
ԾննդավայրԵրևան, Հայկական ԽՍՀ, ԽՍՀՄ
ՔաղաքացիությունFlag of Armenia.svg Հայաստան
Ազգությունհայ
ԿրթությունԵՊՀ իրավաբանական ֆակուլտետ
Մասնագիտությունքաղաքական գործիչ
Զբաղեցրած պաշտոններՀՀ Ազգային ժողովի պատգամավոր
Քաղաքական կուսակցությունՕրինաց երկիր

Արտաշես Ռոլանդի Ավոյան (դեկտեմբերի 25, 1972(1972-12-25), Երևան, Հայկական ԽՍՀ, ԽՍՀՄ), քաղաքական գործիչ, ՀՀ ԱԺ նախկին պատգամավոր «Օրինաց երկիր» խմբակցությունից[1], քաղաքացիական հատուկ ծառայության առաջին դասի պետական խորհրդական, գեներալ-լեյտենանտ[փա՞ստ]:

Կենսագրություն[խմբագրել | խմբագրել կոդը]

Ծնվել է 1972 թվականի դեկտեմբերի 25-ին Երևանում։

1994 թվականին ավարտել է Երևանի պետական համալսարանի իրավաբանական ֆակուլտետը։ 1994-1997 թվականներին աշխատել է զինվորական դատախազությունում որպես քննիչ, այնուհետև՝ հատկապես կարևորագույն գործերով ՀԿԳ ավագ քննիչ, քննչական խմբի ղեկավար։ 1997-1998 թվականներին աշխատել է Հայաստանի իրավագետների և քաղաքագետների միությունում՝ որպես իրավաբանական բաժնի մասնագետ։ 1998-1999 թվականներ՝ ՀՀ Ազգային ժողովի պետական-իրավական հարցերի մշտական հանձնաժողովում՝ ավագ խորհրդատու։

1999-2004 թվականներին եղել է «Օրինաց երկիր» կուսակցության ներկայացուցիչը ՀՀ կենտրոնական ընտրական հանձնաժողովում։

2004-2005 թվականներին աշխատել է որպես Հայաստանի մշակույթի և երիտասարդության հարցերի նախարարի գլխավոր խորհրդական։ 2005-2007 թվականներին վերանշանակվել է Հայաստանի կենտրոնական ընտրական հանձնաժողովի անդամ[1]։

Աշխատանքային գործունեություն[խմբագրել | խմբագրել կոդը]

2007 թվականի մայիսի 12-ին Հայաստանի Հանրապետության Ազգային Ժողովի չորրորդ գումարման պատգամավոր է ընտրվել համամասնական ընտրակարգով՝ ներկայացնելով «Օրինաց երկիր» խմբակցությունը։ 2007-2008 թվականներին եղել է ՀՀ Ազգային ժողովի Մարդու իրավունքների պաշտպանության և հանրային հարցերի մշտական հանձնաժողովի անդամ, ինչպես նաև 2008 թվականի մարտի 1-ի լույս 2-ին Երևան քաղաքում տեղի ունեցած արյունալի իրադարձությունների և դրանց պատճառների ուսումնասիրության ժամանակավոր հանձնաժողովի անդամ։ Բազմաթիվ օրենքների, օրենքների նախագծերի հեղինակ և համահեղինակ։ 2008 թվականի մայիսի 29-ից հանդիսացել է Եվրոպայի Խորհրդի խորհրդարանական վեհաժողովում ՀՀ ԱԺ ներկայացուցիչ:

2008 թվականի հուլիսի 22-ին, երբ Հայաստանի Ազգային Անվտանգության Խորհրդի քարտուղար էր «Օրինաց երկիր» կուսակցության նախագահ Արթուր Բաղդասարյանը, Ա.Ավոյանը նշանակվել է նույն կառույցի աշխատակազմի ղեկավար՝ միաժամանակ զբաղեցնելով քարտուղարի տեղակալի պաշտոնը:

2011 թ. Հայաստանի Նախագահի հրամանագրով շնորհվել է Հայաստանի Հանրապետության քաղաքացիական հատուկ ծառայության առաջին դասի պետական խորհրդականի (գեներալ-լեյտենանտ) դասային աստիճան։

2014 թվականի ապրիլի 30-ին ազատվել է Ազգային Անվտանգության Խորհրդի աշխատակազմի ղեկավարի պաշտոնից[2]։

2017 թվականի փետրվարին նշանակվել է Հայաստանի Հանրապետության Ոստիկանության պետի խորհրդական, իսկ 2018-ին համատեղության կարգով ՀՀ ոստիկանության պետին կից հասարակական խորհրդի նախագահի տեղակալ:

Անձնական կյանք[խմբագրել | խմբագրել կոդը]

Ամուսնացած է, ունի դուստր և որդի։

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]