Արշակ Ղամբարյան
Անվան այլ կիրառումների համար տե՛ս՝ Արջ (այլ կիրառումներ)
Արշակ Ղամբարյան | |
---|---|
Ծնվել է | հոկտեմբերի 6, 1958 |
Ծննդավայր | Երևան, Հայկական ԽՍՀ, ԽՍՀՄ |
Մահացել է | ապրիլի 21, 1994 (35 տարեկան) |
Մահվան վայր | Մարտակերտի շրջան, Արցախ |
Գերեզման | Եռաբլուր |
Արշակ Սեդրակի Ղամբարյան, ավելի հայտնի էր Արջ մականունով (1958 թ. հոկտեմբերի 6, Երևան, Հայկական ԽՍՀ–1994 թ. ապրիլի 21, Կարմիրավան, Մարտակերտի շրջան, ԼՂՀ), հայ ազատամարտիկ[1]։
Կենսագրություն
[խմբագրել | խմբագրել կոդը]Ծնվել է 1958 թվականի հոկտեմբերի 6-ին Երևանում Ապարանի շրջանի Ափնա գյուղից մայրաքաղաք տեղափոխված մշեցի Սեդրակ և Լենա Ղամբարյանների ընտանիքում։ Նրանց ավագ որդին էր։ Ավարտել է Երևանի թիվ 31 դպրոցը։ Դեռ դպրոցական տարիներին սկսել է հետաքրքրվել ըմբշամարտով և բռնցքամարտով։ 18 տարեկանը լրանալուց հետո զորակոչվել է խորհրդային բանակ։ Խորհրդային տարիներին եղել է պրոֆեսիոնալ բռնցքամարտիկ։
1989 թվականին ՊԱԿ-ի քննիչները Արշակ Ղամբարյանին բանտ են նստեցրել՝ Գորիս, ապա Նուբարաշեն։ Ազատվելուց ի վեր Մովսես Գորգիսյանի, իր կրտսեր եղբոր՝ Ղազարի հետ մարտընչեց Երասխավանում, հետո էլ մեկնեց Արցախ։
![](http://upload.wikimedia.org/wikipedia/commons/thumb/2/2d/Arshak_Ghambaryan_%28Bear%29_by_H._Tokmajyan_%282%29.jpg/220px-Arshak_Ghambaryan_%28Bear%29_by_H._Tokmajyan_%282%29.jpg)
Արցախյան պայքարի առաջին օրերից Արշակ Ղամբարյանը կամավորական անդամագրվեց Երևանի «Մուշ», ապա «Մահապարտներ» գրոհայինների ջոկատում։ Ադրբեջանցիների դեմ Արշակ Ղամբարյանը կռվել է ինչպես Արցախում, այդպես էլ Իջևանի, Շամշադինի, Նոյեմբերյանի, Սիսիանի, Գորիսի շրջաններում։ Արցախում մասնակցել է Շահումյանի, Մարտունու, Բերձորի, Շուշիի, Վարանդայի, Մարտակերտի ինքնապաշտպանական և ազատագրական ճակատային մարտերին[1]։
1994 թվականի ապրիլի 21- ին Մարտակերտի շրջանում ծավալված թեժ բախումներից մեկի ժամանակ Շենգավիթի գրոհային ջոկատի 38 ազատամարտիկներ դիրքավորվել են Կարմիրավանի մատույցներում։ Հակառակորդը լուսաբացին նախահարձակ է եղել։ Զգալով շրջապատման վտանգը՝ Արշակ Ղամբարյանը և 13 ազատամարտիկներ կրակը վերցրել են իրենց վրա և ապահովել մյուսների նահանջը։ Շրջապատման մեջ Արշակը ձեռնամարտի է բռնվել հակառակորդի զինվորների հետ, սպանել նրանցից մեկին ու զոհվել։ Արշակ Ղամբարյանի և իր հետ զոհված շենգավիթցի ֆիդայիների դիակները փոխանակել են կենդանի ադրբեջանցի ռազմագերիների հետ[1]։
Պարգևներ
[խմբագրել | խմբագրել կոդը]ՀՀ նախագահի և ԼՂՀ նախագահի հրամանագրով Արշակ Ղամբարյանը ետմահու պարգևատրվել է «Մարտական խաչ առաջին աստիճան» շքանշաններով։
Հիշատակ
[խմբագրել | խմբագրել կոդը]- Արշակ Ղամբարյանին է նվիրված Աղասի Իսպիրյանի կատարմամբ «Արշակ Ղամբարյանի հիշատակին» երգը։
- 2018 թվականին Երևանի Շենգավիթ համայնքում տեղադրվել է Արշակ Ղամբարյանի կիսանդրին, քանդակագործ՝ Հայկ Թոքմաջյան։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 «Ճանաչենք մեր հերոսներին». Արխիվացված է օրիգինալից 2016 թ․ մարտի 5-ին. Վերցված է 2015 թ․ մարտի 8-ին.