Արմեն Մանուկյան
Անվան այլ կիրառումների համար տե՛ս՝ Արմեն Մանուկյան (այլ կիրառումներ)- Վիքիպեդիայում կան հոդվածներ Մանուկյան ազգանունով այլ մարդկանց մասին։
| Արմեն Մանուկյան | |
|---|---|
| Ծնվել է | մայիսի 1, 1947 (77 տարեկան) |
| Երկիր |  ԽՍՀՄ և  Հայաստան |
| Մասնագիտություն | դաշնակահար և երաժշտական պրոդյուսեր |
| Գործիքներ | դաշնամուր |
| Աշխատավայր | Հենրիկ Իգիթյանի անվան Գեղագիտության ազգային կենտրոն, Հայֆիլհարմոնիա, Մեկ ազգ, մեկ մշակույթ հիմնադրամ և Հայաստանի մշակույթի նախարարություն |
| Կրթություն | Անտոն Չեխովի անվան թիվ 55 դպրոց, Երևանի միջնակարգ մասնագիտական երաժշտական դպրոց Չայկովսկու անվան և Երևանի Կոմիտասի անվան պետական կոնսերվատորիա |
| Պարգևներ | |
Արմեն Փայլակի Մանուկյան (մայիսի 1, 1947), հայ դաշնակահար, երաժշտական պրոդյուսեր։ Մեկ ազգ, մեկ մշակույթ հիմնադրամի գեղարվեստական ղեկավար։ Հայաստանի Հանրապետության մշակույթի վաստակավոր գործիչ[1]։
Կենսագրություն
[խմբագրել | խմբագրել կոդը]Սովորել է Երևանի Չեխովի անվան թիվ 55 միջնակարգ դպրոցում, Սայաթ-Նովայի և Չայկովսկու անվան երաժշտական դպրոցներում, Երևանի Կոմիտասի անվան պետական կոնսերվատորիայի դաշնամուրային բաժնում։ 1967 թվականից սկսել է մանկավարժական գործունեությունը։ 1984 թվականին եղել է «Հայհամերգ» միավորման համերգա-հյուրախաղային բաժնի գեղարվեստական ղեկավար, գլխավոր տնօրենի ստեղծագործական հարցերով տեղակալ։ 1989-1992 թթ. եղել է Գեղագիտության ազգային կենտրոնի գլխավոր տնօրենի տեղակալ։ 1996-2001 թթ. հանդես է եկել որպես Երևանի պետական ֆիլհարմոնիայի հիմնադիր տնօրեն և գեղարվեստական ղեկավար, 2005-2011 թթ.՝ ՀՀ կառավարության «Մեկ ազգ, մեկ մշակույթ» հիմնադրամի գեղարվեստական ղեկավար և գլխավոր պրոդյուսեր։ 2011 թվականից ՀՀ մշակույթի նախարարի խորհրդականն է[2]։
Հանդես է եկել Հայաստանի Հեռուստատեսության և ռադիոյի պետական կոմիտեի երաժշտական գլխավոր խմբագրության գեղարվեստական խորհրդի անդամ, ՀՀ ոստիկանության հասարակական խորհրդի անդամ։ Ստեղծագործական և կազմակերպչական աշխատանքի ընթացքում տեղ են գրավել մի շարք փառատոներ, մրցույթներ, անվանի մշակութային գործիչների հոբելյաններ և հուշ-երեկոներ։
Պարգևներ
[խմբագրել | խմբագրել կոդը]- ՀՀ կառավարության շնորհակալագիր
- ՀՀ մշակույթի նախարարության ոսկե մեդալ
- ՀՀ պաշտպանության նախարարության «Անդրանիկ Օզանյան» մեդալ
- ՀՀ մշակույթի վաստակավոր գործիչ (2008)[1]