Արմենակ Բեդևյան
Արմենակ Բեդևյան | |
|---|---|
| Ծնվել է | 1884 |
| Մահացել է | 1957 Կահիրե, Եգիպտոս |
| Բնակության վայր(եր) | Կահիրե |
| Քաղաքացիություն | .svg){kind=small} Եգիպտոս |
| Մասնագիտություն | բուսաբան |
| Գործունեության ոլորտ | բուսաբանություն[1] |
| Տիրապետում է լեզուներին | արաբերեն և անգլերեն[1] |
| Հեղինակի անվան հապավումը (բուսաբանություն) | Bedevian |
Արմենակ Գևորգի Բեդևյան (1884 - 1957, Կահիրե, Եգիպտոս), [եգիպտահայ բուսաբան և լեզվաբան։ Հայտնի է 1936 թվականին հրատարակած բուսանունների բազմալեզու պատկերազարդ բառարանով։ 1110 էջանոց կոթողային այդ աշխատությունում ամփոփել է 3567 բույսի լատիներեն, արաբերեն, ֆրանսերեն, գերմաներեն, հայերեն, անգլերեն, իտալերեն եւ թուրքերեն նկարագրություն (ընդ որում՝ օգտագործել է 1711 պատկերազարդում)։ Եղել է Եգիպտոսի գյուղատնտեսության նախարարության Գիզայի գիտահետազոտական կենտրոնի տնօրենը[2]։ Արժանացել է էֆենդի տիտղոսի, եգիպտական կառավարության կողմից պարգևատրվել հինգերորդ աստիճանի շքանշանով։ Գիտական գրականության մեջ բուսանուններ մեջբերելիս նրան հիշատակում են Bedevian ստանդարտացված հեղինակային համառոտագրությամբ։
Կենսագրություն[խմբագրել | խմբագրել կոդը]
Արմենակ Բեդևյանը ծնվել է 1884 թվականին Կահիրեում, Արաբկիրից Եգիպտոս գաղթած հայկական ընտանիքում։ Սովորել է Կահիրեի Գալուստյան դպրոցում։ Այնուհտև ուսումը շարունակել է Կիպրոսի հայկական դպրոցում։ 1904 թվականին Կահիրե վերադառնալով՝ որոշ ժամանակ սովորել է նաև Գիզայի Սենտ Մերի դպրոցում, որից հետո ընդունվել է Թուրքիայի բարձրագույն գյուղատնտեսական դպրոցը և 6 տարի անց ավարտել գերազանցությամբ։ Վերադարձել է Կահիրե, որտեղ սկզբում աշխատել է բամբակի գործարանում։ 1920 թվականին նշանակվել է Եգիպտոսի գյուղատնտեսության նախարարության Գիզայի գիտահետազոտական կենտրոնի տնօրեն։ Բեդևյանը ակտիվորեն ներգրավված էր նաև Կահիրեի հայ համայնքի վարչական գործերում։
Իր բազմալեզու կոթողային բառարանը գրելու համար նա օգտագործել է հսկայածավալ գրականություն, արխիվային նյութեր։
Արմենակ Բեդևյանը հեղինակել է նաև «Հայ բուսաշխարհ» վերնագրով մի աշխատություն, որը մնացել է անտիպ[3]։
Մահացել է 1957 թվականի փետրվարի 10-ին Կահիրեում։
Ծանոթագրություններ[խմբագրել | խմբագրել կոդը]
- ↑ 1,0 1,1 Չեխիայի ազգային գրադարանի կատալոգ
- ↑ Pamukciyan, Kevork (1986). «Botanist ve Dilci Armenak Bedevyan». Tarih ve Toplum. 3 (13): 65.
- ↑ dergi kaynağı |ad1=Pamukciyan|soyadı1=Kevork|yazarbağı=Kevork Pamukciyan|başlık=Botanist ve Dilci Armenak Bedevyan |dergi=Tarih ve Toplum | yıl= 1985 |cilt=3 |sayı=13 |sayfa=65
Գրականություն[խմբագրել | խմբագրել կոդը]
- William Lawrence Balls, Armenag K. Bedevian. 1929. The operation of the Seed control law upon the pedigree of cotton seed in seasons 1926-27 and 1927-28; 1926-30. Nº 85; Nº 104 de Bulletin, Egypt Wizārat al-Zirāʻah
- --------, --------. 1929. The operation of the seed control law upon the pedigree of cotton seed in ... 1926-27 and 1927-28. Vol. 85 de Bulletin, Egypt Wizārat al-Zirāʻah
- Emine Alçıtepe ve Galip Alçıtepe, "Bitki İsimlerinin Türkçeleştirilmesine Dair Unutulan Bir Kitap: Illustrated Polyglottic Dictionary of Plant Names", Kebikeç, Issue 34, Year: 2014: 209–216. (tr)
 | Վիքիցեղերն ունի նյութեր, որոնք վերաբերում են «Արմենակ Բեդևյան» հոդվածին։ |
| ||||||||
