Անտիտավրոս
| Անտիտավրոս | |
|---|---|
 | |
| Տեսակ | լեռնաշղթա |
| Երկիր |  Թուրքիա[1] |
| Վարչատարածքային միավոր | Կայսերիի մարզ |
| Մասն է | Aladağlar National Park? |
| Նյութ | նստվածքային ապար |
| Լեռնաշղթա | Տավրոսյան լեռնահամակարգ և Կենտրոնական Տավրոս |
| Բարձրություն (ԲԾՄ) | 3080 մետր |
| Երկարություն | 60 կմ |
| Մակերես | 550 կմ² |
| Մեծագույն գագաթ | Kızılkaya? և Դեմիրքազըք |
Անտիտավրոս[2], (անգլ.՝ Anti-Taurus, հուն․՝ Αντίταυρος), լեռներ Թուրքիայում, Կենտրոնական Տավրոսի հյուսիսարևելյան մասը։ Անտիտավրոսի ամենաբարձր լեռնաշղթաներն են.
- հյուսիս-արևմուտքում՝ Բեյդաղը (մինչև 3054 մ)
- հարավ-արևմուտքում՝ Բինբողան (մինչև 2830 մ), որոնք զուգահեռ են իրար և բաժանվում են Սեյխան գետի իջվածքային հովտով։
Կազմված են նստվածքային և հրաբխածին ապարներից։
Անտիտավրոսի լեոնաճյուղերը, դեպի հյուսիս արևելք ցածրանալով, օղակում են Ուզուն-Յայլայի սարավանդը, ապա, բարձրանալով, միանում Ներքին Տավրոսի արմևմտյան մասը կազմող Էրզնկայի լեռնահանգույցին։
Կլիմա[խմբագրել | խմբագրել կոդը]
Հյուսիսահայաց լանջերում և գոգհովիտներում կլիման ցամաքային է, հարավահայաց լանջերում՝ բարեխառն։ Տեղումները՝ 400—900 մմ։ Տարածված են կիսաանապատային գիպսատար գորշահողեր (Սեբաստիայի գոգհովիտ), գորշ տափաստանային և լեռնատափաստանային (Ուզուն-Յայլայի սարավանդ), շագանակագույն (հյուսիսային լանջ), լեռնատափաստանային (հարավային լանջ) և ալպյան լեռնամարգագետնային հողերը։
Բուսականություն[խմբագրել | խմբագրել կոդը]
Անտիտավրոսի հարավային մասում գերակշռում են կիլիկյան բրգաձև սոճին, սև սոճին, արևելյան եղևնին, հյուսիսային մասում՝ չորասեր սաղարթավորները, ցածրադիր լանջերում՝ չորասեր նոսր անտառնրն ու ֆրիգանան, գոգհովիտներում՝ օշինդրային կիսաանապատը, սարավանդներում՝ փետրախոտային տափաստանը։
Լեռներ[խմբագրել | խմբագրել կոդը]
Համակարգում հայտնի է Արղեոս լեռը՝ Փոքր Հայքի տարածքում[3]։
Ծանոթագրություններ[խմբագրել | խմբագրել կոդը]
- ↑ GEOnet Names Server — 2018.
- ↑ Географический энциклопедический словарь: географические названия / Под ред. А. Ф. Трёшникова. — 2-е изд., доп.. — М.: Советская энциклопедия, 1989. — С. 34. — 592 с. — ISBN 5-85270-057-6
- ↑ Հակոբյան Թ. Խ., Մելիք-Բախշյան Ստ. Տ., Բարսեղյան Հ. Խ., Հայաստանի և հարակից շրջանների տեղանունների բառարան, հ. 1 [Ա-Գ] (խմբ. Մանուկյան Լ. Գ.), Երևան, «Երևանի Համալսարանի Հրատարակչություն», 1986, էջ 460 — 992 էջ։
Արտաքին հղումներ[խմբագրել | խմբագրել կոդը]
- Аладаглар в Энциклопедии живых приключений
- Карта-схема массива Аладаглар
- Город Яхьяллы, в окрестностях которого находятся водопады
 | Վիքիպահեստն ունի նյութեր, որոնք վերաբերում են «Անտիտավրոս» հոդվածին։ |
| ||||||||||
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 1, էջ 454)։ 
|