Արիկ Գրիգորյան

Վիքիպեդիայից՝ ազատ հանրագիտարանից
Jump to navigation Jump to search
Արիկ Գրիգորյան
Ծնվել էդեկտեմբերի 28, 1983(1983-12-28) (36 տարեկան)
Լենինական, Հայկական ԽՍՀ, ԽՍՀՄ
ԵրկիրFlag of Armenia.svg Հայաստան
Մասնագիտությունռոք երաժիշտ, ֆլեյտահար և կիթառահար
ԳործիքներՖլեյտա և կիթառ
ԿրթությունՀայկական պետական մանկավարժական համալսարան
ԱնդամակցությունՋագ - Բամբիռ

Արիկ Գրիգորյան (դեկտեմբերի 28, 1983(1983-12-28), Լենինական, Հայկական ԽՍՀ, ԽՍՀՄ), հայ ռոք երաժիշտ, «Բամբիռ» ֆոլկ-ռոք խմբի ֆլեյտահար, կիթառահար և բեք-վոկալիստ։

Կենսագրություն[խմբագրել | խմբագրել կոդը]

Արիկ Գրիգորյանը ծնվել է 1983թ. դեկտեմբերի 28-ին, Լենինականում (այժմ՝ Գյումրի)։ 1993թ-ից «Բամբիռ» ռոք խմբի անդամ է: Արիկ Գրիգորյանը իր կարիերան սկսել է շատ վաղ տարիքում՝ գրավելով Հայաստանի և արտերկրի բեմերը։ Այժմ, երբ արդեն հիմնադրել է երեք խումբ և հաստատվել որպես երաժիշտ, ուսուցիչ և երգչախմբի դիրիժոր, նա ձգտում է հայկական երաժշտության մեջ նոր նորարարությունների [1]։

Կրթություն[խմբագրել | խմբագրել կոդը]

1991 թ. -ից սովորել է երաժշտական դպրոցի ֆլեյտայի դասարանում: Ուսման ընթացքում դարձել է մի քանի հանրապետական մրցույթների մրցանակակիր:

2001-05թթ սովորել է Խ.Աբովյանի անվան հայկական պետական մանկավարժական համալսարանում` ստանալով երաժշտության դասատուի և երգչախմբի ղեկավարի մասնագիտություններ:

Կարիերա[խմբագրել | խմբագրել կոդը]

2005-07թթ. - ին դասավանդել է Երևանի Հ.Դանիելյանի անվան արվեստի դպրոցում` որպես ֆլեյտայի դասատու և երգչախմբի ղեկավար:

2000թ.-ից «Բամբիռ» խմբի հետ մասնակցել է բազմաթիվ փառատոների Հայաստանում և արտերկրում` ԱՄՆ, Վրաստան, Իրան, Թուրքիա, Լեհաստան, Ռուսաստան, Հունաստան, Իռլանդիա:

Երաժշտական Գործունեություն[խմբագրել | խմբագրել կոդը]

Վիշապ[խմբագրել | խմբագրել կոդը]

«Վիշապ», ժողովրդական մեղեդիներով, նոր գաղափարներով եւ նոր հնչողությամբ երաժշտական խումբ։ Այն հետազոտական նախագիծ է` բացահայտելու ժողովրդական և հոգևոր երաժշտությունը և ներկայացնելու այն տարբեր երաժիշտների հետ։[2]  

Պատմություն[խմբագրել | խմբագրել կոդը]

«Վիշապ» անսամբլը ստեղծելու գաղափարի հիմքում տարբեր երաժիշտների հետ աշխատելն է, որոնք փորձով կփոխանակվեն ու արդյունքում հետաքրքիր մի նոր հնչողություն կստացվի։ Խումբն ակտիվ գործունեություն է ծավալում Հայաստանում և արտերկրում։

Լոս Անջելեսում Արիկ Գրիգորյանը եւ Արենի Աբգարյանը միասին սկսեցին աշխատել «Վիշապ» ծրագրի վրա, արդյունքում Արենիի տանը փոքրիկ համերգ տեղի ունեցավ: Միացան նաև թավջութակահար Արտյոմ Մանուկյանը և հարվածային գործիքների երաժիշտ Վարդան Թուֆենքջյանը՝ դառնալով քառյակ: Խմբի կազմը փոփոխվում է: Հայաստանում, օրինակ, հարվածայինների վրա նվագում է Էդուարդ Հարությունյանը, ԱՄՆ-ում՝ Վարդան Թուֆենքջյանը, իսկ Փարիզում մեկ ուրիշը կլինի :[3]

«Վիշապ» անվանումը բացատրվում է նրանով, որ վիշապը լինելով շատ ուժեղ կենդանի ունակ է պահպանել մշակույթը։

Երգացանկ[խմբագրել | խմբագրել կոդը]

Խմբի երգացանկը խիստ բազմազան է. այն ներառում է Միջնադարի հոգևոր և ժողովրդական երգեր։

Հղումներ[խմբագրել | խմբագրել կոդը]

  1. «Բամբիռից մինչև Վիշապ»։ Creative Armenia։ Creative Armenia։ 28 Հունվար 2018 
  2. ««Վիշապ»․ բոլորովին նոր հնչողություն»։ CIVILNET։ 1 Հունվար 2019 
  3. «Ամեն մեկիս մեջ էլ քնած, արթնացող կամ արթնացած մի վիշապ կա»։ PanArmenian։ 4 Նոյեմբեր 2016