Արթուր Նիկողոսյան

Արթուր Նիկողոսյան
Ծնվել է	հունվարի 9, 1941(1941-01-09) (83 տարեկան) Երևան, Հայկական ԽՍՀ, ԽՍՀՄ
Քաղաքացիություն	ԽՍՀՄ և  Հայաստան
Մասնագիտություն	աստղաֆիզիկոս և դասախոս
Հաստատություն(ներ)	ՀՀ ԳԱԱ Վ. Հ. Համբարձումյանի անվան Բյուրականի աստղադիտարան, Երևանի պետական համալսարան և Երևանի պետական համալսարան
Ալմա մատեր	ԵՊՀ ֆիզիկայի ֆակուլտետ (1964) և ՀՀ ԳԱԱ Վ. Հ. Համբարձումյանի անվան Բյուրականի աստղադիտարան (1969)
Գիտական աստիճան	ֆիզիկամաթեմատիկական գիտությունների դոկտոր (1986)
Պարգևներ

Արթուր Գարեգինի Նիկողոսյան (հունվարի 9, 1941(1941-01-09), Երևան, Հայկական ԽՍՀ, ԽՍՀՄ), աստղաֆիզիկոս։ Ֆիզիկա-մաթեմատիկական գիտությունների դոկտոր (1986)։

Կենսագրություն

1959-1964 թվականներին սովորել է Երևանի պետական համալսարանի ֆիզիկայի ֆակուլտետում, 1966-1969 թվականներին եղել է Բյուրականի աստղադիտարանի ասպիրանտ։ 1986 թվականին Լենինգրադի պետական համալսարանում պաշտպանել է «Սպեկտրալ գծերի առաջացումը ըստ հաճախականությունների և ուղղությունների վերաբաշխման ընդհանուր օրենքների դեպքում», դոկտորական թեզը։

Աշխատանքային գործունեություն

1965-1966 և 1969-1974 թթ. եղել է ՀՀ ԳԱԱ Բյուրականի աստղադիտարանի կրտսեր գիտաշխատող, 1974-1983 թվականներին՝ ավագ գիտաշխատող, 1987-2006 թվականներին՝ առաջատար գիտաշխատող, 2006 թվականից՝ գլխավոր գիտաշխատող։ 1965-1994 թթ., համատեղությամբ դասավանդել է Երևանի պետական համալսարանի ֆիզիկայի ամբիոնում։ 2006 թվականից՝ ԵՊՀ ավագ դասախոս։ «Աստղաֆիզիկա» միջազգային գիտական հանդեսի խմբագրի տեղակալն է, ՀՀ ԳԱԱ Բյուրականի աստղադիտարանի «Աստղագիտություն» մասնագիտական խորհրդի նախագահի տեղակալը։ Միջազգային աստղագիտական միության անդամ է, Եվրոպական աստղագիտական միության անդամ։

Գիտական գործունեություն

Աշխատանքները վերաբերում են գազային միգամածությունների ֆիզիկային, ճառագայթման տեղափոխման ոչ գծային խնդիրների լուծմանը և ոչ կոհերենտ ցրման տեսության մաթեմատիկական ապարատի ստեղծմանը, աստղային մթնոլորտներում բռնկումային երևույթների ֆիզիկային։

Պարգևներ

Անանիա Շիրակացու մեդալ, 2011

Երկեր

• Տեսական աստղաֆիզիկայի խնդիրների ժողովածու | էդիտ պրինտ, Երևան, 2013, 63 էջ
• A star called the Sun | "Bnaget", 2012, 1, 44-52