Ավգուստ Մակեի տուն (գերմ.՝ August-Macke-Haus), թանգարան ԳերմանիայիԲոն քաղաքում, բացվել է 1991 թվականին և նվիրվել է էքսպրեսիոնիստ նկարիչ Ավգուստ Մակեին։ Այն գտնվում է նրա նախկին տանը, որտեղ նա ապրել է 1911-1914 թվականներին։ Թանգարանը ցուցադրում է վերակառուցված ինտերիերը, ինչպես նաև` տարածք է տրամադրում ժամանակավոր էքսպրեսիոնիստական ցուցադրությունների համար։
Տունը կառուցվել է 1877 թվականին և ձեռք է բերվել Ավգուստ Մակեի աներոջ` Հենրիխ Գերհարդթի կողմից 1884 թվականին։ Գերհարդթի մահից հետո Մակեն իր զոքանչին, որը ժառանգել էր տունը, ստիպում է, որ նա տան ձեղնահարկն իր համար ստուդիա դարձնի։ 1911 թվականին Մակեն, նրա կինը` Էլիզաբեթը, և նրանց որդին տեղափոխվում են այդտեղ։ Այդ տանն ապրելու ընթացքում նկարիչը նկարել է ավելի քան 400 նկար։ 1914 թվականին Առաջին համաշխարհային պատերազմի ժամանակ Մակեի մահից հետո Էլիզաբեթ Մակեն իր երկրորդ ամուսնու և երեխաների հետ ապրել է այդ տանը մինչև 1925 թվականին Բեռլին տեղափոխվելը։ Տունը վարձով է տրվել, բայց մնացել է ընտանիքի սեփականությունը։ Էլիզաբեթ Մակեն 1948 թվականին վերադարձել է Բոն և ապրել այդ տանը մինչև իր մահը` 1975 թվականը[1]։
Գերմանիա
