Աստրախանի պետական համալսարան
Աստրախանի պետական համալսարան Астраханский государственный университет | |
|---|---|
 | |
| Տեսակ | համալսարան |
| Միջազգային անվանում | Astrakhan State University |
| Հիմնադրված է | 1932 |
| Անվանված է | Սերգեյ Կիրով |
| Տիպ | պետական |
| Ռեկտոր | Կոնստանտին Ալեքսեևիչ Մարկելով |
| Ուսանողներ | 16000 |
| Երկիր |  Ռուսաստան և  ԽՍՀՄ |
| Տեղագրություն | Ռուսաստան, Աստրախան, Զնամենսկ, Աստրախանի մարզ |
| Հասցե | 414056, Աստրախանի մարզ, ք. Աստրախան, Տատիշչեվա փ․, 20ա։ |
| Կայք | asu.edu.ru |
Աստրախանի պետական համալսարան (մինչև 1996 թվականը՝ Ս․Մ․Կիրովի անվան Աստրախանի պետական մանկավարժական ինստիտուտ[1], մինչև 2002 թվական՝ Աստրախանի պետական մանկավարժական համալսարան[2]), բարձրագույն ուսումնական հաստատություն Աստրախանում. Պաշտոնական անվանումը՝ «Աստրախանի պետական համալսարան» (ԱՊՀ) բարձրագույն կրթության դաշնային պետական բյուջետային ուսումնական հաստատություն։ Ռուսաստանի հարավ-արևմուտքում գտնվող կրթական, գիտական և սոցիալ-մշակութային կենտրոն։ Համաշխարհային CDIO նախաձեռնության անդամ[3]։ Կասպյան տարածաշրջանի համալսարանների ասոցիացիայի անդամ[4]։ Այն 16 հիմնական ռուսական համալսարանների մի մասն է, որոնք կազմում են Շանհայի համագործակցության կազմակերպության համալսարանը[5]։
Ուսումնական կազմակերպության և դրա մասնաճյուղերի գտնվելու վայրը[խմբագրել | խմբագրել կոդը]
- Աստրախանի պետական համալսարան
414056 Հարավային դաշնային մարզ, Աստրախանի մարզ, ք. Աստրախան, Տատիշչեվա փ․, 20ա։
- Աստրախանի պետական համալսարանի մասնաճյուղը Զնամենսկում
416540 Հարավային դաշնային մարզ, Աստրախանի մարզ, ք. Զնամենսկ, Օստրովսկու փող., 16։
Ընդհանուր տեղեկություններ[խմբագրել | խմբագրել կոդը]
2018 թվականին ավելի քան 12,000 ուսանող էր սովորում ԱՊՀ-ում, այդ թվում՝ ավելի քան 2000 օտարերկրյա քաղաքացի Կասպից ծովի հարևան երկրներից և արտերկրից։
Բուհը մասնագետներ է սովորեցնում բոլոր արդիական ուղղություններով։ Այժմ Աստրախանի պետական համալսարանում կան ավելի քան 70 ուսուցման տարբերակներ, և մշտապես ստեղծվում են նորերը՝ հաշվի առնելով կադրային շուկայի պահանջները։ Ճկուն ծրագրի և պահանջված մասնագետների ուսուցման ուղղվածության շնորհիվ ԱՊՀ-ն հնարավորություն է ընձեռում բոլոր ուսանողներին ստանալ լրացուցիչ կրթություն։ Հատուկ ուշադրություն է դարձվում լեզվաբանական պատրաստությանը, որի շնորհիվ ցանկացած մասնագիտությունների ներկայացուցիչներ՝ ֆիզիկատեխնիկական և ստեղծագործող, ուսման ընթացքում յուրացնում են մեկ կամ մի քանի օտար լեզուներ։ Այս մոտեցումը թույլ է տալիս շրջանավարտներին հավակնել հեղինակավոր աշխատանքների Ռուսաստանում և արտերկրում։
Միասնական գիտակրթական տարածքի ստեղծմանը նպաստում են համագործակցության համաձայնագրերը, որոնք կնքվում են մշտապես։ Նման պաշտոնական փաստաթղթերը կարգավորում են միջազգային կապերը Ֆրանսիայի, Չինաստանի, Ճապոնիայի, Իտալիայի և այլ երկրների խոշորագույն բուհերի հետ։ Համաշխարհային մակարդակի համալսարանների հետ սերտ համագործակցության շնորհիվ ԱՊՀ ուսանողները կարող են սովորել արտերկրում և ստանալ կրկնակի գիտական աստիճան, իսկ համագործակցությունը նաև խթանում է ակադեմիական շարժունությունը և մասնակցությունը միջազգային ծրագրերին։
Իր հերթին, տարածաշրջանային և ռուսական մասշտաբի ձեռնարկությունների հետ կնքվել են մի շարք պայմանագրեր, որոնք թույլ են տալիս ստեղծել համատեղ ստորաբաժանումներ, ուսանողների պրակտիկայի վայրեր և կատարել նպատակային վերապատրաստում՝ որոշակի արդյունաբերության կարիքների համար և խոշոր կորպորացիաների պահանջով։
Շրջանավարտների հետագա հաջող աշխատանքի ապահովմանը նպաստում է արտաուսումնական հատվածների զարգացած համակարգը։ Ամեն տարի անցկացվում են սոցիալական միջոցառումներ, որոնց միանում է յուրաքանչյուր ուսանող, մշտապես աշխատում են հասարակական կազմակերպություններ, արհմիություններ, կամավորական շարժումներ, ստեղծագործական և մարզական բաժիններ։
Համալսարանն ունի ժամանակակից ենթակառուցվածք։ Ուսումնական շենքերը հագեցած են ժամանակակից դասասենյակներով, նորագույն սարքավորումներով հագեցած լաբորատորիաներով, իսկ ֆիզիկամաթեմատիկական ինստիտուտի լաբորատորիաները հիմք ունեն զրոյից ռոբոտներ ստեղծելու համար։ Համալսարանն ունի եզակի լողավազան, մարզադահլիճներ, ուսանողական հարմարավետ հյուրանոցային համալիր, դիսպանսեր և շատ ավելին։ Նաև պայմաններ են ստեղծվել տարբեր առողջական կարողություններ ունեցող ուսանողների վերապատրաստման համար։
Վերջին տասնամյակում ԱՊՀ-ն ձեռք է բերել նորարարական հետազոտական կենտրոնի կարգավիճակ և շարունակում է զարգանալ այս ուղղությամբ։ Տեխնոպարկի, լաբորատորիաների և այլ ստորաբաժանումների հիման վրա գիտության տարբեր ճյուղերում իրականացվում են բազմաթիվ հետազոտություններ։ ԱՊՀ-ն դառնում է աշխարհահռչակ գիտնականների հետ հանդիպելու հարթակ, իսկ համալսարանական հետազոտողների աշխատանքներն իրականացվում են հաշվի առնելով տարածաշրջանի խնդիրները և գործնականում պահանջված են։
Աստրախանի պետական համալսարանը տարածաշրջանի ամենամեծ կրթական կենտրոնն է։ Համալսարանը պատրաստել է հազարավոր բարձր որակավորում ունեցող մասնագետների, ովքեր հաջողությամբ աշխատում են ոչ միայն Ռուսաստանում, այլ նաև արտերկրում։ ԱՊՀ շրջանավարտներն արժանի տեղ են գրավում տնտեսական, քաղաքական, գիտական և գործունեության այլ ոլորտների կազմակերպություններում։
Համալսարանի կառուցվածքը[խմբագրել | խմբագրել կոդը]
- 19 մասնաշենք;
- 3 ինստիտուտ;
- 18 ֆակուլտետ;
- 65 ամբիոն;
- Մասնաճյուղ Զնամենսկ քաղաքում;
- ԱՊՀ քոլեջ;
- «Աստրախանի համալսարան» հրատարակչատուն
- Կասպյան նորարարական-տեխնոլոգիական համալիր
Համալսարանում գործում է ՅՈՒՆԵՍԿՕ-ի «սովորող հասարակություն և սոցիալ-կայուն զարգացում» ամբիոնը։
Ինստիտուտներ[խմբագրել | խմբագրել կոդը]
Աստրախանի պետական համալսարանը բաժանված է երեք[6] ինստիտուտների, որոնք ղեկավարում են տնօրենները։ Յուրաքանչյուր ինստիտուտ իր կազմում ունի գիտական, հետազոտական, գիտական և կրթական լաբորատորիաներ, կենտրոններ։
- ՖԻԶԻԿԱՄԱԹԵՄԱՏԻԿԱԿԱՆ ԻՆՍՏԻՏՈՒՏ
«Մաթեմատիկական մոդելավորումը և տեղեկատվական տեխնոլոգիաները գիտության և կրթության ոլորտում» գիտական լաբորատորիա
«Կենդանի համակարգերի ֆիզիկա» գիտակրթական կենտրոն
«Մեծ տվյալների և թվային տեխնոլոգիաների» գիտական լաբորատորիա
Ֆունկցիոնալ մագնիսական նյութերի գիտաուսումնական կենտրոն
ԱՊՀ-ի օքսիդային մագնիսական նյութերի նախագծման և ֆիզիկաքիմիական հետազոտությունների համատեղ գիտական լաբորատորիա
Խտացրած նյութերի ֆիզիկայի և նոր հետազոտության մեթոդների համատեղ գիտական լաբորատորիա
«Բնական ռեսուրսների ռացիոնալ օգտագործում» գիտակրթական կենտրոն
«Էլեկտրոնիկայի և ռոբոտաշինության առաջատար տեխնոլոգիաներ» հավաքական օգտագործման կենտրոն
Լայնամասշտաբ մոդելների և նախատիպերի հավաքման և փորձարկման լաբորատորիա
«Այլընտրանքային էներգիա» հետազոտական և կրթական կենտրոն
«Շարժման բիոմեխանիկայի եռաչափ ուսումնասիրություն» համատեղ օգտագործման կենտրոն
- ԲՆԱԿԱՆ ԻՆՍՏԻՏՈՒՏ
Աստրախանի պետական համալսարանի Վոլգա-Կասպյան տարածաշրջանի կենսերկրաքիմիայի և անասնաբուժական բժշկության հիմնարար և կիրառական հիմնախնդիրների և հետազոտական համատեղ լաբորատորիայի և երկրաքիմիայի ու վերլուծական քիմիայի ինստիտուտ
Կենսատեխնոլոգիաների գիտական լաբորատորիա
Գիտական համատեղ լաբորատորիա՝ նյարդաէնդոկրին համակարգի ձևավորման մեջ ապոպտոզի դերի ուսումնասիրության համար
- ՌՈՒՍԱՍՏԱՆԻ ՀԱՐԱՎԻ ԵՎ ԿԱՍՊԻԱԿԱՆ ՏԱՐԱԾԱՇՐՋԱՆԻ ԽՆԴԻՐՆԵՐԻ ՀԵՏԱՈՏՈՒԹՅՈՒՆՆԵՐԻ ԻՆՍՏԻՏՈՒՏ
Ստորին Վոլգայի շրջանի և Կասպյան տարածաշրջանի հասարակական-քաղաքական և մշակութային դինամիկայի ուսումնասիրության լաբորատորիա
Խորհրդային շրջանի Ստորին Վոլգայի շրջանի պատմության ուսումնասիրության կենտրոն
Պաշտոնական էջերը սոցիալական ցանցերում[խմբագրել | խմբագրել կոդը]
https://vk.com/asu_edu_ru
https://www.facebook.com/asu30
https://www.instagram.com/agu_astrakhan30/
https://ok.ru/asu.edu30
Նշումներ[խմբագրել | խմբագրել կոդը]
- ↑ «Общая характеристика и стратегия развития». Астраханский государственный университет. Արխիվացված է օրիգինալից 2013 թ․ հոկտեմբերի 31-ին. Վերցված է 2012 թ․ հունվարի 19-ին.
- ↑ «Приказ Министерства образования РФ № 4379». Сайт Минобрнауки России. 15 декабря 2002. Արխիվացված է օրիգինալից 2013 թ․ նոյեմբերի 1-ին. Վերցված է 2012 թ․ հունվարի 19-ին.
- ↑ «История членства Астраханского государственного университета в CDIO». Արխիվացված է օրիգինալից 2019 թ․ հունիսի 16-ին. Վերցված է 2021 թ․ հունվարի 13-ին.
- ↑ АГУ - член ассоциации университетов прикаспийского региона
- ↑ Астраханский государственный университет входит в состав Университета Шанхайской организации сотрудничества
- ↑ okulik. «Научно-образовательная структура». Астраханский государственный университет. Արխիվացված է օրիգինալից 2015 թ․ օգոստոսի 12-ին. Վերցված է 2021 թ․ հունվարի 13-ին.
| ||||||||||
