Աստղային ճանապարհ

Վիքիպեդիայից՝ ազատ հանրագիտարանից

«Աստղային ճանապարհ» (անգլ.՝ Star Trek), այսօրվա դրությամբ վեց հեռուստասերիալ (այդ թվում մուլտիպլիկացիոն), 13 լիամետրաժ ֆիլմ, հարյուրավոր գրքեր և պատմվածքներ, մեծ թվով համակարգչային խաղեր գիտաֆանտաստիկ մեդիաֆրանշիզա[1]. Կինոէպոպեայի հիման վրա ստեղծված են ֆան արտի բազմաթիվ նմուշներ[1]: «Աստղային ճանապարհը» զգալի ներդրում է կատարել ամերիկյան և համաշխարհային զանգվածային մշակույթի մեջ և առանձնահատուկ ենթամշակույթ է առաջացրել[1]:

1966 թվականի սեպտեմբերի 6-ից էկրաններին «Աստղային ճանապարհներ. բնօրինակ սերիալ» սերիալի լույս տեսնելուց ի վեր իր սկիզբն առնող գաղափարի հեղինակ և «Աստղային ճանապարհի» Տիեզերքի հիմնադիրն է Ջին Ռոդենբերին[1][2][3]:

Ընդհանուր տեղեկություն[խմբագրել | խմբագրել կոդը]

«Աստղային ճանապարհի» տիեզերքը նկարագրում է առաջին հայացքից ուտոպիա թվացող տիեզերական ապագան, որտեղ գոյություն ունի Մոլորակների միավորված դաշնությունը, որին անդամակցում է Երկիրը[1]: Նույն ժամանակ Ծիր Կաթին գալակտիկայի զգալի հատվածները մնում են չուսումնասիրված և հետազոտողներին բազմաթիվ անակնկալ և բացահայտումներ են պատրաստում[1]: «Մեր նպատակն է՝ քաջաբար գնալ այնտեղ, որտեղով չի քայլել մարդու ոտքը», ահա այսպիսին է «Աստղային ճանապարհի» հերոսների կարգախոսը[1]:

«Աստղային ճանապարհի» տիեզերքը հորինված տիեզերքներից ամենամանրակրկտորեն մշակվածն է[1]: Ամենա կերպարը ունի իր կենսագրությունը, ամեն քաղաքակրթությունը՝ իր մշակույթը, ավանդույթները և պատմությունը: Պաշտոնական աղբյուրներում կարելի է գտնել տիեզերքի մանրակրկիտ պատմությունը, աստղագնացների տեխնիկական տվյալները, ամեն մանրունքի հստակ նկարագրությունը՝ սկսած քլինգոնական ավանդական ուտեստներից մինչև եռաչափ շախմատի խաղի կանոնները:

Աշխարհում «Աստղային ճանապարհի» տիեզերքի մի քանի միլիոն երկրպագու կա, որոնք իրենց անվանում են «թրեքիներ» (Trekkies) կամ «թրեքերներ» (Trekkers):

Ռասաներ[խմբագրել | խմբագրել կոդը]

    1rightarrow.png Հիմնական հոդված՝ Աստղային ճանապարհի ռասաները

«Աստղային ճանապարհի» (անգլ.՝ Star Trek) աշխարհը բնակեցված է բազմաթիվ ռասաներով, որոնցից ամենահայտնիներն են՝ անդորիացիները, բորգերը[4], վուլկանցիները, քլինգոնները[5], կարդասիացիները, ռոմուլացիները և երկրացիները: Երկրացիները վուլկանցիների, անդորիացիների և թելարիտների հետ Միավորված մոլորակների դաշնության հիմնադիրներն են:

Արտաքին հղումներ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]