Առաջին դասարանցու արձան (Դոնի Ռոստով)
 | |
|---|---|
 Առաջին դասարանցու արձանը | |
| Կոորդինատներ | 47°13′32″ հս․ լ. 39°42′29″ ավ. ե. / 47.22556° հս․. լ. 39.70806° ավ. ե.Կոորդինատներ: 47°13′32″ հս․ լ. 39°42′29″ ավ. ե. / 47.22556° հս․. լ. 39.70806° ավ. ե. |
| Գտնվում է | Դոնի Ռոստով |
| Կառուցվել է | 2011 |
| Կառուցել է | Դմիտրի Լինդին |
| Ներկա վիճակը | կանգուն |
Առաջին դասարանցու արձան (ռուս.՝ Памятник первокласснику), բրոնզե հուշարձան ՌԴ Դոնի Ռոստով քաղաքի Լենինյան շրջանի Գորկու փողոց, 115 հասցեում գտնվող թիվ 36 գիմնազիայի բակում[1]։
Պատմություն[խմբագրել | խմբագրել կոդը]
Հուշարձանը ստեղծելու նախաձեռնությունը պատկանում է Դոնի Ռոստովի Լենինյան շրջանի ղեկավար Սերգեյ Սուխարիևին[2]։ Իր հարցազրույցում նա նշել է, որ նախագծի մշակման նախնական փուլերում ցանկանում էր, որ վերջնական քանդակն ինչ-որ բանով հիշեցնի «Փոքրիկն ու տանիքում ապրող Կառլսոնը» հեքիաթի Մանչուկին[3]։
Քաղաքի իշխանությունները որոշեցին 7-9-րդ դասարանների աշակերտների շրջանում անցկացնել հուշարձանի լավագույն էսքիզի մրցույթ։ Ներկայացվեցին ավելի քան 500 էսքիզներ, և դրանցից մեկի հեղինակը դարձավ հաղթող։ Դա թիվ 36 գիմնազիայի 9-րդ դասարանի աշակերտուհի Աննա Նիկոլաևան է[4]։ Հուշարձանը ստեղծելու համար գումար տրամադրել են հովանավորները[4], իսկ քանդակագործ է ընտրվել Դմիտրի Լինդինը[2]:
Նա քանդակը ստեղծել է ըստ աշակերտուհու մատիտանկարի։ Հուշարձանը ստեղծելու համար ծախսվել է մոտ կես տարի[2], այն ձուլվել է Դոնի Ռոստովի արհեստանոցներից մեկում[4]։ Հուշարձանի բացման հանդիսավոր արարողությունը կայացել է 2011 թվականի սեպտեմբերի 1-ին` Գիտելիքի օրը, թիվ 36 գիմնազիայի ներքին բակում։ Հուշարձանի բացման արարողությանը ներկա է եղել քաղաքապետ Անատոլի Չեռնիշովը։
Նկարագրություն[խմբագրել | խմբագրել կոդը]
Հուշարձանը բրոնզից է, նրա բարձրությունը մոտ 2 մետր է, իսկ քաշը` կես տոննա[2]։ Հուշարձանը պատկերում է դպրոցական համազգեստով առաջին դասարանցի ծիծաղող տղա աշակերտի։ Նա նստած է գլոբուսին, իսկ ձեռքում պահում է գիրք, որի վրա գրված է «Школа» («Դպրոց»)։ Ըստ քանդակագործի` այս հուշարձանը համատեղում է իսկական առաջին դասարանցու գծեր, որը միևնույն խանդավառությամբ կարողանում է և՜ սովորել, և՜ զվարճանալ[2]։
