Առաջին անգամ արենայում

Վիքիպեդիայից՝ ազատ հանրագիտարանից
Jump to navigation Jump to search
Picto infobox cinema.png
Առաջին անգամ արենայում
Տեսակ մուլտֆիլմ
Ռեժիսոր Վլադիմիր Պեկար և Վլադիմիր Պոպով
Երաժշտություն Ալեքսանդր Վառլամով
Երկիր Flag of the Soviet Union.svg ԽՍՀՄ
Ընկերություն Սոյուզմուլտֆիլմ
Թվական 1961

«Առաջին անգամ արենայում» (ռուս.՝ Впервые на арене), խորհրային նկարված մուլտիպլիկացիոն ֆիլմ՝ ստեղծված 1961 թվականին «Սոյուզմուլտֆիլմ» կինոստուդիայում[1][2]։ Ռեժիսորներ Վլադիմիր Պեկարն ու Վլադիմիր Պոպովն ստեղծել են հեքիաթ՝ կրկեսում հանդես եկող փղիկի մասին։

Սյուժե[խմբագրել | խմբագրել կոդը]

Տիմկա փղիկը երազում էր դառնալ կրկեսի արտիստ, այդ պատճառով էլ գնում է կրկես, որտեղ փորձեր էին անցկացվում։ Երբ Տիմկան արենա է վերադարձնում ձեռնածուի գցած գնդակը, նրա վրա ուշադրություն է դարձնում Արջը՝ կրկեսի ծեր արտիստը։ Արջը փղիկին առաջարկում է փորձել ձեռնածություն անել գնդակով։ Տիմկան փորձում է, բայց հետո չի կարողանում պահել հավասարակշռությունն ու ընկնում է կուպլետիստների գործիքների վրա, որոնք բարձրաձայն դժգոհում են։ Արջը մխիթարում է փղիկին՝ ասելով, թե արտիստ դառնալու համար պետք է աշխատել գիշեր ու ցերեկ։ Տիմկան երկար ու համառորեն փորձեր է անում և մինչև հյուրախաղերի սկսվելը սովորում է գնդի վրա հավասարակշռությունը պահած ձեռնածություն անել։ Տիմկան հաջողությամբ ելույթ է ունենում, և հանդիսատեսը երկար ծափահարում է պատանի շնորհալի արտիստին։

Ստեղծողներ[խմբագրել | խմբագրել կոդը]

  • Սցենարի հեղինակ – Ելենա Կրշիժանովսկայա
  • Երգի տեքստի և երկխոսությունների հեղինակ – Վադիմ Կորոստիլյով
  • Ռեժիսորներ – Վլադիմիր Պեկարն, Վլադիմիր Պոպով
  • Կոմպոզիտոր – Ալեքսանդր Վառլամով
  • Բեմադրող նկարիչներ – Իգոր Նիկոլաև, Վլադիմիր Պոպով
  • Նկարիչներ – Վիկտոր Շևկով, Վլադիմիր Պեկար, Վալենտին Կարավաև, Յուրի Բուտիրին, Իրինա Տրոյանովա, Ելենա Տանենբերգ
  • Օպերատոր – Նինո Կլիմովա
  • Հնչյունային օպերատոր – Նիկոլայ Պրիլուցկի
  • Խմբագիր – Ռաիսա Ֆրիչինսկայա
  • Ռեժիսորի օգնականներ – Գ. Լյուբարսկայա, Նինա Մայորովա
  • Դերերը հնչյունավորել են՝
    • Մարգարիտա Կուպրիյանովա – փղիկ Տիմկա
    • Ալեքսեյ Գրիբով – Արջ
    • Սերգեյ Մարտինսոն – կուպլետիստ
    • Միխայիլ Նովոխիժին – հեղինակի խոսք

Քննադատների արձագանքներ[խմբագրել | խմբագրել կոդը]

Պեկարն ու Պոպովն իրենց ուժերը փորձել են ռեժիսուրայում 60-ական թվականների սկզբից։ Նրանք բեմադրել են մի քանի ֆիլմեր, որոնք ներառվել են մանուկների «մուլտդարանում» և մինչ այժմ չեն իջնում հեռուստաէկրաններից։ Դրանց թվում են «Առաջին անգամ արենայում» (1961) փաստացի ռեժիսորական նորամուտը, երկերգությունը արջուկ Ումկայի (1969-1970) մասին, «Վերադարձրեք Ռեքսին» սրտառուչ դրաման (1975)։

— Նատալյա Վենժեր, «Մեր մուլտֆիլմերը»[3]

Թողարկում DVD-ով[խմբագրել | խմբագրել կոդը]

Մուլտֆիլմը թողարկվել է DVD-ով «Ладушки для малышей 1» «Սոյուզմուլտֆիլմ» մուլտֆիլմերի հավաքածուում[4]։

Ծանոթագրություններ[խմբագրել | խմբագրել կոդը]

  1. «Առաջին անգամ արենայում» մուլտֆիլմը kino-teatr.ru կայքում
  2. «Առաջին անգամ արենայում» մուլտֆիլմը kinopoisk.ru կայքում
  3. Наталия Венжер. Владимир Пекарь // Наши мультфильмы / Арсений Мещеряков, Ирина Остаркова. — Интеррос, 2006. — ISBN 5-91105-007-2
  4. DVD «Ладушки для малышей 1»

Արտաքին հղումներ[խմբագրել | խմբագրել կոդը]