Անհայտ խռովարարը

Վիքիպեդիայից՝ ազատ հանրագիտարանից
Ջեֆ Ուայդեներ, Անհայտ խռովարարը, 1989

Անհայտ խռովարարը (նաև անգլ.՝ Tank Man), պայմանական անվանում, որով հայտնի է այն մարդը, որ կես ժամվա ընթացքում միայնակ փակել է տանկերի շարասյունը 1989 թվականի հունիսին Պեկինի Տյանանմեն հրապարակում տեղի ունեցած խռովությունների ժամանակ:

Լուսանկար[խմբագրել | խմբագրել կոդը]

Անհայտ խռովարարի ամենահայտնի լուսանկարն արվել է Associated Press-ի թղթակից Ջեֆ Ուայդեների (անգլ.՝ Jeff Widener) կողմից. նա լուսանկարել է «Պեկին» հյուրանոցի վեցերորդ հարկից: Լուսանկարում պատկերված է մի մարդ, որ միայնակ կանգնած է Տիպ 59 տեսակի տանկերի շարասյան դիմաց: Դրանից առաջ Ստյուարտ Ֆրանկլինն արել էր համայնապատկերային լուսանկար, որում երևում է 19 տանկ:

Ջեֆ Ուայդեներ

Տանկերի շարասյունը միայնակ կանգնեցրած Չինաստանի հասարակ քաղաքացուն պատկերող լուսանկարները արագորեն տարածվում են ողջ աշխարհում՝ դառնալով այն դեպքերի խորհրդանիշը, որ կոչվել են «բողոք տոտալիտար պետության բռնապետության դեմ»: Լուսանկարը տպագրվել է հարյուրավոր թերթերում ու ամսագրերում, ցուցադրվել է հեռուստատեսային լուրերի թողարկումների ընթացքում: 1998 թվականի ապրիլին ամերիկյան «Time» ամսագիրը «Անհայտ խռովարարին» ընդգրկել է 20-րդ դարի 100 ամենաազդեցիկ մարդկանց ցանկում:

Լրագրող-միջազգայնագետ Վսևոլոդ Օվչիննիկովը, ով այդ ժամանակ գտնվում էր Չինաստանում, լուսանկարի մասին ասել է, թե այն «թերևս միակ իրական կադրն է», որ արվել է այդ դեպքերի ընթացքում, և այն հակադրել է բռնության տեսարաններ պատկերող այն լուսանկարներին, որ ամբողջ աշխարհում տարածվել են որպես Տյանանմեն հրապարակում տեղի ունեցած ջարդը պատկերող կադրեր, սակայն իրականում հեռուստամոնտաժի արդյունք են[1]:

Խռովարարը[խմբագրել | խմբագրել կոդը]

Գոյություն ունի չհաստատված վարկած, թե «խռովարարը» Պեկինի համալսարաններից մեկի 19-ամյա (այն ժամանակ) ուսանող Վան Վեյլինը (王维林) է[2]:

Ծանոթագրություններ[խմբագրել | խմբագրել կոդը]

  1. Всеволод Овчинников. Размышления странника. — С. 42. // LoveRead.ws
  2. Кристина Хопкинсон «Двадцатый век» / Пер. Е. Комиссарова. — М.: Росмэн, 1995. — 59 с. — 50 000 экз. — ISBN 5-7519-0094-4

Գրականություն[խմբագրել | խմբագրել կոդը]

  • June Fourth: The True Story, Tian’anmen Papers/Zhongguo Liusi Zhenxiang Volumes 1-2 (Chinese edition), Zhang Liang, ISBN 962-8744-36-4.
  • Red China Blues: My Long March from Mao to Now, Jan Wong, Doubleday, 1997, trade paperback, 416 pages, ISBN 0-385-48232-9 (Contains, besides extensive autobiographical material, an eyewitness account of the Tiananmen crackdown and the basis for an estimate of the number of casualties.)
  • The Tiananmen Papers, The Chinese Leadership’s Decision to Use Force Against their Own People—In their Own Words, Compiled by Zhang Liang, Edited by Andrew J. Nathan and Perry Link, with an afterword by Orville Schell, PublicAffairs, New York, 2001, hardback, 514 pages, ISBN 1-58648-012-X

Արտաքին հղումներ[խմբագրել | խմբագրել կոդը]