Անդրիաս Ղուկասյան
- Վիքիպեդիայում կան հոդվածներ Ղուկասյան ազգանունով այլ մարդկանց մասին։
| Անդրիաս Ղուկասյան | |
|---|---|
 | |
| Ծնվել է | մայիսի 12, 1970 (54 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Քաղաքացիություն |  Հայաստան |
| Կրոն | Հայ Առաքելական եկեղեցի |
| Կրթություն | Երևանի պետական համալսարան |
| Մասնագիտություն | Տնտեսագետ-մաթեմատիկոս, Իրավագետ |
| Աշխատանք | «Ռադիո Հայ» ընկերության հիմնադիրների ժողովի նախագահ |
| Ամուսին | Անահիտ Թարխանյան |
| Ծնողներ | Հայրը՝ Մարատ Ղուկասյան Մայրը՝ Գալինա Ղուկասյան |
| Երեխաներ | 1 դուստր |
Անդրիաս Մարատի Ղուկասյան (մայիսի 12, 1970, Երևան, Հայկական ԽՍՀ, ԽՍՀՄ), հայ հասարակական, քաղաքական գործիչ, 2013 թվականի ՀՀ Նախագահի ընտրությունների թեկնածու։
Կրթություն
[խմբագրել | խմբագրել կոդը]- 1987 թվականին ավարտել է Երևանի թիվ 83 միջնակարգ դպրոցը։
- նույն թվականին ընդունվել է Երևանի պետական համալսարանի տնտեսագիտության ֆակուլտետ։
- 1988-1989 թվականներին ծառայել է Խորհրդային բանակում։
- 1994 թվականին ավարտել է ԵՊՀ-ն՝ «Տնտեսական կիբեռնետիկա» մասնագիտությամբ, ստանալով տնտեսագետ-մաթեմատիկոսի որակավորում։
- 2005 թվականին ավարտել է Սանկտ-Պետերբուրգի արտաքին տնտեսական կապերի, տնտեսագիտության և իրավունքի ինստիտուտը՝ ստանալով բակալավրի աստիճան «Իրավագիտություն» մասնագիտությամբ։
Աշխատանքային գործունեությունը
[խմբագրել | խմբագրել կոդը]- 1995-1999 թթ. աշխատել է «Հայներարտբանկում», որպես գործունեության պլանավորման դեպարտամենտի տնօրենի տեղակալի, Ներքին աուդիտի ծառայության պետ, Վարկային դեպարտամենտի տնօրենի տեղակալ պաշտոններ։
- 1998 թ. հիմնադրել է «Բիզնես-պորտնյոր» խորհրդատվական ընկերությունը, որը կառավարել է մինչև 1999 թվականը։
- 1999 թվականից առ այսօր գլխավորում է «Ռադիո Հայ» ՍՊ Ընկերությունը՝ զբաղեցնելով ընկերության հիմնադիրների ժողովի նախագահի պաշտոնը։
- 2002-2003 թթ. հիմնադրել է և աշխատել է որպես տնօրեն «Վարդազարյան և Ղուկասյան» իրավաբանական խորհրդատվական ընկերությունում։
- 2002 թվականին հիմնադրել է «Ֆլամինգո-Արտ-լողափ» ՍՊԸ-ն և կառավարել ընկերությունը մինչև 2011 թվականը։
- 2004-2008 թթ. հանդիսացել է «Կովկասյան կոմունիկացիոն խումբ» ՓԲԸ ներկայացուցիչը «Դվին հյուրանոցային համալիր» ՓԲԸ-ում։ Զբաղեցրել է նաև վերջինիս տնօրենի պաշտոնը։
Հասարակական-քաղաքական գործունեությունը
[խմբագրել | խմբագրել կոդը]- 2008 թվականին հիմնադրել է «ԽՍՀՄ-ին կողմ և դեմ» իրավապաշտպան հասարակական կազմակերպությունը, որը ղեկավարել է մինչև 2010 թվականը։
- 2011 թվականից կամավոր հիմունքներով աջակցել է «Խորհրդային Ադրբեջանից փախստականների համագումար» քաղաքացիական նախաձեռնությանը։
- 2013 թ. առաջադրվել է Հայաստանի Նախագահի թեկնածու։
- 2014 թվականի հոկտեմբերի 14-ին իր ֆեյսբուքյան էջում հորդորել է, որ հոկտեմբերի 24-ին Գագիկ Ծառուկյանը, Լևոն Տեր-Պետրոսյանը, Ստեփան Դեմիրճյանը և Րաֆֆի Հովհաննիսյանը հայտարարեն ժամանակավոր կառավարություն ձևավորելու մասին, իսկ Գագիկ Ծառուկյանը անձամբ ղեկավարի քաղաքացիների այն խումբը, որը կալանքի տակ կվերցնի Սերժ Սարգսյանին[1][2]։
Կալանավորում
[խմբագրել | խմբագրել կոդը]2016 թվականի հուլիսի 31-ին Անդրիաս Ղուկասյանը կալանավորվեց Սարի թաղում զանգվածային անկարգություններ կազմակերպելու մեղադրանքով[3] և անազատության մեջ էր գտնվում նույն թվականի նոյեմբերի 20-ից[4]։ 2018 թվականի մայիսի 7-ին ազատ է արձակվել[5]։ Ստեղծեց Հայկական կառուցողական կուսակցությունը 2018-ի հուլիսին։ 2021 թ. Արտահերթ խորհրդարանական ընտրություններին մասնակցելու համար կառուցողական հայկական կուսակցությունը մտավ «Ազատ հայրենիք» նախընտրական դաշինք[6]։
Անձնական կյանք
[խմբագրել | խմբագրել կոդը]Ամուսնացած է։ Ունի մեկ դուստր։
Ծանոթագրություններ
[խմբագրել | խմբագրել կոդը]- ↑ «Սերժ Սարգսյանի ռեժիմը կկորցնի իր հենարանը»
- ↑ Քաղաքագետ Անդրիաս Ղուկասյանը ֆեյսբուքյան իր էջում գրել է
- ↑ Անդրիաս Ղուկասյանը կմնա կալանքի տակ. դատարանը մերժել է փաստաբանի միջնորդությունը
- ↑ Անդրիաս Ղուկասյանի գործը փորձում են միացնել «Սասնա Ծռերի» գործին (տեսանյութ)
- ↑ «Անդրիաս Ղուկասյանն ազատ արձակվեց». «Ազատ Եվրոպա/Ազատություն» ռադիոկայան. Վերցված է 2018 թ․ մայիսի 9-ին.
- ↑ «The NDA, led by Arshak Sadoyan, also joined the Free Homeland bloc. announcement:».