Անդրե Անդրե

Վիքիպեդիայից՝ ազատ հանրագիտարանից
Անդրե Անդրե
պորտ.՝ André André
Քաղաքացիությունը  Պորտուգալիա
Ծննդյան ամսաթիվ օգոստոսի 26, 1989(1989-08-26)[1][2] (34 տարեկան)
Ծննդավայր Vila do Conde, Պորտու, Պորտուգալիա
Հասակ 177 սանտիմետր
Քաշ 65 կիլոգրամ
Դիրք կիսապաշտպան

Անդրե Ֆիլիպե Բրաշ Անդրե (պորտ.՝ André Filipe Brás André, օգոստոսի 26, 1989(1989-08-26)[1][2], Vila do Conde, Պորտու, Պորտուգալիա), պորտուգալացի ֆուտբոլիստ, Պորտու ակումբի և Պորտուգալիայի ազգային հավաքականի կիսապաշտպան։

Ակումբային կարիերա[խմբագրել | խմբագրել կոդը]

Անդրեն Պորտու և Վարզիմ ակումբների սանն է։ Վերջինում նա սկսել է իր ֆուտբոլային կարիերան։ 2008 թվականին ակումբի կազմում Անդրեն դեբյուտել է պորտուգալական Սեկունդայում։ 2008 թվականի դեկտեմբերի 7-ին Գոնդոմար ակումբի դեմ խաղում նա խփեց իր առաջին գոլը Վարզիմում[3]։ 2010 թվականին Անդրեն խաղաց Դեպորտիվո Լա Կորունյա ակումբի երկրորդ թիմում, իսկ հետո վերադարձավ Վարզիմ։

2012 թվականի ամռանը նա տեղափոխվեց Վիտորիա Գիմարայնշ։ Լիսաբոնի Սպորտինգի դեմ խաղում Անդրեն դեբյուտեց Սանգրիշ Լիգայում[4]։ Դեկտեմբերի 9-ին, Օլյանենսի ակումբի դեմ խաղում նա խփեց իր առաջին գոլը նոր թիմում[5]։ 2013 թվականին Անդրեն օգնեց թիմին նվաճել Պորտուգալիայի գավաթը։ 2015 թվականի հունվարի 4-ին Նասիոնալ Ֆունշալ ակումբի դեմ խաղում Անդրեն հեղինակեց հեթ թրիկ[6]։

Նույն թվականի ամռանը նա տեղափոխվեց Պորտու։ Տրանսֆերի արժեքը կազմեց 1,5 միլիոն եվրո։ Օգոստոսի 15-ին, իր նախկին ակումբի՝ Վիտորիայի դեմ խաղում նա դեբյուտեց «դրակոնների» կազմում, երկրորդ խաղակեսում փոխարինելով Էկտոր Հերերային[7]։ Սեպտեմբերի 20-ին Լիսաբոնի Բենֆիկայի դեմ խաղում նա խփեց իր առաջին գոլը Պորտուում[8]։ Սեպտեմբերի 29-ին, Չեմպիոնների Լիգայի շրջանակներում, Լոնդոնի Չելսիի դեմ խաղում Անդրեն խփեց գոլ[9]։ Նոյեմբերի 4-ին Թել Ավիվի «Մակկաբիի» դեմ խաղում Անդրեն նորից աչքի ընկավ գոլով[10]։

Միջազգային կարիերա[խմբագրել | խմբագրել կոդը]

2015 թվականի մարտի 31-ին Կաբո Վերդեի հավաքականի դեմ ընկերական խաղում նա նշեց իր նորամուտը Պորտուգալիայի կազմում[11]։

Ձեռքբերումներ[խմբագրել | խմբագրել կոդը]

Ակումբային

Պորտուգալիա «Վիտորիա Գիմարայնշ»

  • Պորտուգալիայի գավաթ՝ 2011-12

Ծանոթագրություններ[խմբագրել | խմբագրել կոդը]

  1. ↑ 1,0 1,1 Transfermarkt.com(բազմ․) — 2000.
  2. ↑ 2,0 2,1 As (իսպ.) — Madrid: Grupo Prisa, 1967. — ISSN 1888-6671
  3. ↑ «Гондомар VS. Варзим 2:1» (ռուսերեն). soccerway.com. 2008—12—07.
  4. ↑ «Витория Гимарайнш VS. Спортинг Лиссабон 0:0» (ռուսերեն). soccerway.com. 2012—08—18.
  5. ↑ «Витория Гимарайнш VS. Ольяненси 2:0» (ռուսերեն). soccerway.com. 2012—12—09.
  6. ↑ «Витория Гимарайнш VS. Насьонал Фуншал 4:0» (ռուսերեն). soccerway.com. 2015—01—04.
  7. ↑ «Порту VS. Витория Гимарайнш 3:0» (ռուսերեն). soccerway.com. 2015—08—15.
  8. ↑ «Порту VS. Бенфика 1:0» (ռուսերեն). soccerway.com. 2015—09—20.
  9. ↑ «Порту VS. Челси 2:1» (անգլերեն). soccerway.com. 2015 թ․ սեպտեմբերի 29.
  10. ↑ «Маккаби VS. Порту 1:3» (անգլերեն). soccerway.com. 2015 թ․ նոյեմբերի 4.
  11. ↑ «Португалия VS. Кабо-Верде 0:2» (ռուսերեն). soccerway.com. 2015—03—31.

Արտաքին հղումներ[խմբագրել | խմբագրել կոդը]

Վիքիպահեստն ունի նյութեր, որոնք վերաբերում են «Անդրե Անդրե» հոդվածին։
 ⛭ 
  Թեմատիկ կայքեր
Ստացված է «https://hy.wikipedia.org/w/index.php?title=Անդրե_Անդրե&oldid=9620572» էջից