Անդրեյ Սախարովի տուն-թանգարան (Նիժնի Նովգորոդ)

Անդրեյ Սախարովի տուն-թանգարան
Տեսակ	թանգարան
Երկիր	Ռուսաստան
Տեղագրություն	Նիժնի Նովգորոդ
Վայր	Ռուսաստան
Հիմնադրվել է	1991
Կայք	museum.ru/M650

Անդրեյ Սախարովի տուն-թանգարան (ռուս.՝ Музе́й А. Д. Са́харова ), գտնվում է Նիժնի Նովգորոդի Գագարինի պողոտա 214 հասցեում (Շերբինկի միկրոշրջան)։ Թանգարանը բացվել է 1991 թվականին այն բնակարանի առաջին հարկում, որտեղ անցել են Անդրեյ Սախարովի քաղաքական աքսորի յոթ տարիները (1980-1987 թթ.):

Էքսկուրսիա թանգարանի սրահներում

Թանգարանը բաղկացած է երկու մասից`

Հուշային ցուցադրություն՝ վերստեղծվել է Անդրեյ Դմիտրիևիչ Սախարովի բնակարանի ինտերիերն ու կահավորանքը, որտեղ ԿԳԲ-ի հսկողության տակ նա անցկացրել է ազատազրկման յոթ տարիները։
Ցուցասրահ՝ այստեղ ներկայացված են գիտնականի Սարովի դաշնային միջուկային կենտրոնում աշխատած ժամանակաշրջանի կյանքի և գործունեության մասին նյութեր, ցուցադրվում է «Անդրեյ Սախարով. գաղտնի տարիներ» ֆիլմը։ Ամեն տարի դեկտեմբերի 14-ին, Սախարովի հիշատակի օրը, ցուցադրվում է նրա մահվան դիմակը։

Թանգարանի կրթական- մշակութային գործունեություն

Աշակերտների համար թանգարանի աշխատակիցները մշակել են մի շարք թեմատիկ զրույցներ, դասախոսություններ, որոնք նվիրված են Անդրեյ Սախարովի ստեղծագործական ուղուն։

«Անդրեյ Սախարով՝ խորհրդային ջերմամիջուկային զենքի հայր»
«Գորկովսկայա աքսոր»
«Մարդու մեջ պահպանել մարդկությունը»՝ ըստ Սախարովի «Խաղաղություն մարդու միջոցով» աշխատանքի, «Սախարովի հուշագիր- Երկրի վրա կյանքի պահպանման հուշաթերթ»։

Թանգարանում կազմակերպվում են «Սախարովյան ընթերցումներ» գիտական-գործնական կոնֆերանսը, Սախարովի հիշատակի օրերին՝ «Ես և իմ իրավունքը» մրցույթը։

Գրականություն

Вестник свободомыслия. - Н. Новгород, 2006.
Нижний Новгород: 785 вопросов и ответов. - Н. Новгород: Кварц, 2007.

Արտաքին հղումներ

Վիքիպահեստն ունի նյութեր, որոնք վերաբերում են «Անդրեյ Սախարովի տուն-թանգարան (Նիժնի Նովգորոդ)» հոդվածին։