Անդրեա Ալեքսի

Վիքիպեդիայից՝ ազատ հանրագիտարանից
Jump to navigation Jump to search
Անդրեա Ալեքսի
Trogir cathedral entrance detail 016.jpg
Տրոգիր տաճարի մուտքը, Անդրեա Ալեքսի
Ի ծնեԱնդրեա Ալեքսի
Ծնվել էմոտ. 1425
ԾննդավայրԼեժա, Ալբանիա
Մահացել է1505
Վախճանի վայրՍպլիտ, Խորվաթիա
ԱզգությունԱլբանիա Ալբանիա
Ճյուղ(եր)ճարտարապետություն, նկարչություն, քանդակագործություն
Գործունեությունճարտարապետ
նկարիչ
քանդակագործ
Aleksi Andrea Վիքիպահեստում

Անդրեա Ալեքսի (ալբ․՝ Andrea Nikollë Aleksi, Andrea Alessi, Andrija Aleši, 1425, Լեժա - 1505, Դուրրաս), ալբանացի ճարտարապետ, նկարիչ և քանդակագործ։ Համարվում է Դալմաթյան վերածննդի ժամանակաշրջանի ամենահեղինակավոր նկարիչներից մեկը։

Կենսագրություն[խմբագրել | խմբագրել կոդը]

Անդրեա Ալեքսին ծնվել է Լեժիում, այնուհետև տեղափոխվել է Դալմաթիայի Սփլիթ քաղաք, որտեղ ուսանել է քանդակագործ Մարկ Տրոյային։ Կյանքի մեծ մասն ապրել և ստեղծագործել է Դալմաթիայում։ Եղել է Ջորջո դա Սեբենցոյի աշակերտը։ Նրա նշանավոր գործերից է 1466 թվականին Նիկոլո դի Ջիովանի Ֆիորենտինոյի հետ Տրոգիրի Սուրբ Հովհաննես տաճարի աշխատանքները։

Սուրբ Հակոբ տաճարի նմանությամբ այն կառուցված է ծայրահեղ ճշգրտությամբ ստեղծված մեծ քարե բլոկներից։ Համաձայն անտիկ իդեալների՝ այն ճարտարապետության և քանդակագործության եզակի ներդաշնակություն է ապահովում։ Ներսի կողմից պատերը ողորկ չեն։ Տաճարի մեջտեղում՝ խորանին, Տրոգիրի սուրբ Հովհաննեսի սարկոֆագն է՝ շրջապատված լուսամփոփները ձեռքներին պուտտեներով, որոնք կարծես լույս են տալիս դժոխքի դռներից։ Նրանց վերևում Քրիստոսի և առաքյալների քանդակներով որմնախորշերն են (հիմնականում Ալեքսի աշխատանքն է)։ Կեսոնային առաստաղի մեջտեղում Աստծո պատկերն է և հրեշտակների 96 գլուխներ։ Մանկական ժպտացող դեմքերով լի տաճարը տարբերվում է այդ ժամանակաշրջանի եվրոպական արվեստից։

Անդրեան հայտնի է նաև Իտալիայում գտնվող իր առևտրականների արձաններով, 1454 թվականին Դալմաթիայի Արաբե կղզու եկեղեցու «Տրոգիրի մկրտարան» որմնանկարներով, որը նա ստորագրել է 1467 թվականին՝ ANDREAS ALEXIUS DURRACHINUS OPIFEX MCCCCXII (Անդրեա Ալեքսի, արվեստագետ Դուրրեսից, 1462).

Մահացել է 1505 թվականին, Դուրրասում։

Արտաքին հղումներ[խմբագրել | խմբագրել կոդը]

  • Biography at the Croatian Post stamp collection web site