Անգեղակոթի մելիքություն

Անվան այլ կիրառումների համար տե՛ս՝ Անգեղակոթ (այլ կիրառումներ)

Մելիք Թանգի կամուրջը Որոտան գետի վրա

Անգեղակոթի մելիքություն, հայկական իշխանություն ժամանակակից ՀՀ Սյունիքի մարզի տարածքում։ Զբաղեցնում էր Ծղուկ գավառի մեծ մասը, որը համապատասխանում է Սիսիանի տարածաշրջանի հյուսիսարևմտյան և հենտրոնական հատվածին։

Մելիքությունը ստեղծվել էր 17-րդ դարի սկզբներին և հաստատվել է պարսիկների կողմից Արևելյան Հայաստանը գրավելուց հետո։ Մելիքական տիտղոսը և պաշտոնը ժառանգական էր, և հաստատվում էր պարսկական իշխանությունների կողմից։ Անգեղակոթի մելիքական տոհմն է Մելիք-Թանգյանների իշխանական տունը. մելիքական նստավայրերն էին Անգեղակոթ և Բռնակոթ ավանները։

Մելիքները համարվում էին պարսից շահերի վասալները և նրա հանդեպ վարում էին պետական, դատական, տնտեսական, ռազմական և հարկային պարտավորություններ։ Իրենց տիրույթների շրջանակներում մելիքներն ունեին ներքին ինքնուրույնություն, պահում էին մի քանի հազար թվով զորք, վարում էին երկրամասի վարչական ու դատական գործերը։

18-րդ դարում գործուն մասնակցություն է ցույց տվել Սյունիքի հայ ազատագրական շարժմանը 1722-1730 թվականներին։ Անգեղակոթի մելիքությունը թուլացել և ասպարեզից դուրս է եկել 19-րդ դարի սկզբներին՝ Ռուսաստանի տիրապետության օրոք։

Տես նաև

• Բեխի մելիքություն