Այի Թեոդորի (կղզի)[2] (հուն․՝ Άγιοι Θεόδωροι, «Святые Теодоры»), երկու ոչ մեծ անմարդաբնակ կղզիներ՝ տեղադրված Խանյա ծովածոցում՝ Կրետե կղզու արևմտյան մասում։ Կղզիներից մեկը կոչվում է Այոս Թեոդորոս (Άγιος Θεόδωρος), նաև Թոդորու (Θοδωρού), իսկ նրանից հյուսիս գտնվում է Թեոդորոպուլա կամ Միկրոս-Այոս-Թեոդորոս (Μικρός Άγιος Θεόδωρος) (Փոքրիկ Այոս-Թեոդորոս) կոչվող կղզյակը (հուն․՝ Θεοδωροπούλα)[3]։ Պատկանում է Խանյա համայնքին][4]։ Կղզին կրի-կրիների բնակության վայր է[5]։ Նրա անվանումն առաջացել է տեղի Այոս-Թեոդորոս եկեղեցու անվանումից[6]։ Կղզու հարավում կա մեծ քարանձավ՝ կամարաձև մուտքով[7]։
Կղզու հին անվանումը Ակիտիոն (հուն․՝ Ακοίτιον — «անմարդաբնակ») է։ 1583 թվականին վենետիկցիները Այոս-Թեոդորոսում կառուցեցին երկու ոչ մեծ ամրոցներ, որպեսզի կանխեն կղզու օգտագործումը ծովահեններից և պաշտպանեն Կրետեի ափերը[8]։ 1645 թվականին կատաղի մարտից հետո, երբ կղզու 70 հոգանոց նավատորմը չհանձնվեց, և թուրքերը այրեցին վառոդի նկուղը, կղզին նվաճվեց թուրքերի կողմից։ Ամրոցը պայթեց պաշտպանների հետ միասին, և այդ ժամանակ թուրքերը ափ իջան[9]։
1930 թվականին Այա-Մարինա համայնքը, համագործակցելով Հանի որսորդության միության հետ, որոշում է կղզիները դարձնել արգելավայր։ 1935 թվականին Թեոդորոս Վիգլիսը Սամարիա կիրճում բռնում է կրի-կրիի մի արուի և էգի և բաց թողնում նրանց Այոս-Թեոդորոսում, որպեսզի նրանք կարողանան հանգիստ բազմանալ, քանի որ ոչ մի ուրիշ այծ չէր բնակվում կղզում։ Կրի-կրիների այդ փոքրիկ համայնքը շատ քիչ էր ինբրիդինգը կանխելու համար, այդ պատճառով ավելի շատ կրի-կրիներ են բերվում կղզի։
Կրի-կրիի պոպուլյացիան կղզում օգտագործվում է՝ այս կենդանիների ենթատեսակով ողջ մոլորակի կենդանաբանական այգիները ապահովելու համար։
Հունաստան[1]
