Ամել Մույչինովիչ

Ամել Մույչինովիչ
Քաղաքացիությունը	Բոսնիա և Հերցեգովինա և  Սլովենիա
Ծննդյան ամսաթիվ	նոյեմբերի 20, 1973(1973-11-20) (49 տարեկան)
Ծննդավայր	Տուզլա
Հասակ	186 սանտիմետր
Քաշ	83 կիլոգրամ
Դիրք	դարպասապահ
Մասնագիտական կարիերա*
Տարի	Ակումբ	Խաղ	(Գոլ)
1995—1996 Զմայ օդ Բոսնե 15 (−?) 1996—2002 Ցելե 126 (−?) 2002—2003 Անժի 8 (−14) 2003—2005 Մուրա 40 (−?) 2005—2016 Ցելե 178 (−?)
Ազգային հավաքական
2001 Բոսնիա և Հերցեգովինայի հավաքական 1 (0)
* Մասնագիտական կարիերայում ընդգրկված են միայն առաջնության խաղերը և գոլերը:

Ամել Բեգո Մույչինովիչ (սլովեն.՝ և բոս․՝ Amel Bego Mujčinovič, նոյեմբերի 20, 1973(1973-11-20), Տուզլա), բոսնիացի ֆուտբոլիստ, դարպասապահ։ Մեկ խաղ է անցկացրել Բոսնիա և Հերցեգովինայի ազգային հավաքականում։

Կենսագրություն

Ակումբային կարիերա

Ամել Մույչինովիչը ֆուտբոլային կարիերան սկսել է բոսնիական «Զմայ օդ Բոսնե» ակումբում։ Մեկ տարի անց նա տեղափոխվել է Սլովենիայի առաջնության «Ցելե» ակումբ, որտեղ անցկացրել է իր կարիերայի ամենաերկար հատվածը։

Մույչինովիչը մեկ մրցաշրջան է անցկացրել Ռուսաստանի առաջնությունում՝ խաղալով Մախաչկալայի «Անժիում»։ Ավելի ուշ նա վերադարձել է Սլովենիայի առաջնություն, որտեղ նրա նոր ակումբը դարձել է «Մուրան»։

2005 թվականին նա վերադարձել է «Ցելե», որտեղ էլ 2016 թվականին ավարտել է ֆուտբոլիստի կարիերան։

2009 թվականին Մարիբորում Սլովենիայի առաջնության բոլոր աստղերի ցուցադրական խաղում Մույչինովիչը բախվել է մրցակից թիմի խաղացողի հետ և լուրջ վնասվածք ստացել։ Հիվանդանոցում պարզվել է, որ կոտրվել է նրա այտոսկրը։ «Ցելեի» դարպասապահի վիրահատությունը բարեհաջող ավարտ է ունեցել։ Այնուամենայնիվ, նա բաց է թողել մրցաշրջանի մնացած մասը։ Այդ մրցաշրջանում «Ցելեի» մարզիչ Սլավիշա Ստոյանովիչը դժվարություններ է ունեցել դարպասապահի դիրքի հետ կապված, քանի որ թիմի մյուս դարպասապահ Ալեքսանդեր Շելիգան վաճառվել էր «Սպարտային» (Ռոտերդամ)։

Կարիերա ազգային հավաքականում

2001 թվականի փետրվարի 28-ին Զենիցայում տեղի է ունեցած Հունգարիայի ազգային հավաքականի դեմ ընկերական խաղում Ամել Մույչինովիչն անցկացրել է իր միակ հանդիպումը Բոսնիա և Հերցեգովինայի ազգային հավաքականի կազմում՝ Ադնան Գուշոյի փոխարեն խաղադաշտ դուրս գալով ընդմիջումից անմիջապես հետո։ Այդ խաղում նա ոչ մի գոլ բաց չի թողել։

Արտաքին հղումներ

• Պրոֆիլը ՌՊԼ-ի կայքում
• Ֆուտբոլիստի էջը National Football Teams կայքում(անգլ.)
• Պրոֆիլը transfermarkt.com կայքում(անգլ.)