Ամելիա Քոութս
| Ամելիա Քոութս | |
|---|---|
| Ծնվել է | 1872 |
| Ծննդավայր | Մինեսոտա, ԱՄՆ |
| Մահացել է | 1949 |
| Քաղաքացիություն | .svg){kind=small} ԱՄՆ |
| Մասնագիտություն | նկարիչ-փորագրող և օֆորտանկարիչ |
 Amelia R. Coats Վիքիպահեստում | |
Ամելիա Քոութս (անգլ.՝ Amelia Coats, ամբողջական անունը՝ Amelia Ruth Coats), ամերիկացի փորագրող-նկարիչ։
Նրա աշխատանքը հիմնականում կազմված է հավայան բնապատկերներից։ Որպես կանոն, դրանք թվագրված չեն[1]։
Կենսագրություն[խմբագրել | խմբագրել կոդը]
Ծնվել է 1872 թվականին[2]։
Ամելիա Քոութսն ապրել և աշխատել է Հոնոլուլուում 1930-ական թվականներին, սակայն նա եղել է դեռևս 1903 թվականի օգոստոսին կղզեխումբ ժամանած SS Aorangi նավի ուղևորների ցուցակում՝ Վանկուվերից Հոնոլուլու ուղևորվող[3]։
1905 թվականին Պալոլոյի հովտում հող է ձեռք բերել[4][5]։ 1915 թվականին եղել է Հոնոլուլուի Trail and Mountain Club մեծ խմբում՝ Ալեքսանդր Հյում Ֆորդի գլխավորությամբ, որը Մաուիում այցելել է Հալեակալա հրաբուխ[6]։
1930 թվականի նոյեմբերին նրա աշխատանքները ցուցադրվել են Honolulu Academy of Arts-ի Honolulu Printmakers (այժմ՝ Հոնոլուլուի արվեստի թանգարան) խմբակային ցուցահանդեսում։ Ցուցահանդեսում ցուցադրվել են նաև Ալեքսանդր Մակլեոդի, Հուկ-Մազելե Լուկենսի, Ջոն Մելվիլ Քելիի և Քեյթ Քելլիի աշխատանքները։ 1933 թվականին «Միսս Ամելիա Քոութս»-ը Հոնոլուլուի արվեստի ակադեմիային նվիրաբերել է երկու փորագրություն։ 1934 թվականին Մաուիի Սպրեկելսվիլ քաղաքում գրանցված է եղել որպես Միացյալ Նահանգների երկրաբանական ծառայության աշխատակից[7]։
Նրա փորագրությունները գտնվում են Հոնոլուլուի արվեստի թանգարանում և Նյու Յորքի հանրային գրադարանում։
Ամելիա Քոութսը ամուսնացած չի եղել։ Բնակվել է Հոնոլուլուի Wilder Avenue-ում՝ 1531-B-ում։ Honolulu Star-Bulletin մահախոսականի համաձյան[8]՝ մահացել է 1949 թվականի հուլիսի 12-ին 77 տարեկան հասակում[9]։ Դիակիզվել է քաղաքային Borthwick Mortuary դիահերձարանում։ Կտակի համաձայն՝ նրա աճյունը հանձնվել է ծովին։
Ծանոթագրություններ[խմբագրել | խմբագրել կոդը]
- ↑ Don R. Severson, Finding Paradise, Island Art in Private Collections, University of Hawaii Press, 2002, 142-3.
- ↑ Amelia Ruth Coats (born 1872)
- ↑ "Passengers Arrived, " The Independent (Honolulu HI): (31 August 1903).
- ↑ "Waited All Night to Get Palolo Lots, " The Hawaiian Star (24 April 1905): 1.
- ↑ "Lilo na Aina o Palolo, " Ka Nupepa Kuokoa, 43(17)(28 April 1905).
- ↑ "Haleakala Hikers Had Hard Trip, " The Maui News (9 January 1915): 5.
- ↑ Post-Husted Directory Co., Honolulu and the Territory of Hawaii Directory (1934): 605.
- ↑ Obituaries − Amelia Ruth Coats
- ↑ Borthwick Mortuary — Honolulu