Ամասիայի բարբառ

Ամասիայի բարբառ, հայերենի կը ճյուղի եռաստիճան բաղաձայնական համակարգ ունեցող բարբառ։

Խոսվել է Ամասիա քաղաքում։ Հնչյունական համակարգով քիչ տարբերություններ է ներկայացնում հին հայերենի համեմատությամբ։ Տր հնչյունախմբի մեջ ր-ն ունի ուժեղ ռ հնչումը՝ կտըռել (կտրել)։ Հոգնակին կազմվում է նվեր մասնիկով՝ աղջիկնըվեր։ Հայր, մայր բառերն ունեն ոջ հոլովումը (սեռականում)։ Սահմանական ներկան կազմվում է կա մասնիկով, ապառնին պուտու մասնիկով (կերթամ կա, պուտու երթամ)։

Ծանոթագրություններ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 1, էջ 274)։