Աղջիկը վաղվանից

Վիքիպեդիայից՝ ազատ հանրագիտարանից
Jump to navigation Jump to search
Picto infobox cinema.png
Աղջիկը վաղվանից
The Girl from Tomorrow
ԵրկիրFlag of the United Kingdom.svg Միացյալ Թագավորություն
Ժանրգիտական ֆանտաստիկա հեռուստատեսութ՛ունում
Լեզուանգլերեն
ԴերակատարներKatharine Cullen?, Melissa Marshall?, James Findlay?, Andrew Clarke?, John Howard?, Miles Buchanan? և Helen O'Connor?
ԵրաժշտությունIan Damon?
ՀաջորդThe Girl from Tomorrow Part II: Tomorrow's End?

Աղջիկը վաղվանից (անգլ.՝ The Girl from Tomorrow), ավստրալիական մանկական արկածային գիտաֆանտաստիկ հեռուստասերիալ, որի պրեմիերան կայացել է 1992 թվականին, Nine Network հեռուստաալիքով:

Սյուժե[խմբագրել | խմբագրել կոդը]

3000 թվականն է: Մարդկությունն ապրում է ուտոպիայում, սակայն 2500 թվականի աղետից (2500’s Great Disaster) հետո դեռ շարունակում է աշխատել երկրագնդի էկոհամակարգի վերականգնման համար:

Աղետի պատճառները զննելու համար անցյալ` 2500 թվական է ուղարկվում Թուլիսթա (Tulista) անունով մի գիտնական, ում բռնում է չարագործ Սիլվերթորնը (անգլ.՝ Silverthorn — «արծաթե փուշ»), որը ցանկանում էր նվաճել ապագան: Հասկանալով, որ, թեև 3000 թվականին մարդիկ զենքեր չունեն, սակայն նա չի կարող նվաճել նրանց, Սիլվերթորնն առևանգում է Թուլիսթայի օգնական Ալանային (Alana), և ուղևորվում է ավելի վաղ անցյալ` 1990 թվական, որտեղ, նրա կարծիքով, նա աշխարհը գրավելու ավելի մեծ հնարավորություն կունենա:

1990 թվականին Ալանային հաջողվում է փախչել չարագործից, և նա ծանոթանում է Ջեննի Քելլիի հետ (Jenny Kelly), որը մոտավորապես իր տարիքի աղջիկ էր: Նոր ընկերուհին Ալանային օգնում է հաղթել չարագործին և վերադարձնել ժամանակի մեքենան, ինչպես նաև` նրան ծանոթացնում է իր ընտանիքի և դպրոցական շրջապատի հետ:

Կերպարներ[խմբագրել | խմբագրել կոդը]

  • Ալանա - Տասնչորսամյա աղջիկ` 3000 թվականից: Նրա ծնողներն ապրում են Տիտանում, բայց դստերն ուղարկել են Երկիր` սովորելու: Այստեղ նա սովորում է վերափոխման կարողությունը (Transducer), նրա կարողությունների տարբերանշանն են լինում քունքի երեք խալերը:
  • Սիլվերթորն (արծաթե փուշ) - չարագործ, որն ապրում էր 2500 թվականում: Չնայած իր չար մտքերին` ժամանակ առ ժամանակ կարող է շատ գրավիչ լինել:
  • Ջենի Քելլի - Տասնչորսամյա աղջիկ, որն ապրում էր 1990 թվականում: Ալանայի ընկերուհին: Մազերը մանուշակագույն է ներկում, թմբուկ է նվագում և երազում է միանալ երաժշտական խմբի: Ատում է Սիդնեյը, որտեղ ապրում էր, սակայն նոր ընկերուհու շնորհիվ սկսում է իր քաղաքը տեսնել այլ աչքերով:
  • Փիթի Քելլի - իննամյա տղա, որն ապրում էր 1990 թվականում: Ջենիի եղբայրը: Սիրում է սուպերհերոսների և հաճախ իրեն անվանում է «Կապիտան Զերո»: Հետաքրքրում է գիտական ֆանտաստիկայով, այդ պատճառով էլ աղջկա գալը ապագայից նրա համար մեծ նշանակություն ուներ:
  • Իրեն Քելլի - Փիթիի և Ջենիի մայրը: Շատ է անհանգստանում իր երեխաների համար, այդ պատճառով չի թողում, որ նրանք կռվեն Սիլվերսթորնի հետ: Հանդիպում է Ջեյմս Ռունիի հետ, որը Ջենիի և Փիթիի դպրոցի ֆիզիկայի ուսուցիչն է:
  • Ջեյմս Ռունի - Ջենիի և Փիթիի դպրոցի ֆիզիկայի ուսուցիչը: Հանդիպում է նրանց մոր` Իրենի հետ: Երեխաներին օգնում է վերադարձնել ժամանակի մեքենան:

Ապագայի գյուտեր[խմբագրել | խմբագրել կոդը]

Չնայած ըստ սցենարի ներկան և ապագան բաժանող նշանակալի ժամկետին (5-ից 10 դար)` սերիալում ապագայի տեխնոլոգիաները շատ համեստ են ներկայացված:

  • 2500 թվական - բլաստեր,
  • 3000 թվական - ժամանակի մեքենա, անհատական համակարգիչ, որը պետք է կրել դաստակի վրա (հոլոգրաֆիկ վերարտադրման հնարավորությամբ), փոխարկիչ կամ «տրանսդյուսեր» (օբյեկտների լևիտացիա, նյութական օբյեկտների ոչնչացում, տեռաֆորմավորում, տելեպատիա, վերքերի վերականգնում):

Հետաքրքիր փաստեր[խմբագրել | խմբագրել կոդը]

  • Ֆիլմը հիշեցնում է «Հյուրը ապագայից» (1984) խորհրդային մանկական հինգ սերիայից կազմված ֆիլմը. աղջիկը, որը եկել էր ապագայից (նման` Ալանա/Ալիսա անունով), ընկնում է մեր ժամանակներ, փորձում է կանգնեցնել ապագայից եկած չարագործներին և ընկերանում է հասակակից մի աղջկա հետ և այլն:
  • Առաջին անգամ DVD տեսասկավառակով ֆիլմը թողարկվել է 2006 թվականի սեպտեմբերի 18-ին:
  • Շարքը պաշտոնապես թարգմանվել է հունգարերեն, նորվեգերեն և իտալերեն[1]:

Ծանոթագրություններ[խմբագրել | խմբագրել կոդը]

  1. Даты выхода на экраны сериала «Девочка из завтра» (1991) на сайте Internet Movie Database(անգլ.)

Արտաքին հղումներ[խմբագրել | խմբագրել կոդը]