Ակրամովսկու շադինիա
| Ակրամովսկու շադինիա | ||||||||
|---|---|---|---|---|---|---|---|---|
| Գիտական դասակարգում | ||||||||
|
||||||||
| Լատիներեն անվանում | ||||||||
| Shadinia akramovskii
|
Ակրամովսկու շադինիա (լատին․՝ Shadinia akramovskii), լիթոգլիֆիդների ընտանիքին պատկանող փափկամարմին կենդանի։ Գրանցված է Հայաստանի Հանրապետության Կարմիր գրքում։
Նկարագրություն[խմբագրել | խմբագրել կոդը]
Մինչև 4,5 մմ բարձրությամբ, բարձր կոնաձև խեցին, որի պտույտները ուռչած են, մոխրաեղջրագույն, ելանցքի մոտ ունի կրային կափարիչ[1]։
Տարածվածություն[խմբագրել | խմբագրել կոդը]
Տարածված է Իրանում, Իրաքում, Հայաստանում։ Հայաստանում հայտնի է Արարատյան հարթավայրի մի քանի կետերից՝ Արմավիրի (Սև ջուր գետի ակունքներ՝ Արատաշեն գյուղի մոտակայքում) և Արարատի (Արևաբույր և Ջրահովիտ գյուղերի շրջակայք) մարզերում[1]։
Էկոլոգիա[խմբագրել | խմբագրել կոդը]
Ապրում է հզոր աղբյուրների և դրանցից սկիզբ առնող գետակների վերին հոսանքներում։ Կենսաբանական առանձնահատկությունները հայտնի չեն[1]։
Պահպանություն[խմբագրել | խմբագրել կոդը]
Սահմանակը արեալով և կտրատված ապրելավայրերով հազվագյուտ տեսակ է, որը բնության պահպանության միջազգային միության Կարմիր ցուցակի չափաորոշիչներով գնահատվաում է որպես կրիտիկական վիճակում գտնվող տեսակ։ Տարածման վայրերում ունի բավականին բարձր թվաքանակ, որի փոփոխությունները հայտնի չեն։
Խխունջին սպառնացող վտանգներն են մելիորատիվ աշխատանքներով պայմանավորված գետերի հիդրոլոգիական ռեժիմի խախտումը։
Պահպանության միջոցառումներ չեն իրականացվում[1]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 Հայաստանի Կարմիր գիրք. Երևան: Հայաստանի բնապահպանության նախարարություն. 2010. ISBN 978-99941-2-420-6.