Ալսեկ

Ալսեկ
	Ալսեկ գետի ակունքը
Բնութագիր
Երկարություն	250
Ավազանի մակերես	28 500 կմ²
Ջրի ծախս	324
Ջրահոսք
Ակունք	Սուրբ Եղիայի լեռնաշղթա, Կանադա
Բարձրություն	600 մ
Գետաբերան	Ալյասկա
Գետաբերանի տեղակայում	Ալյասկայի ծովածոց
Բարձրություն	0 մ
Կոորդինատներ
Տեղակայում
Հոսող հոսքեր	Tatshenshini River?, Dezadeash River?, Kaskawulsh River? և Bates River?
Երկիր	Կանադա, ԱՄՆ
Երկրամաս	Յուկոն, Բրիտանական Կոլումբիա և Ալյասկա

Ալսեկ (անգլ.՝ Alsek River), գետ Հյուսիսային Ամերիկայի հյուսիս արևմուտքում։ Հոսում է Յուկոնի տարածքով, Բրիտանական Կոլումբիայի մարզով Կանադայում, ինչպես նաև ԱՄՆ֊ի Ալյասկա նահանգով։ Առաջին անգամ քարտեզագրել է ռուս հիդրոգրաֆ Միխայիլ Տեբենկովը 1852 թվականին։

Աշխարհագրություն[խմբագրել | խմբագրել կոդը]

Սնվելով Սուրբ Եղիայի լեռնաշղթայի (St. Elias Mountain) (որը աշխարհում առափնյա լեռնաշղթաներից երկրորդն է մեծությամբ) հսկայական սառցադաշտերից, գետը սկիզբ է առնում Քլուեյնի ազգային պարկից, Յուկոնի հարավ–արևմտյան անկյունում շրջապատված լեռներով, սառցադաշտերով և լայն հովիտներով։ Գետի սկիզբը համարվում է սառցադաշտերով հոսող երեք գետերի՝ Դիզադեշի, Կասկավալշի, և Դաստի միաձուլման վայրը։ Գետերի խառնման արդյունքում միաձուլվող 16 կիլոմետրանոց գետաբազկից առաջանում է լայն ջրային հյուսվածք, այնուհետև հաջորդում են 74 կիլոմետրանոց հորձանուտները, կիրճերը, սառցադաշտերը և լողացող սառցաբեկորները։ Գետը հոսում է դեպի հարավ՝ Բրիտանական Կոլումբիայի հյուսիս–արևմտյան անկյունը, որտեղ Թաթշենի–Ալսեկի մարզային պարկի տարածքում որտեղ իրեն է միանում Թաթշենինի գետը։

Գետի վերջին հատվածը անցնում է ԱՄՆ–ի տարածքով և թափվում հարավային Յակուտատի Դրայ–Բեյ ծովացուց, իր հետ բերելով շատ տիղմ և ողորատ։ Գետի երկարությունը կազմում է մոտ 250 կմ։ Գետի ամենավտանգավոր հատվածը Թրնբեքի կիրճն է (Turnback Canyon), որը համարվում է աննավարկելի և այնտեղով լողարկելը շատ վտանգավոր է, այնուամենայնիվ, փորձառու և հմուտ կանոյիստները համարձակվում են անցնել այն^[1]։