Ալյումինի սուլֆատ

Ալյումինի սուլֆատ
Ընդհանուր տեղեկություններ
Դասական անվանակարգում	Ալյումինի սուլֆատ
Քիմիական բանաձև	Al₂O₁₂S₃
Մոլային զանգված	5,7E−25 kg գ/մոլ
Խտություն	2,71031 g/cm³ գ/սմ³
Հալման ջերմաստիճան	700 °C °C
Կազմալուծման ջերմաստիճան	580 °C
Եռման ջերմաստիճան	1600 °C °C
Քիմիական հատկություններ
Դասակարգում
CAS համար	10043-01-3
PubChem	24850, 75366293, 16694118
EINECS համար	233-135-0
SMILES	O=S1(=O)O[Al]2OS(=O)(=O)O[Al](O1)OS(=O)(=O)O2
ЕС	233-135-0
RTECS	BD1700000
ChEBI	23233
	Եթե հատուկ նշված չէ, ապա բոլոր արժեքները բերված են ստանդարտ պայմանների համար (25 °C, 100 կՊա)

Ալյումինի սուլֆատ, բարդ անօրգանական միացություն, ալյումինի ծծմբաթթվական աղ։ Քիմիական բանաձևն է՝ Al₂(SO₄)₃: Անգույն բյուրեղային նյութ է, կարող է առաջացնել բյուրեղաջրի տարբեր պարունակությամբ բյուրեղահիդրատներ։ Օգտագործվում է ջրի մաքրման, գործվածքների ներկման, կաշվի դաբաղման, պաղլեղների (քվարց) ստացման համար։ Որպես ռեակտիվ կիրառվում է լուսանկարչության մեջ։

Ֆիզիկական հատկություններ

Անգույն բյուրեղները փոշենման են կամ թիթեղիկների տեսք ունեն։ Բյուրեղավանդակը օրթոռոմբիկ է։ Խտությունը՝ 2,710 գ/սմ³ է, հաստատուն ճնշման տակ տեսակարար ջերմունակությունը 259,6 Ջ/(ՄոլˑԿ)։ Վատ է լուծվում սպիրտում, լավ է լուծվում ջրում, խոնավածուծ է, կայուն է սովորական ջերմաստիճանում^[4]^[5]։

Առաջացնում է բյուրեղահիդրատ հետևյալ բանաձևով Al₂(SO₄)₃·18H₂O: Անգույն ասեղնաձև բյուրեղային նյութ է, հալվում է 86,5 °C-ում (քայքայվելով), խտությունը 1,690 գ/սմ³ է։ Երկար պահելիս 18-ջրյա բյուրեղահիդրատը կարող է մասամբ ջրազրկվել՝ բյուրեղաջրի պարունակությունը 14—14,5 մոլեկուլի հասցնելով։ Տաքացնելիս 18-ջրյա բյուրեղահիդրատը ջրազրկվում է առաջացնելով հետևյալ նյութերը^[4].

150 °C ՝ Al₂(SO₄)₃·14 H₂O,
160 °C ՝ Al₂(SO₄)₃·10 H₂O,
250 °C՝ Al₂(SO₄)₃·3 H₂O,
420 °C՝ Al₂(SO₄)₃ (անջուր սուլֆատ)։

Քիմիական հատկություններ

Ալյումինի սուլֆատը 580 °C ջերմաստիճանում քայքայվում է ալյումինի օքսիդի γ-ձևափոխության և ծծմբի (VI) օքսիդի^[4].

{\mathsf {Al_{2}(SO_{4})_{3}\ {\xrightarrow {580\ ^{\circ }C}}\ Al_{2}O_{3}+3SO_{3}}}

Ալյումինի սուլֆատը կրկնօրինակում է ժելատինային լուսանկարչական շերտերը՝ բարձրացնելով լուսանկարչական էմուլսիայի շերտերի մեխանիկական ամրությունը , իսկ գունավոր լուսանկարչության մեջ ներկանյութերը պաշտպանում է հիդրոլիզային քայքայումից։ Ալյումինի իոնները կապում են ժելատինի իոնացված կարբոքսիլային խմբերը ապահովելով կրկնօրինակման մեխանիզմը^[5]^[6]։

Ստացում

Ալյումինի սուլֆատը ստացվում է ալյումինի հիդրօքսիդի և ծծմբական թթվի փոխազդեցությունից.

{\mathsf {2Al(OH)_{3}+3H_{2}SO_{4}\longrightarrow \ Al_{2}(SO_{4})_{3}+6H_{2}O}}

Ալյումինի սուլֆատը ստացվում է ալյումինի և ծծմբական թթվի փոխազդեցությունից.

{\mathsf {2Al+3H_{2}SO_{4}\longrightarrow \ Al_{2}(SO_{4})_{3}+3H_{2}}}

Կիրառություն

Ալյումինի սուլֆատն օգտագործվում է ջրի մաքրման կայաններում որպես ջրի կոագուլյատ։ Կիրառվում է թղթի, տեքստիլ, կաշվի և արդյունաբերության այլ ճյուղերում։

Կիրառվում է որպես սննդային հավելում՝ E-520^[7]:

Կիրառվում է լուսանկարչության մեջ՝ մտնում է կայունացնող լուծույթի և լուսանկարի ֆիքսատորի բաղադրության մեջ^[5]։

Ծանոթագրություններ

Գրականություն

Волохов Ю. А. Алюминия сульфат : статья // Химическая энциклопедия / Редкол.: Кнунянц, Иван Людвигович. — М. : Советская энциклопедия, 1988. — Т. 1: А—Дарзана. — С. 121. — 623 с.
Гурлев Д. С. Справочник по фотографии (обработка фотоматериалов). — К.: Тэхника, 1988. — 335 с. — ISBN 5-335-00125-4
Джеймс Т. Теория фотографического процесса = The theory of the photographic process / пер. 4-го американского изд. под ред. Картужанского А. Л.. — 2-е русское изд. — Л.: «Химия». Ленинградское отделение., 1980. — 672 с.

Արտաքին հղումներ

[_59df7401378eb162-1] AKOS016371110

[_546a7dce29bc6816-2] Aluminum sulfate

[_3553b7163c59a1e5-3] Aluminum sulfate

[Волохов—1988——-4] 1 2 3 Волохов, 1988

[Гурлев—1988——285-5] 1 2 3 Гурлев, 1988, էջ 285

[Джеймс—1980——83-6] Джеймс, 1980, էջ 83

[7] E-520 (Е-520) Сульфат алюминия

[1]

[2]

[3]

[4]

[5]

[6]

[7]