Ալյոշայի հեքիաթները (մուլտֆիլմ)

Ալյոշայի հեքիաթները
Տեսակ	մուլտֆիլմ
Ռեժիսոր	Ռոման Կաչանով
Սցենարիստ	Գեորգի Բալլ և Գենադի Ցիֆերով
Երաժշտություն	Անդրեյ Բաբաև
Օպերատոր	Իոսիֆ Գոլոմբ
Երկիր	ԽՍՀՄ
Ընկերություն	Սոյուզմուլտֆիլմ
Թվական	1964

Ալյոշայի հեքիաթները, (ռուս.՝ Алёшины сказки), Ռոման Կաչանովի մուլտիպլիկացիոն ֆիլմը, որը թողարկվել է 1964 թվականին Սոյուզմուլտֆիլմ ստուդիայում։

Ֆիլմում իրար հաջորդում են սև ու սպիտակ խաղարկային տեսարաններ և տիկնիկային մուլտիպլիկացիոն գունավոր դրվագներ խաղալիքներով, որոնք ցույց են տալիս փոքրիկ Ալյոշայի երազանքները։

Սյուժե[խմբագրել | խմբագրել կոդը]

Փոքրիկ Լյոշան, տանը մենակ մնալով, երազում էր մեկնել իր սիրելի տատիկի մոտ` Եգորևսկ, նրա ծննդյան տոնին, քանի որ ծնողները ժամանակ չունեին։ Ասելով կախարդական բառերը` Ալյոշան կենդանացնում է շոգեքարշը, որն ուղևորվում է հեռավոր ճամփորդության։ Ճանապարհին հանդիպում է ծանոթ Կովը, որը Շոգեքարշին ծաղկեփունջ է փոխանցում է տատիկի համար։ Իսկ Շոգեքարշը սունկ է հավաքում տատիկի համար։ Երազելով տատիկի համար նկար նկարել` Ալյոշան փնտրում է իր սիրելի երկկողմանի կարմիր–կապույտ մատիտը, որը գտնում է Մկնիկը։ Որպես երախտագիտության նշան նրան կերակրում են շիլայով և կախարդական բառերով ազատում են սարսափել թակարդից։ Որոշելով տատիկին նվիրել նաև Ոսկե ձկնիկ`տղան արտասանում է կախարդական խոսքերը և խաղալիք զինվորներին ուղարկում է ձկնորսության։ Բայց զինվորները չեն կարողանում ձուկ բռնել, քանի որ այդ գործի համար ահրաժեշտ են ամբարձիչներ։ Կախարդական բառերը օգնում են զինվորներին դառնալ ամբարձիչների ընտանիք․ հայրիկ ամբարձիչ, մայրիկ ամբարձիչ և փոքրիկ ամբարձիկ, որոնք ուղևորվում են դեպի Կապույտ ծով՝ ճանապարհին հանդիպելով դաժան առյուծին։ Բարեհաջող հասնելով ծովին` Ամբարձիչները նետում են իրենց կեռիկները` ջրի միջից որսալով մեկ մեծ Կետ, մեկ` Հսկայական շնաձուկ և միայն փոքրիկ Ամբարձիչն է ջրի միջից բռնում է փոքրիկ ձկնիկին։

Իսկ վերջում Լյոշան որոշում է առավոտյան արտասանել իր կախարդական բառերը, որպեսզի տատիկն ինքը նրան հյուր գա։

Հեղինակներ[խմբագրել | խմբագրել կոդը]

Տիկնիկները և դեկորները պատրաստել են՝ Վլադիմիր Աբակումով, Վալերի Պետրով, Պավել Գուսև, Ֆ․ Օլեյնիկով, Գալինա Գետտինգեր, Վերա Չերկինսկայա, Բորիս Կառավաև, Սեմյոն Էտլիս, Ռոման Գուրովի ղեկավարությամբ
Ալյոշայի դերում՝ Պավլիկ Բաբաևսկի
Տեքստը կարդում է՝ Մարիա Վինոգրադովա