Ալեքսանդր Խանժոնկովի հուշարձան (Դոնի Ռոստով)

Վիքիպեդիայից՝ ազատ հանրագիտարանից
Անվան այլ կիրառումների համար տե՛ս՝ Ալեքսանդր Խանժոնկովի հուշարձան (այլ կիրառումներ)
Ալեքսանդր Խանժոնկովի հուշարձան
Քարտեզ
Քարտեզ
Տեսակհուշարձան
Բարձրություն2,5 մետր
Երկիր Ռուսաստան
ԲնակավայրԴոնի Ռոստով
Նյութբրոնզ
Ներկա վիճակկանգուն
Արտաքին պատկերներ
Ալեքսանդր Խանժոնկովի հուշարձանի բացման արարողության լուսանկարներ

Ալեքսանդր Խանժոնկովի հուշարձան (ռուս.՝ Памятник Александру Ханжонкову), ռուս կինեմատոգրաֆիստ Ալեքսանդր Ալեքսեևիչ Խանժոնկովի հուշարձանը, որը բացվել է 2016 թվականի օգոստոսի 24-ին[1] Դոնի Ռոստովի Բուդյոննու պողոտայում։ Հեղինակը ռոստովցի քանդակագործ Սերգեյ Օլեշնյան է[2]։ Բացման արարողությանը ներկա են եղել անվանի դերասաններ և հեռուստահաղորդավարներ[3]։

Պատմություն[խմբագրել | խմբագրել կոդը]

Կինեմատոգրաֆիստ Ալեքսանդր Խանժոնկովի հուշարձանը ստեղծելու գաղափարը պատկանում է լրագրող Լյուբով Սուրկովային[4]։ Նա այդպիսի առաջարկով դիմեց քաղաքային վարչակազմին, և այնտեղ գաղափարը արժանացավ աջակցության։ Սկսվեց աշխատանքը էսքիզների վրա։ Ստեղծվեց երկու վերջնական էսքիզ, որոնցից մեկը կյանքի կոչվեց։ Քանդակագործ ընտրվեց Սերգեյ Օլեշնյան[3], պատվանդանը պատրաստել է Յուրի Դվոռնիկովը[4], սակայն նրանցից բացի ներգրավված են եղել այլ ճարտարապետներ և քանդակագործներ ևս[3]

Քանդակը տեղադրելու վայրը պատահականորեն չի ընտրված. այն գտնվում է Ալեքսեևյան վարժարանի շենքի դիմաց, որտեղ սովորել է ռեժիսոր և սցենարիստ Խանժոնկովը, իսկ այդ վայրից ոչ հեռու գտնվում է կինոստուդիան[1]։ Նախատեսվում է տեղադրել նաև երկու հուշատախտակ. մեկն այն շենքի պատին, որտեղ սովորել է ռեժիսորը, և մյուսն այնտեղ, որտեղ նա առաջին անգամ դիտել է կինո։

Նկարագրություն[խմբագրել | խմբագրել կոդը]

Հինավուրց կինոխցիկով Խանժոնկովի քանդակը ձուլված է բրոնզից։ Պատվանդանի բարձրությունը 2 մետր է, քանդակինը` 2,5 մետր։ Հուշարձանի բացումը տեղի է ունեցել մոտիվացիոն կինոյի Bridge of Arts միջազգային փառատոնի առաջին օրը[2]։ Քանդակի բացմանը ներկա են եղել դերասանուհիներ Իրինա Բեզրուկովան և Իրինա Բաբենկոն, հեռուստահաղորդավար Դմիտրի Դիբրովը, պրոդյուսեր Ալան Դեպարդյեն[1]։

Ծանոթագրություններ[խմբագրել | խմբագրել կոդը]

  1. 1,0 1,1 1,2 В Ростове-на-Дону открыли памятник Ханжонкову
  2. 2,0 2,1 «В Ростове-на-Дону открыли памятник пионеру русского кино Ханжонкову». Արխիվացված է օրիգինալից 2017 թ․ մարտի 7-ին. Վերցված է 2017 թ․ մարտի 14-ին.
  3. 3,0 3,1 3,2 Ростов-на-Дону: памятник «пионеру русского кинематографа» Ханжонкову готов
  4. 4,0 4,1 «В Ростове-на-Дону открыт памятник пионеру русского кинематографа Александру Ханжонкову». Արխիվացված է օրիգինալից 2017 թ․ հուլիսի 7-ին. Վերցված է 2017 թ․ մարտի 14-ին.