Ալեքսանդր Երիցյան (անասնաբույծ)
- Անվան այլ կիրառումների համար տե՛ս՝ Ալեքսանդր Երիցյան (այլ կիրառումներ)
- Վիքիպեդիայում կան հոդվածներ Երիցյան ազգանունով այլ մարդկանց մասին։
Ալեքսանդր Երիցյան | |
---|---|
Ծնվել է | ապրիլի 12 (25), 1904 |
Ծննդավայր | Կալինինո, Հայաստան |
Մահացել է | ապրիլի 5, 1968 (63 տարեկան) |
Մահվան վայր | Երևան, Հայկական ԽՍՀ, ԽՍՀՄ |
Քաղաքացիություն | Հայկական ԽՍՀ և Հայաստան |
Կրթություն | Երևանի անասնաբուծական-անասնաբուժական ինստիտուտ (1935) |
Կոչում | պրոֆեսոր |
Գիտական աստիճան | գիտությունների դոկտոր |
Մասնագիտություն | անասնաբույծ |
Պարգևներ և մրցանակներ |
Ալեքսանդր Գրիգորի Երիցյան (ապրիլի 12 (25), 1904, Կալինինո, Հայաստան - ապրիլի 5, 1968, Երևան, Հայկական ԽՍՀ, ԽՍՀՄ), հայ անասնաբույծ, գյուղատնտեսական գիտությունների դոկտոր (1963), պրոֆեսոր (1966), ՀԽՍՀ գիտության վաստակավոր գործիչ (1961)։
Կենսագրություն[խմբագրել | խմբագրել կոդը]
Ալեքսանդր Երիցյանը ծնվել է 1904 թվականի ապրիլի 12(25)-ին Վորոնցովկա գյուղում (այժմ՝ քաղաք Տաշիր)։ 1935 թվականին ավարտել է Երևանի անասնաբուծական-անասնաբուժական ինստիտուտը։ 1943-1946 թվականներին եղել է ՀԽՍՀ հողժողկոմի տեղակալ, 1949-1953 թվականներին՝ Հայկական գյուղատնտեսական ինստիտուտի անասնաբուծության ամբիոնի վարիչ, 1953-1956 թվականներին՝ ՀԽՍՀ գյուղատնտեսության նախարարության գիտության գլխավոր վարչության պետ, 1956-1965 թվականներին՝ ՀԽՍՀ ԳԱ Տնտեսագիտության ինստիտուտի բաժանմունքի վարիչ։
Աշխատանքները վերաբերում են Հայաստանի գյուղատնտեսության տեղաբաշխման և մասնագիտացման, տավարաբուծության զարգացման հարցերին։
Ալեքսանդր Երիցյանը մահացել է 1968 թվականի ապրիլի 5-ին Երևանում։
Երկեր[խմբագրել | խմբագրել կոդը]
- Աշխատանքի արտադրողականության բարձրացումը անասնապահության բնագավառում, Ե., 1961:
- Անասնաբուծության արդյունավետության բարձրացման ուղիները, Ե., 1965:
- Նյութական խրախուսանքը գյուղատնտեսության մեջ, Ե., 1971:
Այս հոդվածի կամ նրա բաժնի որոշակի հատված վերցված է «Գյուղատնտեսական հանրագիտարանից», որի նյութերը թողարկված են՝ Քրիեյթիվ Քոմմոնս Նշում-Համանման տարածում 3.0 (Creative Commons BY-SA 3.0) թույլատրագրի ներքո։ |