Ալեքսանդր Բլինկով

Ալեքսանդր Բլինկով
Ծնվել է	հունվարի 12, 1911(1911-01-12)
Ծննդավայր	Լոզովայա, Pavlogradsky Uyezd, Եկատերինոսլավի նահանգ, Ռուսական կայսրություն
Մահացել է	հունիսի 21, 1995(1995-06-21) (84 տարեկան)
Մահվան վայր	Սանկտ Պետերբուրգ, Ռուսաստան
Քաղաքացիություն	Ռուսական կայսրություն,  ՌԽՖՍՀ և  ԽՍՀՄ
Մայրենի լեզու	ռուսերեն
Կրթություն	Ի. Ե. Ռեպինի անվան գեղանկարչության, քանդակագործության և ճարտարապետության ինստիտուտ
Մասնագիտություն	նկարիչ
Անդամություն	ԽՍՀՄ նկարիչների միություն

Ալեքսանդր Բլինկով (ռուս.՝ Александр Александрович Блинков, հունվարի 12, 1911(1911-01-12), Լոզովայա, Pavlogradsky Uyezd, Եկատերինոսլավի նահանգ, Ռուսական կայսրություն - հունիսի 21, 1995(1995-06-21), Սանկտ Պետերբուրգ, Ռուսաստան), ռուս և խորհրդային գեղանկարիչ, գծանկարիչ, մանկավարժ, տրամապատկերի և համայնապատկերի հեղինակ, Լենինգրադի նկարիչների միության անդամ։

Կենսագրություն

Ալեքսանդր Բլինկովը ծնվել է 1911 թվականի հունվարի 12-ին, Ուկրաինայի Խարկովի նահանգի Լոզովայա քաղաքում։ 1932-1939 թվականներին սովորել է Ի. Ե. Ռեպինի անվան գեղանկարչության, քանդակագործության և ճարտարապետության ինստիտուտի գեղանկարչության ֆակուլտետում։ 1939 թվականին ավարտել է ինստիտուտը՝ Ռուդոլֆ Ֆրենցի մարտանկարչության արվեստանոցում՝ որակավորված գեղանկարչի կոչումով։ Դիպլոմային աշխատանքը եղել է «Առաջին հեծելազորը Վորոնեժի մոտ» նկարը (Ռուսաստանի գեղարվեստի ակադեմիայի թանգարան)։

1939 թվականից մասնակցել է ցուցահանդեսների` ցուցադրելով իր աշխատանքները Լենինգրադի կերպարվեստի առաջատար վարպետների աշխատանքների հետ։ Եղել է Հայրենական մեծ պատերազմի և Լենինգրադի պաշտպանության մասնակից։

1942 թվականին դարձել է Լենինգրադի նկարիչների միության անդամ։ Նկարել է ժանրային և մարտական նկարներ, դիմանկարներ, բնանկարներ, անիմալիստիկա, մասնակցել է տրամապատկերների և համայնապատկերների ստեղծմանը։ «1940 թվականի մարտի 12-ի խորհրդային զորքերի կողմից Վիբորգի գրավումը» (1941 թվական), «Ձմեռային զորաբնակատեղերը», «Տիխվինի գրավումը» (երկուսն էլ՝ 1942 թվական), «Պարտիզանական արահետները» (1945 թվական), «Որս․ խլահավերը» (1958 թվական), «Կուրսկի աղեղը», «Ռազմածովային զորաշարժերը» (երկուսն էլ՝ 1960 թվական), «Իմ ընկերները․ երկրորդ պարտիզանը» (1969 թվական), «Պարտիզանական արահետները», «Ստալինգրադյան անցատեղին» (երկուսն էլ՝ 1980 թվական) և այլ նկարների հեղինակն է։ Ռուսաստանի ժամանակակից պատմության պետական կենտրոնական թանգարանի (Ռուդոլֆ Ֆրենցի հետ միասին) համար կատարել է «Պետրոգրադի պաշտպանությունը» համայնապատկերը, Լենինգրադի Հոկտեմբերյան Մեծ հեղափոխության թանգարանի (1957 թվական, Լ․ Ռուբինշտեյնի հետ միասին) և Լենինգրադի ռազմածովային կենտրոնական թանգարանի (1962 թվական) համար կատարել է «Ձմեռային պալատի գրոհը» և «Ստալինգրադի ճակատամարտը» տրամապատկերները և այլն։

Երկար տարիներ դասավանդել է Սանկտ Պետերբուրգի Շտիգլիցի անվան գեղարվեստաարդյունաբերական ակադեմիայում։

Մահացել է 1995 թվականի հունիսի 21-ին, Պետերբուրգում՝ 85 տարեկան հասակում։

Ալեքսանդր Բլինկովի ստեղծագործությունները պահվում են Ռուսական պետական թանգարանի, Ռուսաստանի, Ճապոնիայի, Ֆրանսիայի, Ուկրաինայի, Գերմանիայի և այլ երկրների թանգարաններում և մասնավոր հավաքածուներում։

Ցուցահանդեսներ

Ցուցահանդեսներ՝ Ալեքսանդր Բլինկովի մասնակցությամբ  

• 1958 թվական՝ (Լենինգրադ) Լենինգրադցի նկարիչների ստեղծագործությունների աշնանային ցուցահանդես։
• 1960 թվական՝ (Լենինգրադ) Լենինգրադցի նկարիչների ստեղծագործությունների ցուցահանդես։
• 1975 թվական՝ (Լենինգրադ) Մեր ժամանակակիցը․ լենինգրադցի նկարիչների ստեղծագործությունների զոնալ ցուցահանդես։
• 1976 թվական՝ (Մոսկվա) Լենինգրադի կերպարվեստը։
• 1980 թվական՝ (Լենինգրադ) Լենինգրադցի նկարիչների ստեղծագործությունների զոնալ ցուցահանդես։

Աղբյուրներ

• Выставка дипломных работ художественных вузов 1939 года. М—Л., 1939. С. 13.
• Выставка работ ленинградских художников в дни Великой Отечественной войны. М., 1942. С. 21.
• Бойков В. Изобразительное искусство Ленинграда. Заметки о выставке ленинградских художников. // Ленинградская правда, 1947, 29 ноября.
• Изобразительное искусство Ленинграда. Альманах. Л., 1948. С. 38, 48, 122, 128, 152, 153, 156.
• Осенняя выставка произведений ленинградских художников 1958 года. Каталог. — Л: Художник РСФСР, 1959. — с.7.
• Выставка произведений ленинградских художников 1960 года. Каталог. — Л: Художник РСФСР, 1961. — с.9.
• Художники народов СССР. Биобиблиографический словарь. Т.1. М., Искусство, 1970. С.406-407.
• Яковлева Л. Величие подвига. // Вечерний Ленинград, 1975, 27 мая.
• Наш современник. Зональная выставка произведений ленинградских художников 1975 года. Каталог. — Л: Художник РСФСР, 1980. — с.12.
• Изобразительное искусство Ленинграда. Каталог выставки. — Л: Художник РСФСР, 1976. — с.15.
• Зональная выставка произведений ленинградских художников 1980 года. Каталог. — Л: Художник РСФСР, 1983. — с.10.
• Справочник членов Ленинградской организации Союза художников РСФСР. — Л: Художник РСФСР, 1987. — с.15.
• Государственный Русский музей. Живопись. Первая половина XX века. Каталог. А—В. СПб, Palace Editions. 1997. С. 69.
• Matthew Cullerne Bown. A Dictionary of Twentieth Century Russian And Soviet Painters. 1900 — 1980s. — London: Izomar Limited, 1998.
• Иванов С. Неизвестный соцреализм. Ленинградская школа. СПб., НП-Принт, 2007. С.384, 386, 398. ISBN 5-901724-21-6, ISBN 978-5-901724-21-7.
• Юбилейный Справочник выпускников Санкт-Петербургского академического института живописи, скульптуры и архитектуры имени И. Е. Репина Российской Академии художеств. 1915—2005. СПб., Первоцвет, 2007. С.49.
• Бахтияров, Р. А. Блинков Александр Александрович //Страницы памяти. Справочно-биографический сборник. 1941—1945. Художники Санкт-Петербургского (Ленинградского) Союза художников — ветераны Великой Отечественной войны. Кн.1. СПб: Петрополис, 2014. С.110-113.